Bernardo Silva ka shpëtuar nga një lëndim gjatë angazhimeve me Kombëtaren e Portugalisë dhe pritet të jetë i gatshëm për ndeshjen e ardhshme të Real Madridit në La Liga.
Mesfushori u largua nga grumbullimi i përfaqësueses portugeze pas ndeshjes së Ligës së Kombeve kundër Danimarkës, të cilën Portugalia e humbi me rezultat 4-1.
Bernardo Silva u aktivizua në minutën e 79-të dhe shënoi golin e vetëm për portugezët, por më pas u largua nga grumbullimi për shkak të disa shqetësimeve fizike.
Sipas gazetës Marca, largimi i tij ishte vetëm një masë paraprake, pasi ekzaminimet nuk kanë zbuluar ndonjë lëndim te mesfushori.
Kështu, Bernardo pritet të jetë në dispozicion për përballjen e së shtunës ndaj Celta Vigos në kuadër të La Ligës.
Ndërkohë, mbetet të shihet nëse Aurelien Tchouameni do të rikuperohet në kohë për këtë takim. Mesfushori francez ka pësuar një lëndim në muskujt aduktorë dhe vendimi për aktivizimin e tij do të merret më afër fundit të javës./Telegrafi/