Kombëtarja e Kosovës po vazhdon me intensitet të lartë përgatitjet për sfidat e radhës në kuadër të UEFA Nations League. Atmosfera brenda kampit dardan është në nivel mjaft të lartë, derisa futbollistët shprehen të bindur se janë përgatitur në mënyrën më të mirë të mundshme për përballjet që i presin.
Pas përfundimit të seancës stërvitore, anëtari i Përfaqësueses, Milot Avdyli, ka shprehur optimizmin e tij për sfidën e afërt ndaj Izraelit, duke nëvizuar se fokusi kryesor i shtabit teknik ka qenë vendosja taktike.
“Atmosfera në ekip është shumë e mirë. Besoj se jemi përgatitur mjaft mirë. Sot kemi stërvitur më shumë taktikisht dhe besojmë se do të dalim me rezultat pozitiv”, ka deklaruar Avdyli për mediat.
Më tej, ai vuri në spregë se mbështetja e tifozëve dhe zhvillimi i ndeshjes në stadiumin “Fadil Vokrri” shërbejnë si një shtysë dhe motivim shtesë për të gjithë lojtarët.
“Duke marrë parasysh se do të luajmë në stadiumin tonë, ‘Fadil Vokrri’, do të jemi edhe më të motivuar dhe synojmë të dalim me tri pikë”, nëvizoi ai.
Kosova do të zbellë fushatën me përballjen ndaj Izraelit të shtunën nga ora 15:00, ndërsa tri ditë më vonë udhëton për t’u ndeshur me Irlandën.
Sinjali – aty ku e vërteta flet para lajmit!
Burimi: Sinjali