E ngarkuara me punë në Ambasadën e Shteteve të Bashkuara të Amerikës në Prishtinë, Anu Prattipati, ka pritur sot komandantin e Komandës Evropiane të SHBA-së (EUCOM) dhe Komandantin Suprem të Forcave Aleate të NATO-s në Evropë (SACEUR), gjeneralin Alexus Grynkewich.
Lajmi është bërë i ditur nga Ambasada amerikane në Kosovë përmes një njoftimi në Facebook.
Sipas ambasadës, vizita e gjeneralit Grynkewich dëshmon vlerësimin e SHBA-së për misionin e KFOR-it të udhëhequr nga NATO-ja dhe përkushtimin e tij për ruajtjen e një mjedisi të sigurt dhe të qëndrueshëm për të gjitha komunitetet në Kosovë.
Në njoftim nuk janë bërë të ditura detaje të tjera lidhur me agjendën e vizitës së tij.
Sinjali – aty ku e vërteta flet para lajmit!
Burimi: Sinjali