Ana Zhubi, shoqe e të ndjerës Arlinda Zekaj, ka kërkuar që hetimet për vrasjen e saj të përfshijnë edhe ish-vjehrrën, duke kërkuar që ajo të merret në pyetje nga Policia e Kosovës.
Përmes një reagimi në Facebook, Zhubi ka ngritur pretendime për dhunë psikologjike ndaj Arlindës, duke kërkuar që organet e drejtësisë t’i shqyrtojnë edhe këto rrethana.
Ajo ka ndarë edhe përvojën e saj personale nga martesa e parë, duke përshkruar atë që e cilëson si ofendime, përbuzje dhe trajtim psikologjikisht të rëndë nga ish-vjehrra e saj.
Zhubi ka ngritur gjithashtu pikëpyetje lidhur me pretendimet për praninë e ish-vjehrrës së Arlindës gjatë ngjarjes tragjike dhe mungesën e ndërhyrjes, duke kërkuar që kjo çështje të sqarohet nga organet kompetente.
Ajo ka bërë thirrje që të gjitha pretendimet të hetohen, në mënyrë që të ndriçohen plotësisht rrethanat që paraprinë dhe shoqëruan vrasjen e Arlinda Zekajt.
Pretendimet e ngritura nga Zhubi nuk përbëjnë fakte të vërtetuara dhe mbetet në kompetencë të organeve të drejtësisë që t’i verifikojnë ato.
Sinjali – aty ku e vërteta flet para lajmit!
/GazetaSinjali/
Burimi: Sinjali