Ministrja e Mjedisit dhe Planifikimit Hapësinor, Fitore Pacolli, ka prezantuar në Konferencën e OKB-së për Klimën, COP31, vizionin për Kosovën e vitit 2050, me fokus në zhvillimin e qëndrueshëm të qyteteve dhe reziliencën urbane.
Në një postim në Facebook, Pacolli ka thënë se qytetet e së ardhmes duhet të planifikohen ndryshe, duke u dhënë përparësi hapësirave të gjelbra, mbrojtjes së mjedisit dhe nevojave të qytetarëve.
Ajo ka theksuar se Ministria duhet të dëgjojë komunitetet dhe të zbatojë vullnetin e tyre, ndërsa shteti të ofrojë ligjet, instrumentet dhe buxhetin e nevojshëm.
Pacolli ka veçuar edhe përfshirjen e fëmijëve dhe të rinjve në hartimin e politikave publike, përmes platformave të bashkëkrijimit, me synimin që ata të ndikojnë drejtpërdrejt në zhvillimin urban dhe ndërmarrësinë e gjelbër.
Burimi: RTKLive