Shqiptaro-amerikania gradohet në rreshtere në Florida të ShBA-së

Shqiptaro-amerikania gradohet në rreshtere në Florida të ShBA-së

Written by

in

Shqiptaro-amerikania gradohet në rreshtere në Florida të ShBA-së

Erida Caudill, me prejardhje shqiptare është graduar në detyrën e rreshteres në Zyrën e Sherifit të Qarkut Collier, në shtetin amerikan të Floridës.

Për këtë arritje ka njoftuar Shoqata Amerikane e Shqiptarëve në Zbatimin e Ligjit (AALEA), përmes një postimi në Facebook.

Në postim, AALEA vlerësoi përkushtimin, profesionalizmin dhe aftësitë udhëheqëse të Caudill, duke theksuar se kjo arritje është dëshmi e punës së saj të palodhur dhe angazhimit në shërbim të publikut.

Shoqata theksoi se suksesi i Caudill përbën frymëzim për komunitetin shqiptaro-amerikan të zbatimit të ligjit.

“Urojmë që ky kapitull i ri t’ju sjellë sukses, forcë dhe dallim të vazhdueshëm ndërsa udhëhiqni dhe shërbeni’, thuhet në urimin e AALEA-së.

Në fund, shoqata e përgëzoi Caudill për avancimin në karrierë, duke shprehur krenarinë për arritjen e saj.