Lista Studentore “Studentët fitojnë” ka shpallur fitoren në zgjedhjet parlamentare, pasi Aleksandar Vuçiq njoftoi se SNS-ja i ka humbur zgjedhjet.
Në shtabin zgjedhor të studentëve kanë nisur festimet me thirrjet “Fitore, fitore” dhe “Vazhdo, vazhdo”, ndërsa studentët dhe kandidatët e listës kanë festuar nën tingujt e muzikës.
Profesori Dejan Shoshkiq, i cili foli nga shtabi zgjedhor, shprehu kënaqësinë për rezultatin zgjedhor.
“Jam krenar. Faleminderit të gjithëve. E prisja një fitore kaq bindëse”, tha Shoshkiq.
Festimet më pas u përhapën edhe në qendër të Beogradit, ku u mblodhën qindra qytetarë. U ndezën flakadanë, ndërsa në rrugë u dëgjuan sirenat dhe boritë e automjeteve.
Në shtabin e Listës Studentore është njoftuar se së shpejti priten deklarime të tjera.
Burimi: RTKLive