Prokuroria kërkon një muaj paraburgim për Rrahim Hotin, të dyshuarin për vrasjen në Suharekë

Prokuroria kërkon një muaj paraburgim për Rrahim Hotin, të dyshuarin për vrasjen në Suharekë

Written by

in

Prokuroria kërkon një muaj paraburgim për Rrahim Hotin, të dyshuarin për vrasjen në Suharekë

Prokuroria Themelore në Prizren ka kërkuar caktimin e masës së paraburgimit ndaj Rrahim Hotit, i dyshuar për vrasjen e rëndë të 18 nëntorit në Suharekë.

Sipas njoftimit të Prokurorisë, Hoti dyshohet për veprat penale “Vrasja e rëndë” dhe “Mbajtja në pronësi, kontroll ose posedim të paautorizuar të armëve”.

Ngjarja kishte ndodhur rreth orës 12:03, në parkingun e një qendre tregtare në Suharekë, pas një mosmarrëveshjeje lidhur me parkimin e automjeteve.

Sipas Prokurorisë, i dyshuari kishte shtënë disa herë me armë zjarri të llojit “Sig Sauer” në drejtim të viktimës S.D., fillimisht përmes xhamit të automjetit e më pas edhe pasi kishte hapur dyert e tij.

Nga të shtënat ishte rrezikuar edhe jeta e bashkëshortes së viktimës dhe vajzës së tyre të mitur, të cilat ndodheshin në vendin e ngjarjes.

Viktima fillimisht kishte marrë ndihmë mjekësore në QKMF-në e Suharekës, ndërsa më pas ishte dërguar në Spitalin Rajonal të Prizrenit, ku mjekët kishin konstatuar vdekjen e tij.

Pas rastit, i dyshuari ishte larguar nga vendi i ngjarjes, por më vonë ishte lokalizuar dhe arrestuar nga Policia e Kosovës.

Gjatë kontrollit të automjetit të tij, policia kishte gjetur dhe sekuestruar armën e dyshuar si mjet të kryerjes së veprës, dy karikatorë dhe 24 fishekë. Ndërkaq, gjatë kontrollit të banesës ishin gjetur edhe 47 fishekë të tjerë.

Një tjetër detaj i bërë publik nga Prokuroria është se Rrahim Hoti rezulton të ketë qenë i dënuar më parë nga autoritetet zvicerane për veprën penale të vrasjes.

Për këto dy vepra penale, Prokuroria ka kërkuar nga Gjykata Themelore në Prizren caktimin e masës së paraburgimit ndaj tij.

Burimi: Insajderi