Aktori i njohur amerikan, Jamie Foxx, është bërë baba për herë të tretë. Burime kanë konfirmuar se aktori 58-vjeçar dhe partnerja e tij 31-vjeçare, Alyce Huckstepp, kanë mirëpritur fëmijën e tyre të parë së bashku, raporton revista People.
Ylli i filmit “Soul” ka edhe dy vajza nga lidhjet e mëparshme, Corinne, 32-vjeçare, dhe Anelise, 18-vjeçare.
Lajmi për shtatzëninë e partneres së aktorit ishte bërë publik për herë të parë në muajin maj, ndërsa lidhja e Foxx dhe Huckstepp ishte bërë publike në gusht të vitit 2023, kur ata u fotografuan duke darkuar së bashku në Malibu.
Megjithatë, sipas burimeve të shumta, çifti ishte ndarë në janar të vitit 2025.
Në atë periudhë, Foxx ishte i angazhuar me projekte të shumta profesionale. Në të njëjtin muaj ishte publikuar filmi i tij “Back in Action”, ku luan përkrah Cameron Diaz, ndërsa disa javë më herët kishte dalë në Netflix edhe specialja e tij “Jamie Foxx: What Had Happened Was…”.
Sinjali – aty ku e vërteta flet para lajmit!
Burimi: Sinjali