Bayern Munich është gjithnjë e më optimist se do të arrijë marrëveshje me Harry Kane për vazhdimin e bashkëpunimit përtej kontratës aktuale, raporton “Sky Sport Deutschland”.
Bisedimet mes klubit bavarez dhe sulmuesit anglez për një kontratë të re po ecin në drejtimin e duhur, ndërsa drejtori sportiv i Bayernit, Max Eberl, ka konfirmuar se të dyja palët janë optimiste për arritjen e një marrëveshjeje.
Megjithatë, deri më tani nuk është arritur një marrëveshje përfundimtare, pasi Kane ende nuk e ka dhënë miratimin e tij të fundit.
Bayern Munich synon ta sigurojë të ardhmen e kapitenit të Kombëtares së Anglisë, i cili është shndërruar në një nga lojtarët më të rëndësishëm të skuadrës që prej transferimit nga Tottenham Hotspur.
Sulmuesi anglez ka pasur rol kyç në ekipin bavarez, ndërsa drejtuesit e klubit dëshirojnë ta mbajnë atë në Mynih edhe pas përfundimit të kontratës aktuale.
Tashmë, gjithçka varet nga përfundimi i negociatave dhe vendimi përfundimtar i Kane, për të parë nëse palët do të arrijnë marrëveshje për vazhdimin e bashkëpunimit.
Sinjali – aty ku e vërteta flet para lajmit!
The post Bayern Munich optimist për rinovimin me Harry Kane, bisedimet po ecin mirë appeared first on Sinjali.
Burimi: Sinjali