Jenna Ortega ka tërhequr vëmendjen me paraqitjen e saj elegante në premierën e filmit të ri “Klara and the Sun”, të mbajtur të hënën në hotelin Crosby Street në New York.
Aktorja u shfaq me një fustan të ngushtë me thekë, i zbukuruar me detaje argjendi dhe nuanca të verdha e pjeshkë, ndërsa pamjen e kompletoi me taka elegante.
Në tapetin blu, 24-vjeçarja u shoqërua nga kolegia e saj Amy Adams, e cila zgjodhi një fustan të zi me prerje elegante dhe detaje të bardha te mëngët.
Jenna
Dy aktoret po promovojnë filmin e drejtuar nga Taika Waititi, i cili bazohet në librin me të njëjtin emër të shkrimtarit Kazuo Ishiguro.
Në film, Jenna Ortega luan Klarën, një vajzë robotike e krijuar për të parandaluar vetminë.
Amy Adams
Historia zhvillohet në një të ardhme alternative, ku përparimet teknologjike në inxhinierinë gjenetike kanë krijuar ndarje të thella mes njerëzve.
Kur adoleshentja Josie e vëren Klarën në vitrinën e një dyqani, ajo bind nënën e saj, Chrissie, të blejë robotin për t’i bërë shoqëri.
Në kastin e filmit janë edhe Steve Buscemi dhe Natasha Lyonne.
Jenna
Megjithatë, pavarësisht promovimit dhe paraqitjeve publike të aktorëve, filmi është pritur me kritika të ashpra nga disa media të njohura.
“Klara and the Sun” aktualisht ka marrë vetëm 25 për qind vlerësim nga kritikët në platformën Rotten Tomatoes, bazuar në 12 recensione.
Jenna
Ndërkohë, gazetat “The Telegraph”, “The Times” dhe “The Guardian” i kanë dhënë filmit vetëm një yll. /Telegrafi/
Jenna, Taika dhe Amy