Dy biznese në Lipjan shkyçen nga ujësjellësi, njëri kishte 39 mijë euro borxh

Dy biznese në Lipjan shkyçen nga ujësjellësi, njëri kishte 39 mijë euro borxh

Written by

in

Dy biznese në Lipjan janë shkyçur nga rrjeti i ujësjellësit nga Kompania Rajonale e Ujësjellësit (KRU) “Prishtina”, për shkak të borxheve të papaguara.

Sipas njoftimit, njëri nga bizneset kishte grumbulluar 39 mijë euro borxh për shërbimet e ujësjellësit, ndërsa biznesi tjetër kishte 800 euro obligime të papaguara.

KRU “Prishtina” po ndërmerr masa ndaj konsumatorëve që nuk i shlyejnë detyrimet financiare, ndërsa shkyçja e këtyre dy bizneseve është një nga veprimet e ndërmarra në kuadër të këtij procesi.

Në njoftim është ngritur edhe çështja e përgjegjësisë së bizneseve për pagesën e faturave të ujit dhe nëse duhet të ketë tolerancë ndaj atyre që nuk i përmbushin obligimet. /Telegrafi/