FSK certifikon instruktorë të rinj ushtarakë në bashkëpunim me Ushtrinë Amerikane

FSK certifikon instruktorë të rinj ushtarakë në bashkëpunim me Ushtrinë Amerikane

Written by

in

FSK certifikon instruktorë të rinj ushtarakë në bashkëpunim me Ushtrinë Amerikane

Forca e Sigurisë së Kosovës (FSK) ka avancuar kapacitetet e saj profesionale përmes organizimit të Kursit për Instruktorë, në bashkëpunim me ekipin SATMO të Ushtrisë së Shteteve të Bashkuara të Amerikës.

Kursi është zhvilluar në Komandën e Doktrinës dhe Stërvitjes, përkatësisht në Shkollën e Nënoficerëve, ku pjesëmarrësit kanë përfunduar me sukses trajnimin dhe janë certifikuar si instruktorë.

Sipas njoftimit, trajnimi kishte për qëllim avancimin e aftësive pedagogjike dhe metodologjike të pjesëmarrësve, duke përfshirë planifikimin dhe organizimin e trajnimeve, hartimin e objektivave mësimore, përdorimin e metodave efektive të mësimdhënies dhe vlerësimin e performancës së kursantëve.

Përgjatë kursit, pjesëmarrësit kanë ndjekur ligjërata, ushtrime praktike dhe demonstrime, përmes të cilave kanë zbatuar njohuritë e fituara dhe kanë zhvilluar aftësitë për udhëheqjen profesionale të trajnimeve ushtarake.

Komanda e Doktrinës dhe Stërvitjes ka bërë të ditur se do të vazhdojë investimet në zhvillimin e kuadrove profesionale dhe ngritjen e cilësisë së trajnimeve, me synimin e forcimit të kapaciteteve institucionale dhe ndërtimit të një force të aftë, profesionale dhe të gatshme për përmbushjen e misionit të saj.

Sinjali – aty ku e vërteta flet para lajmit!

/GazetaSinjali/

Burimi: Sinjali