Louisa Jacobson, vajza më e vogël e aktores Meryl Streep, u shfaq rrallë në tapetin e kuq, por këtë herë spikati me një zgjedhje të guximshme mode.
Aktorja 35-vjeçare mori pjesë në ceremoninë WWD Honors Gala në New York, me një kostum me vija nga koleksioni pranverë 2027 i Tom Ford, krijuar nga Haider Ackermann.
Louisa e kombinoi kostumin pa një bluzë poshtë, duke e shoqëruar me këpucë me shkëlqim metalik, shkruan DailyMail.
Ajo kishte flokët bionde të prera shkurt dhe të stiluar anash, duke kompletuar një paraqitje moderne dhe të guximshme.
E njohur për rolin e Marian Brook në serialin The Gilded Age, Jacobson ka tërhequr vëmendje edhe për jetën e saj personale.
Në qershor të vitit 2024, ajo bëri publike orientimin e saj seksual dhe ndau fotografi me partneren, producenten Anna Blundell.
Në një intervistë në vitin 2025, Louisa tregoi se nëna e saj, Meryl Streep, e kishte mbështetur plotësisht.
Ajo foli gjithashtu për mënyrën se si kjo përvojë i kishte zgjeruar mundësitë e shprehjes personale dhe marrëdhënien me feminitetin. /Telegrafi/
