Policia e Kosovës ka publikuar fotografinë e një personi të dyshuar për “Shpërdorim të pasurisë së huaj” në Ferizaj dhe ka kërkuar ndihmën e qytetarëve për identifikimin e tij.
Sipas Policisë, vepra penale dyshohet se është kryer më 1 tetor 2026, në një lokal në rrugën “Ahmet Kaçiku”. Personi në fotografi ende nuk është identifikuar.
Fotografia është publikuar me autorizim të Prokurorisë Themelore në Ferizaj. Njësiti i Hetimeve i Stacionit Policor në Ferizaj u bën thirrje qytetarëve që kanë informacione për identitetin ose vendndodhjen e personit të kontaktojnë Policinë.
Policia ka bërë të ditur se do ta ruajë konfidencialitetin e personave që japin informacione.
Sinjali – aty ku e vërteta flet para lajmit!
Burimi: Sinjali