Tahiri kërkon që BE-ja të distancohet nga kënga nacionaliste serbe, thirrje Kosovës për afrim me SHBA-në

Tahiri kërkon që BE-ja të distancohet nga kënga nacionaliste serbe, thirrje Kosovës për afrim me SHBA-në

Written by

in

Tahiri kërkon që BE-ja të distancohet nga kënga nacionaliste serbe, thirrje Kosovës për afrim me SHBA-në

Ish-kryenegociatorja e Kosovës në dialogun me Serbinë, Edita Tahiri, ka reaguar pas këndimit të një kënge nacionaliste dhe hegjemoniste serbe në një aktivitet të organizuar në kuadër të Forumit të Zgjerimit të Bashkimit Evropian.

Tahiri ka kërkuar reagim dhe distancim zyrtar nga Bashkimi Evropian për këtë veprim, duke e cilësuar të papranueshëm promovimin e mesazheve nacionaliste dhe hegjemoniste në aktivitete që organizohen në kuadër të institucioneve apo forumeve evropiane.

Ajo ka bërë thirrje që diplomacia e Kosovës të intensifikojë angazhimin për krijimin e një dialogu strategjik me Shtetet e Bashkuara të Amerikës, si dhe për sigurimin e njohjes së pavarësisë së Kosovës nga pesë shtetet e Bashkimit Evropian që ende nuk e kanë njohur atë.

Duke kritikuar rezultatet e diplomacisë aktuale, Tahiri ka rikujtuar se nga përfundimi i mandatit të qeverisë ku ajo kishte qenë pjesë, në vitin 2017, e deri më sot, Kosova nuk ka arritur të sigurojë asnjë njohje të re nga pesë shtetet mosnjohëse të BE-së.

Në këtë kontekst, ajo ka theksuar rëndësinë e një diplomacie më aktive, të koordinuar dhe strategjike, e cila do të kontribuonte në forcimin e subjektivitetit ndërkombëtar të Kosovës dhe të marrëdhënieve të saj me aleatët perëndimorë.

Burimi: Insajderi