Shtatë autobusë të parkuar janë shkatërruar nga një zjarr në një hapësirë të një kompanie pranë qytetit Mannheim, në landin Baden-Württemberg të Gjermanisë jugperëndimore.
Sipas policisë, zjarri shpërtheu të mërkurën në mbrëmje në qytetin Ladenburg, duke shkaktuar dëme materiale që vlerësohen në rreth dy milionë euro.
Nga incidenti nuk raportohet për persona të lënduar. Një tjetër autobus pësoi dëme të vogla nga zjarri, por mbeti funksional, transmeton Telegrafi.
Në vendngjarje u angazhuan ekipe të shumta emergjente, ndërsa përpjekjet për shuarjen e flakëve zgjatën disa orë.
Shkaku i zjarrit ende nuk është bërë i ditur. Policia ka nisur hetimet për të zbardhur rrethanat e incidentit. /Telegrafi/
– YouTube www.youtube.com