Kryeministri i Kosovës, Albin Kurti, dhe përfaqësuesi i Bashkimit Evropian për dialogun Kosovë-Serbi, Peter Sorensen, kanë diskutuar në Paris për hapat e ardhshëm në procesin e dialogut dhe normalizimin e marrëdhënieve ndërmjet dy vendeve.
Lajmi është bërë i ditur nga Zyra e Përfaqësuesit të Posaçëm të BE-së për dialogun, përmes një postimi në platformën X, ku është njoftuar se në takim janë trajtuar çështje që lidhen me vazhdimin e procesit të dialogut.
“Me institucionet tashmë të konstituuara në Prishtinë, diskutuam për rrugën përpara në dialogun Beograd-Prishtinë dhe aspektet e ndryshme të procesit të normalizimit, të cilat kanë rëndësi për njerëzit në terren dhe për rajonin”, thuhet në njoftim.
Zyra e BE-së e ka cilësuar takimin si një shkëmbim të mirë të mendimeve, duke theksuar rëndësinë e vazhdimit të procesit të normalizimit të marrëdhënieve ndërmjet Kosovës dhe Serbisë.
Good exchange with PM Kurti today in Paris. With institutions now in place in Pristina, we discussed the way ahead in the Belgrade-Pristina Dialogue and the different aspects of the normalisation process, which matter for people on the ground and for the region. https://t.co/cTNuEbuFVr
— EUSR for Belgrade-Pristina Dialogue (@EUSR_Dialogue) November 11, 2026
Sinjali – aty ku e vërteta flet para lajmit!
Burimi: Sinjali