Marcus Thuram rikthehet në listën e të grumbulluarve të Kombëtares së Francës, pasi trajneri Zinedine Zidane ka vendosur ta përfshijë sulmuesin e Interit në skuadrën që do të përballet me Italinë dhe Turqinë në ndeshjet e fundit të këtij edicioni të Ligës së Kombeve.
Ky është një rikthim i rëndësishëm për Thuramin, i cili muajin e kaluar ishte lënë jashtë listës nga Zidane. Paraqitjet e mira, golat dhe vazhdimësia në lojë gjatë muajve të fundit duket se kanë bindur përzgjedhësin francez t’i japë sërish një mundësi sulmuesit, djalit të ish-futbollistit Lilian Thuram.
Zidane ka shpjeguar se vendimi për ta grumbulluar Thuramin lidhet edhe me dëshirën për ta parë nga afër pas periudhës së dëmtimit.
“Për Marcus është një mundësi për ta parë. Kishte një dëmtim dhe ishte një mundësi për ta pasur në dispozicion. Ai e njeh kombëtaren franceze, doja ta shihja”, ka deklaruar Zidane.
Thurami nuk është futbollisti i vetëm i Interit që është përfshirë në listën e Francës. Krahas tij, ftesë ka marrë edhe Andy Diouf, i cili debutoi me kombëtaren në ndeshjet e shtatorit dhe tetorit.
Ndërkohë, nga Serie A, në listën e Francës janë përfshirë edhe Pierre Kalulu i Juventusit, Adrien Rabiot dhe Mike Maignan të Milanit, si dhe Lucas Da Cunha i Comos.
Sinjali – aty ku e vërteta flet para lajmit!
Burimi: Sinjali