Aktorja amerikane, Halle Berry, ka humbur një betejë të rëndësishme gjyqësore për kujdestarinë ndaj djalit të saj 13-vjeçar, Maceo, të cilin e ka me ish-bashkëshortin Olivier Martinez.
Sipas vendimit të gjykatës, djali do të kalojë pjesën më të madhe të kohës me të atin, ndërsa nuk do të lejohet më të kalojë netët në shtëpinë e nënës së tij.
Avokati i Martinezit konfirmoi se deri më tani ish-bashkëshortët e ndanin kujdestarinë, por gjykata refuzoi kërkesën e Berryt që djali të kalonte kohë të barabartë me të dy prindërit.
Megjithatë, të dy vazhdojnë të kenë të drejtën e përbashkët për të marrë vendime të rëndësishme lidhur me arsimimin dhe kujdesin shëndetësor të të birit.
Mosmarrëveshjet për kujdestarinë kanë zgjatur prej vitesh dhe gjatë procesit janë ngritur edhe akuza serioze.
Martinez kishte pretenduar se aktorja e kishte mbytur djalin, pretendim që Berry e ka mohuar kategorikisht.
Gjatë procedurave gjyqësore, Maceo është marrë në pyetje në një seancë të mbyllur, pa praninë e prindërve të tij.
Rastit iu shtua edhe një publikim në profilin e Instagramit të Halle Berryt, ku thuhej se problemet me respektin e fëmijëve ndaj nënës shpesh lidhen me marrëdhënien e tyre me babanë.
U ngritën dyshime se profili i aktores mund të ishte hakuar, por rrethanat e publikimit nuk u sqaruan.
Pavarësisht kundërshtimeve dhe kërkesave të palëve, vendimi për kujdestarinë mbeti në fuqi. /Telegrafi/