Ish-deputeti i Aleancës për Ardhmërinë e Kosovës, Daut Haradinaj, ka reaguar pas vizitës së një grupi serbësh në Pejë dhe Deçan, duke kritikuar institucionet për lejimin e kësaj vizite.
Përmes një postimi në Facebook, Haradinaj ka ngritur pikëpyetje se kush ua ka mundësuar hyrjen dhe vizitën në këto dy qytete, duke përmendur edhe sloganin “Kosova është Serbi”.
“Dje, ministri i Kurtit foli për krijimin e Asociacionit, ndërsa sot paska pasur invazion nga serbët fitues në Beograd, me sloganin ‘Kosova është Serbi’”, ka shkruar Haradinaj.
Ai ka pyetur se kush ua dha lejen për të vizituar Pejën dhe Deçanin, duke e lidhur këtë me vendimet e mëhershme për Manastirin e Deçanit.
“A ua dha ai ose ajo që e dha tokën për Manastirin në orën 24:00 të natës?”, ka shkruar më tej ish-deputeti.
Sinjali – aty ku e vërteta flet para lajmit!
Burimi: Sinjali