Islamic Relief Kosova, në partneritet me Komunën e Drenasit, ka shpërndarë 92 mekanizma bujqësorë për fermerët përfitues, në kuadër të projektit “Bujqësia e Qëndrueshme për Fuqizimin e Komunitetit në Kosovë”.
Sipas njoftimit, pajisjet e shpërndara përfshijnë 42 freza bujqësore me gjerësi prej 1.8 metrash, 34 makina mbjellëse për grurë dhe 16 makina mbjellëse për misër.
Kjo mbështetje synon lehtësimin e punës së fermerëve, rritjen e kapaciteteve prodhuese dhe zhvillimin e bujqësisë së qëndrueshme.
Në aktivitetin e shpërndarjes morën pjesë edhe përfaqësues nga zyrat partnere të Islamic Relief.
Projekti mbështetet financiarisht nga Islamic Relief Switzerland dhe zbatohet nga Islamic Relief Kosova, në bashkëpunim me Komunën e Drenasit. /Telegrafi/