Ekskluzive | U dënua me një vit burg për keqpërdorim e mashtrim në prokurim publik – ky është 44-vjeçari që u arrestua në Junik

Ekskluzive | U dënua me një vit burg për keqpërdorim e mashtrim në prokurim publik – ky është 44-vjeçari që u arrestua në Junik

Written by

in

Ekskluzive | U dënua me një vit burg për keqpërdorim e mashtrim në prokurim publik – ky është 44-vjeçari që u arrestua në Junik

Një person i dënuar për keqpërdorim dhe mashtrim në prokurim publik ka përfunduar në duart e Policisë në Junik. Pas veprimeve operative, zyrtarët policorë kanë arritur ta arrestojnë në bazë të një urdhërese të Gjykatës Themelore në Pejë, për ekzekutimin e dënimit prej një viti burgim, mëson ekskluzivisht Gazeta Sinjali.

Burimet e Sinjalit bëjnë të ditur se bëhet fjalë për Albian Shehun, rreth 44 vjeç.

Arrestimi është realizuar të premten, më 20 nëntor, rreth orës 09:20, në Junik.

Sipas informacioneve të siguruara nga Sinjali, ndaj Shehut ekzistonte një urdhëresë gjyqësore për vuajtjen e dënimit me burgim në kohëzgjatje prej një viti, të shqiptuar për veprën penale “Keqpërdorimi dhe mashtrimi në prokurim publik”.

Pas lokalizimit dhe arrestimit, zyrtarët policorë kanë zbatuar urdhëresën e Gjykatës Themelore në Pejë.

Shehu është dërguar në institucionin korrektues për vuajtjen e dënimit prej një viti burgim.

Nga informacionet e siguruara nuk bëhen të ditura rrethanat konkrete të veprës penale, procedura e prokurimit publik me të cilën lidhej rasti apo vlera e dëmit të mundshëm.

Shënim: Personat e përmendur në këtë lajm konsiderohen të pafajshëm derisa fajësia e tyre të vërtetohet me vendim të formës së prerë të gjykatës.

Sinjali – aty ku e vërteta flet para lajmit!

/GazetaSinjali/

Burimi: Sinjali