Deputeti i Parlamentit Evropian, Ilhan Kyuchyuk, ka reaguar ashpër pas skandalit të djeshëm në Bruksel, ku në një koncert gjatë mbrëmjes hapëse të Forumit të Zgjerimit të BE-së u interpretua melodia e një kënge serbe që e paraqet Kosovën si pjesë të Serbisë.
Ilhan Kyuchyuk në një postim në platformën X, ka shkruar se lejimi i melodive nacionaliste në hapjen e Forumit të Zgjerimit të BE-së në Bruksel e minon frymën e pajtimit rajonal dhe të marrëdhënieve të mira.
“Kosova meriton respekt të plotë dhe përfshirje në rrugën e saj drejt BE-së. Dhënia e një skene për meloditë nacionaliste në hapjen e Forumit të Zgjerimit të BE-së në Bruksel e minon frymën e pajtimit rajonal dhe të marrëdhënieve të mira fqinjësore. Në mbështetje të Kosovës dhe përparimit të saj demokratik”, shkroi ai. /Telegrafi/