Real Madridi ka marrë një goditje të rëndësishme para përballjes me Barcelonën, pasi portieri Thibaut Courtois nuk është rikuperuar plotësisht nga gripi i rëndë.
Edhe pse klubi madrilen ka njoftuar fillimisht për mungesën e portierit belg, sipas raportimeve të mediave spanjolle, ekziston ende një mundësi që gjendja e tij të përmirësohet para ndeshjes.
Sipas gazetës “Marca”, stafi i Real Madridit do ta vlerësojë gjendjen e tij në orët në vijim, për të vendosur nëse do të udhëtojë drejt Barcelonës.
Megjithatë, raportimet e fundit sugjerojnë se Courtois pritet të mungojë në këtë përballje të rëndësishme, e cila zhvillohet në “Spotify Camp Nou”, me fillim nga ora 21:00.
Sinjali – aty ku e vërteta flet para lajmit!
Burimi: Sinjali