Sulmohet me dronë anija ruse në Gjirin e Finlandës, përfshihet nga flakët

Sulmohet me dronë anija ruse në Gjirin e Finlandës, përfshihet nga flakët

Written by

in

Sulmohet me dronë anija ruse në Gjirin e Finlandës, përfshihet nga flakët

Një anije mallrash ruse, e nisur drejt enklavës së Kaliningradit, është goditur nga një sulm me dronë në pjesën lindore të Gjirit të Finlandës, duke përfshirë zjarr në bord.

Sulmi ka ndodhur të shtunën në mëngjes, ndërsa pas goditjes anija ka humbur kontrollin dhe ka përfunduar duke lëvizur në drejtim të ujërave territoriale finlandeze, raporton BBC.

Autoritetet e Mbrojtjes në Finlandë kanë deklaruar se Ukraina dyshohet të jetë përgjegjëse për sulmin, ndërsa Kievi ende nuk ka reaguar zyrtarisht lidhur me ngjarjen.

Kryeministri finlandez, Petteri Orpo, ka shprehur shqetësimin për përhapjen e luftës pranë kufijve të vendit të tij, por njëkohësisht ka mbrojtur të drejtën e Ukrainës për t’iu kundërpërgjigjur agresionit rus.

“Lufta po përhapet në afërsinë tonë të menjëhershme. Ukraina ka të drejtë të kundërpërgjigjet ndaj agresorit”, deklaroi Orpo.

Ndërkohë, guvernatori i Kaliningradit, Alexei Besprozvannykh, ka bërë të ditur se, sipas informacioneve paraprake, në sulm janë përdorur dy dronë. Ai ka siguruar se furnizimi i enklavës ruse nuk është në rrezik.

Anija është përfshirë në listën e sanksioneve të Shteteve të Bashkuara që nga viti 2022, ndërsa Ukraina e ka sanksionuar edhe këtë vit.

Ajo operohet nga një kompani ruse, e cila, sipas autoriteteve ukrainase dhe amerikane, ka lidhje me strukturat e Ministrisë së Mbrojtjes së Rusisë.

Në faqen e saj zyrtare, kompania deklaron se është themeluar në vitin 2011 në kuadër të Ministrisë së Mbrojtjes së Rusisë dhe se, që nga viti 2015, operon në sektorin e ndërtimit ushtarak.

Sinjali – aty ku e vërteta flet para lajmit!

/GazetaSinjali/

Burimi: Sinjali