Roma e do Ernest Muçin, gati 22 milionë euro për shqiptarin

Roma e do Ernest Muçin, gati 22 milionë euro për shqiptarin

Written by

in

Sipas mediave turke, interesim të veçantë për sulmuesin shqiptar ka shfaqur Roma, ku trajneri Gian Piero Gasperini e ka vendosur atë në mesin e objektivave kryesorë për përforcimin e skuadrës.

Madje, raportohet se klubi italian është i gatshëm të ofrojë 22 milionë euro për të siguruar shërbimet e 25-vjeçarit.

Muçi po kalon një periudhë pozitive në futbollin turk, ndërsa paraqitjet e tij me Trabzonsporin dhe Shqipërinë kanë ndikuar në rritjen e interesimit për të.

Nëse realizohet ky transferim, sulmuesi shqiptar do të kishte mundësinë të vazhdonte karrierën në Serie A, nën drejtimin e Gasperinit, te një prej klubeve më të njohura të futbollit italian.

Për momentin, mbetet të shihet nëse interesimi i Romës do të konkretizohet me një ofertë zyrtare dhe nëse Trabzonspori do të jetë i gatshëm të heqë dorë nga futbollisti shqiptar.

Burimi: RTKLive