Ndalon trafikun për të shpëtuar një kotele, motoçiklisti bëhet hero i rrjeteve sociale

Ndalon trafikun për të shpëtuar një kotele, motoçiklisti bëhet hero i rrjeteve sociale

Written by

in

Një video emocionuese që tregon një motoçiklist duke ndaluar trafikun në një rrugë të ngarkuar për të shpëtuar një kotele të vogël është bërë virale në rrjetet sociale.

Në pamjet e publikuara, motoçiklisti shihet teksa po udhëton në një rrugë të ngarkuar, kur papritur vëren një kotele që përpiqet ta kalojë rrugën.

Ai ndalon menjëherë motoçikletën, kthehet prapa dhe u bën shenjë drejtuesve të automjeteve të ndalojnë, për të shmangur përplasjen me kafshën.

Kotelja, e frikësuar, fshihet poshtë një veture, ndërsa motoçiklisti afrohet për ta shpëtuar.

Disa kalimtarë i bashkohen përpjekjes dhe e ndihmojnë.

Pas disa çastesh, ai arrin ta nxjerrë kotelen të sigurt dhe e vendos me kujdes në xhepin e xhaketës së tij.

Më pas, motoçiklisti blen një çantë të vogël për ta transportuar dhe i jep qumësht.

“Një jetë e vogël u shpëtua, pak lumturi u shpërnda”, ka shkruar ai krahas videos.

Videoja është shpërndarë gjerësisht, duke fituar simpatinë e miliona përdoruesve për gjestin human të motoçiklistit.