Arsenali nis kontaktet për Alvarezin, shqyrton transferimin në janar

Arsenali nis kontaktet për Alvarezin, shqyrton transferimin në janar

Written by

in

Arsenali nis kontaktet për Alvarezin, shqyrton transferimin në janar

Arsenali ka zhvilluar kontakte të reja me Julian Alvarezin dhe përfaqësuesit e tij, në kuadër të një transferimi të mundshëm nga Atletico Madridi.

Sipas mediumit “El Nacional”, zyrtarë të klubit londinez kanë udhëtuar drejt Madridit për të zhvilluar takime të drejtpërdrejta me palën e futbollistit argjentinas.

Arsenali tashmë po e shqyrton mundësinë që të bëjë një ofertë gjatë afatit kalimtar të janarit. Trajneri Mikel Arteta e sheh Alvarezin si një alternativë për sulmuesin Viktor Gyokeres, ndërsa londinezët synojnë ta përforcojnë repartin ofensiv.

Nga ana tjetër, Atletico Madridi mund të marrë në konsideratë shitjen e sulmuesit drejt një klubi jashtë Spanjës.

Për momentin nuk ka një marrëveshje konkrete, por interesimi i Arsenalit për kampionin e botës me Argjentinën po bëhet gjithnjë e më serioz.

Burimi: Insajderi