Ministri i Infrastrukturës dhe Transportit, Dimal Basha, ka njoftuar se punimet në rrugën “Hamdi Kurteshi” në Gjilan janë drejt përfundimit.
Sipas Bashës, projekti po realizohet në bashkëpunim me Komunën e Gjilanit dhe përfshin një segment rrugor prej 900 metrash, me katër korsi.
Punimet përfshijnë ndërtimin e kolektorit, murit përgjatë zonës së FSK-së, trotuareve, si dhe shtigjeve për biçiklistë dhe këmbësorë.
Basha ka bërë të ditur se vlera e kontratës është 2.36 milionë euro, prej të cilave 2.3 milionë euro financohen nga Qeveria e Kosovës.
Sipas tij, ky projekt synon përmirësimin e infrastrukturës rrugore dhe lehtësimin e qarkullimit për qytetarët e Gjilanit. /Telegrafi/