Një sulm amerikan ndaj një strukture për lëshimin e raketave të Gardës Revolucionare Islamike (IRGC) në ishullin Qeshm, në jug të Iranit, është raportuar gjatë orëve të fundit.
Në të njëjtën kohë, mediat iraniane kanë raportuar për shpërthime dhe aktivizim të sistemeve të mbrojtjes ajrore në zonën përreth Ngushticës së Hormuzit.
Sipas raportimeve të mediave lokale, shpërthime janë dëgjuar pas mesnatës pranë aeroportit Bandar-e Jask, në jug të Iranit, por deri më tani nuk janë dhënë detaje të tjera për incidentin.
Ndërkaq, agjencia iraniane e lajmeve Tasnim ka pretenduar se Garda Revolucionare ka kapur një avion luftarak armik mbi ishullin Qeshm, duke e detyruar atë të largohej nga zona.
Edhe agjencia Fars ka raportuar për disa shpërthime pranë Ngushticës së Hormuzit, të cilat, sipas saj, ndodhën gjatë lëshimit të raketave tokë-ajër kundër avionëve luftarakë amerikanë.
Megjithatë, raportimet për sulmin amerikan nuk janë konfirmuar në mënyrë të pavarur. Po ashtu, ende nuk dihet nëse incidentet kanë shkaktuar viktima apo dëme materiale.
Sinjali – aty ku e vërteta flet para lajmit!
Burimi: Sinjali