Qendra për Luftën Kundër Dezinformimit e Presidencës së Turqisë ka mohuar kategorikisht akuzat për ndërhyrjen e Ankarasë në zgjedhjet izraelite, duke i cilësuar ato si pjesë të një fushate të qëllimshme për manipulimin e opinionit publik.
Në një deklaratë të publikuar në përgjigje të raportimeve në mediat ndërkombëtare dhe postimeve në rrjetet sociale, institucioni turk i ka cilësuar akuzat si të pabaza.
“Akuzat që u shfaqën në disa media dhe platforma të mediave sociale ndërkombëtare, sipas të cilave ‘Turqia ndërhyri në zgjedhjet izraelite’, janë plotësisht të pabaza”, thuhet në deklaratë.
Sipas autoriteteve turke, pretendimet në fjalë janë pjesë e një përpjekjeje të organizuar për të mashtruar publikun dhe për të ndikuar në perceptimin e tij për këtë çështje.
“Ne i bëjmë thirrje fuqimisht publikut të mos besojë lajme dhe akuza të tilla të rreme që synojnë ta mashtrojnë atë”, thuhet më tej në njoftim.
Deri në këtë deklaratë, pala turke nuk ka pranuar asnjë nga akuzat për ndërhyrje në procesin zgjedhor të Izraelit, duke këmbëngulur se bëhet fjalë për dezinformim.
Sinjali – aty ku e vërteta flet para lajmit!
Burimi: Sinjali