Një veturë e tipit “Range Rover”, me targa zvicerane, është vjedhur të shtunën në Tetovë.
Sipas njoftimit të policisë, më 25 tetor, në orën 18:05, në SPB Tetovë, vjedhjen e ka denoncuar F.D. (44) nga Reçica e Vogël.
Veturën e kishte parkuar në rrugën “Vidoe Smilevski Bato”, ndërsa vjedhja dyshohet se ka ndodhur në periudhën nga ora 12:30 deri në 16:00.
Policia njofton se po ndërmerren masa për gjetjen e veturës dhe identifikimin e autorit.