Inspektorati Qendror i Punës ka njoftuar se ka ndaluar përkohësisht punimet në tri objekte ndërtimi në komunën e Prizrenit, pas parregullsive të konstatuara gjatë inspektimeve në terren.
Sipas njoftimit, vendimi për ndalimin e punimeve është marrë për shkak të mosrespektimit të masave të sigurisë dhe shëndetit në punë.
Inspektorati ka bërë të ditur se punimet në këto objekte do të mbeten të ndaluara deri në eliminimin e parregullsive dhe krijimin e kushteve të sigurta për punë.
Po ashtu, ky institucion u ka bërë thirrje të gjithë punëdhënësve që të zbatojnë legjislacionin në fuqi dhe të garantojnë sigurinë dhe shëndetin e punëtorëve. /Telegrafi/