Real Madridi blindon yllin francez, Tchouaméni nën kontratë deri në vitin 2032

Real Madridi blindon yllin francez, Tchouaméni nën kontratë deri në vitin 2032

Written by

in

Real Madridi blindon yllin francez, Tchouaméni nën kontratë deri në vitin 2032

Real Madridi ka siguruar të ardhmen e mesfushorit francez Aurélien Tchouaméni, duke zyrtarizuar vazhdimin e kontratës së tij deri më 30 qershor 2032.

Klubi madrilen e ka konfirmuar marrëveshjen përmes një njoftimi zyrtar të publikuar më 19 nëntor, duke e mbajtur kështu futbollistin në “Santiago Bernabéu” edhe për gjashtë sezone të tjera.

“Real Madrid CF dhe Aurelien Tchouameni kanë rënë dakord të zgjasin kontratën e lojtarit tonë, i cili tani është i lidhur me klubin deri më 30 qershor 2032”, thuhet në njoftimin e klubit.

Mesfushori francez iu bashkua Real Madridit në vitin 2022 dhe që atëherë ka regjistruar 205 paraqitje me fanellën e gjigantit spanjoll.

Gjatë kësaj periudhe, Tchouaméni ka fituar tetë trofe, përfshirë Ligën e Kampionëve, titullin e La Ligës dhe Kupën e Mbretit.

Në mesin e sukseseve të tij me madrilenët janë edhe dy Kupa të Botës për Klube, dy Superkupa të Evropës dhe një Superkupë e Spanjës.

Përveç karrierës në nivel klubesh, 25-vjeçari është edhe pjesë e rëndësishme e Kombëtares së Francës, me të cilën ka zhvilluar 50 ndeshje dhe ka fituar Ligën e Kombeve në vitin 2021.

Sinjali – aty ku e vërteta flet para lajmit!

/GazetaSinjali/

Burimi: Sinjali