Oppo e prezantoi A7 Pro në Kinë në muajin shtator dhe tani duket se është gati ta sjellë atë në Evropë, ku do t’i bashkohet modelit A7 Pro Max që është tashmë i disponueshëm.
Sipas një thashethemi të ri, A7 Pro pritet të kushtojë 499 € për versionin me 128 GB hapësirë ruajtëse dhe 599 € për atë me 256 GB.
Të dyja versionet do të kenë 6 GB RAM.
Pajisja do të ofrohet në ngjyrat “Surfing Blue” (blu) dhe “Shine Titanium” (titan).
Modeli evropian i A7 Pro do të ketë një bateri me kapacitet 7.400 mAh, njësoj si versioni që shitet në Australi dhe Zelandën e Re.
Për krahasim, vlen të përmendet se versioni kinez vjen me një bateri prej 8.000 mAh.
Regjistrimi i telefonit në sistemin EPREL tregon se Oppo garanton që bateria do të përballojë të paktën 1.800 cikle karikimi përpara se kapaciteti i saj të bjerë nën 80%.
A7 Pro ka marrë një vlerësim të përgjithshëm “A”, me notën “A” për rezistencën ndaj rënieve dhe “B” për mundësinë e riparimit.
Pajisja zotëron certifikimin IP68 për rezistencë ndaj pluhurit dhe ujit.
Oppo A7 Pro është i pajisur me një ekran AMOLED 6,57 inç me rezolucion 1080×2372, shpejtësi rifreskimi 120 Hz dhe shkëlqim maksimal prej 1.400 nit.
Ai përdor çipsetin MediaTek Dimensity 6360 Max dhe disponon një kamerë kryesore 50 MP me stabilizim optik (OIS), si dhe një kamerë të përparme (selfie) 8 MP. /Telegrafi/