President i Ukrainës, Volodymyr Zelenskyy, është deklaruar rreth takimit trepalësh që është zhvilluar sot mes delegacionit ukrainas, amerikan dhe rus, duke thënë se ai ka pranuar raport nga ekipi negociator ukrainas, dhe ka falënderuar partnerët e këtij vendi.
Zelenksyy, ka thënë se takimi trepalësh ka qenë konstruktiv dhe ‘’mjaft përmbajtësor’’, dhe se, është diskutuar në detaje përmbajtja e garancive të sigurisë për Ukrainën dhe bazat për të siguruar funksionimin e këtyre garancive në afat të gjatë.
‘’ Nevojiten mekanizma konkretë për të parandaluar çdo përsëritje të luftës. Gjithashtu, u trajtua edhe nevoja për hapa drejt shtensionimit të situatës’’ ka shkruar ai mes tjerash.
Postimi i plotë:
Mora një raport nga ekipi ynë negociator. Sot ishte dita e parë e takimeve në Abu Dhabi. Fillimisht u zhvillua një takim me partnerët tanë evropianë dhe amerikanë, i pasuar nga një takim në formatin trepalësh ndërmjet delegacionit tonë dhe delegacioneve amerikane dhe ruse. Jam mirënjohës ndaj të gjithë partnerëve të Ukrainës për mbështetjen e tyre.
Takimi në formatin trepalësh ishte konstruktiv dhe mjaft përmbajtësor. Pati kohë për të diskutuar nevojën dhe parametrat e mundshëm të hapave humanitarë. Lirimi i të burgosurve është prioritet. U diskutua në detaje përmbajtja e garancive të sigurisë për Ukrainën dhe bazat për të siguruar funksionimin e këtyre garancive në afat të gjatë. Nevojiten mekanizma konkretë për të parandaluar çdo përsëritje të luftës. Gjithashtu, u trajtua edhe nevoja për hapa drejt shtensionimit të situatës.
I kam dhënë ekipit tonë udhëzime të qarta për vazhdimin e dialogut, si në takimin trepalësh të nesërm, ashtu edhe në ditët në vijim, me të dërguarit e presidentit amerikan dhe përfaqësuesit e Evropës. Gjëja më e rëndësishme është që realisht t’i afrohemi paqes. Nga ana e Ukrainës do të ketë vetëm punë produktive, cilësore dhe të ndershme.
Falënderoj palën amerikane për organizimin e këtyre negociatave dhe Emiratet e Bashkuara Arabe për ofrimin e një platforme të besueshme për zhvillimin e tyre.
Burimi: Insajderi