Author: Momenti

  • Zhduket një grua në Prishtinë, rasti në hetim

    Zhduket një grua në Prishtinë, rasti në hetim

    Një grua largohet nga shtëpia dhe nuk dihet për vendndodhjen e saj.

    Sipas raportit 24 orësh të Policisë thuhet se rasti ka ndodhur të shtunën rreth orës 22:00, në Prishtinë.

    Tutje bëhet e ditur se rasti është duke u hetuar.

    “Prishtinë / 03.10.2026 – 22:00. Me 04.10.2026 është raportuar se viktima femër kosovare është larguar nga shtëpia dhe nuk dihet për vendndodhjen e saj. Rasti është duke u hetuar”, thuhet në raport. /Telegrafi/

  • “Mysafiri i paftuar” viziton shtëpinë e zviceranes, kamera e vendosur në tualet e nxori në pah

    “Mysafiri i paftuar” viziton shtëpinë e zviceranes, kamera e vendosur në tualet e nxori në pah

    U kthye nga pushimi pas pesë jave, por, jo çdo gjë që kishte lënë aty, ishte në vend.

    Një lexuese e 20Minuten, i shkroi gazetës duke i treguar një ndodhi që i ndodhi në shtëpi, ku pa disa “qime të panjohura” në tualetin e saj.

    E kjo çudi, e bëri atë që të vendoste një kamerë në këtë pjesë, për të parë se kush është “mysafiri i paftuar” që po e viziton, transmeton Telegrafi.

    Dhe pamjet, ia nxorën të vërtetën në pah.

    Një mi kishte hyrë në shtëpi dhe po shëtitej, duke alarmuar vajzën e cila kishte kërkuar ndihmë në institucione në komunën e Luterbach, Solothurn, aty edhe ku jeton.

    Më pas, komuna kishte dal me një njoftim ku bëri thirrje që të ndërtohen edhe tubat për minj, në mënyrë që ata mos të kalojnë në ambientet shtëpiake. /Telegrafi/

  • Rrahje masive në Prishtinë, disa persona bëhen për spital - rasti po hetohet

    Rrahje masive në Prishtinë, disa persona bëhen për spital – rasti po hetohet

    Disa persona kanë sulmuar fizikisht disa të tjerë të cilët kanë marrë lëndime trupore.

    Në raportin 24 orësh të Policisë thuhet se rasti ka ndodhur të dielën rreth orës 19:00, në Prishtinë.

    Ndërkaq, lidhur me rastin është njoftuar prokurori dhe rasti është në hetim.

    “Prishtinë / 04.10.2026 – 19:00. Është raportuar se disa persona të dyshuar meshkuj kosovarë kanë sulmuar fizikisht disa persona të tjerë, të cilët si pasojë kanë pësuar lëndime trupore. Lidhur me rastin është njoftuar prokurori, rasti është duke u hetuar”, thuhet në raport. /Telegrafi/

  • LSDM: Dy vjet e gjysmë të Mickoskit sollën izolim dhe largim nga BE-ja dhe rënie të ekonomisë së vendit

    LSDM: Dy vjet e gjysmë të Mickoskit sollën izolim dhe largim nga BE-ja dhe rënie të ekonomisë së vendit

    Dy vjet e gjysmë të pushtetit të Mickoskit dhe OBRM-PDUKM sollën një rënie të ekonomisë, një standard më të ulët jetese, një ekonomi të shkatërruar, borxhe të reja dhe një rrugë të bllokuar evropiane, thonë nga LSDM.

    “Ndërsa miliona euro para publike përfundojnë në tendera partiakë, nuk ka para për qytetarët. 5.53 milionë euro për një DJ, 200 milionë euro në skandale tenderash, shitja e tokës, ujit, xehes. Pesë miniera të reja në plan deri në vitin 2040, antimon pranë Kriva Pallankës, qendra të dhënash, janë për interesa të të tjerëve, komisione dhe fitime në kurriz të popullit.

    Rrjeti i biznesit në sektorin e energjisë po punon me avull të plotë, një kontratë për matësa, marrëveshje me autobusë të lidhur me Orban.

    Gjatë asaj kohe, shporta e konsumatorit me një apartament me qira arriti mbi 90.000 denarë. Punëtorët kanë pagat më të ulëta në Evropë dhe mezi po ia dalin mbanë.

    Gjithçka është bërë më e shtrenjtë, karburanti ka kaluar 100 denarë dhe qeveria e Mickoskit nuk po bën asgjë, nuk ka para për një pagë minimale prej 600 eurosh.

    Fermerët janë në prag të ekzistencës: pa para, pa shpengim, pa marketing, subvencionet janë ulur me 40 milionë euro, ato vonohen dhe nuk paguhen, IPARD është i kërcënuar për shkak të korrupsionit të drejtorit.

    Pensionistët janë grabitur, përballen me pasiguri, ndërsa boshllëku në Fondin Pensional arrin në një miliard euro. Nuk ka para, kështu që qeveria dëshiron të marrë paratë nga shtylla e dytë e pensioneve.

    Borxhet po rriten çdo javë. Vetëm në dy vjet e gjysmë, Mickoski dhe OBRM-PDUKM i kanë rritur ato me 4 miliardë euro, gjysma e borxhit total në 30 vitet e fundit.
    Investimet e huaja janë në nivelin e tyre më të ulët në histori, vetëm 18.7 milionë euro në tremujorin e dytë të vitit 2026″, thonë nga LSDM.

    Nga atje thonë se rruga evropiane është bllokuar.

    “Identiteti, gjuha dhe kultura maqedonase janë ruajtur, por Mickoski ka frikë nga një ndjekje penale evropiane dhe po e shtyn vendin drejt izolimit.

    Në vend të reformave dhe një të ardhmeje evropiane, mashtruesi po shtyn përpara axhenda që e distancojnë Maqedoninë nga BE-ja.

    Kjo është ajo që kanë sjellë dy vjet e gjysmë të qeverisjes së Mickoskit: varfëri, izolim, një ekonomi të shkatërruar, një standard më të keq jetese dhe emigrim edhe më të madh të të rinjve”./Telegrafi/

  • Dhunohet një grua në Obiliq, i dyshuari në kërkim

    Dhunohet një grua në Obiliq, i dyshuari në kërkim

    Një person ka kryer veprën “Dhunim” ndaj një gruaje.

    Sipas raportit 24 orësh të Policisë së Kosovës bëhet e ditur se rasti ka ndodhur të dielën rreth orës 09:00, në Obiliq.

    Tutje thuhet se i dyshuari ndodhet në kërkim policor, ndërsa rasti është në hetim.

    “Obiliq / 04.10.2026 – 0:00-09:00. Është raportuar se i dyshuari mashkull kosovar ka kryer veprën e lartcekur ndaj viktimës femër kosovare. Lidhur me rastin është njoftuar prokurori, i dyshuari ndodhet në kërkim policor, ndërsa rasti në procedurë hetimore”, thuhet në raport. /Telegrafi/

  • Rame Lahaj gati për nisjen e “PASSION & ORIGIN” më 10 tetor në Zvicër

    Rame Lahaj gati për nisjen e “PASSION & ORIGIN” më 10 tetor në Zvicër

    Tenori kosovar me famë ndërkombëtare, Rame Lahaj, është në ditët e fundit të përgatitjeve para koncertit që do të hapë turneun e tij ndërkombëtar “PASSION & ORIGIN”.

    Në Kongresshaus Zürich, më 10 tetor, Lahaj do të ngjitet në skenë së bashku me ARMA Ensemble, me një program ku repertori shqiptar ndërthuret me këngë italiane, chanson franceze dhe muzikë nga kinemaja.

    Pas Zürichut, turneu vazhdon në Düsseldorf më 30 tetor, në Vjenë më 8 nëntor dhe në Toronto më 13 dhjetor, ndërsa listës së ndalesave pritet t’i shtohen edhe qytete të tjera.

    Biletat për koncertin madhështor në Zvicër tashmë janë në shitje dhe mund t’i blini duke klikuar këtu.

    Me zërin e tij të fuqishëm dhe interpretimin plot emocion, Ramë Lahaj e shndërron artin në një urë që lidh talentin, pasionin dhe shpirtin shqiptar me skenat më të mëdha botërore.

  • Endokrinologia zbulon pyetjen e parë që i bën një pacienti që ankohet se ka gjithmonë ftohtë

    Endokrinologia zbulon pyetjen e parë që i bën një pacienti që ankohet se ka gjithmonë ftohtë

    Si mund ta dalloni kur të ftohtit mund të jetë shenjë e një problemi shëndetësor?

    Aeroportet, kinematë dhe zyrat e mjekëve janë vende ku mund të prisni të keni ftohtë. Edhe në verë nuk është e pazakontë të shihni njerëz me pulovra në hapësira të tilla – për shkak të ajrit të kondicionuar. Por çfarë ndodh nëse e gjeni veten në një situatë ku jeni i vetmi person që ka ftohtë?

    “Intoleranca ndaj të ftohtit nuk është një urgjencë, por nuk duhet injoruar. Mund të jetë një shenjë se duhet të bëni një kontroll mjekësor”, tha për revistën Parade Dr. Omodamola Aye, një endokrinologe në Qendrën Mjekësore Berkshire, e cila është e lidhur me Shkollën Mjekësore të Universitetit të Massachusetts (UMass).

    Përveç një ndjesie të dallueshme të të ftohtit, simptoma të tjera të intolerancës ndaj të ftohtit mund të përfshijnë dhimbje, ndjesi shpimi gjilpërash, mpirje, dridhje, ngurtësim, dobësi, ënjtje ose ndryshime në ngjyrën e lëkurës kur ekspozohet ndaj temperaturave të ftohta. Edhe kur ndjesia e të ftohtit nuk shoqërohet nga këto simptoma shtesë, ajo prapë mund ta bëjë të vështirë për ju të shijoni aktivitetet tuaja të përditshme. Mendoni për këtë – a mund të përqendroheni vërtet në bisedën e dikujt ose në hobi tuaj të preferuar ndërsa dridheni nga të ftohtit?

    Ndonjëherë të ndjesh të ftohtë thjesht do të thotë që duhet të veshësh një shtresë tjetër rrobash. Megjithatë, kjo mund të jetë edhe shenjë e një problemi shëndetësor.

    Cila është gjëja e parë që kontrollon një endokrinolog kur dikush ankohet se ka të ftohtë?

    Kur pacientja i thotë se ka shpesh të ftohtë, Dr. Aye pohon se ajo së pari e pyet se sa zgjat, dmth. A është ndjesia e të ftohtit konstante apo me ndërprerje? Ajo gjithashtu pyet për simptoma të tjera shoqëruese, të tilla si lodhja, rënia e flokëve, ndryshimet në peshën e trupit ose ndryshimet në jashtëqitje, të tilla si kapsllëku.

    “Nëse është e aplikueshme, do të pyesja gjithashtu nëse ka ndonjë parregullsi menstruale, ndryshime në lëkurë ose thonj, siç janë thonjtë e brishtë dhe lëkura e thatë, dhe nëse ka një histori familjare të sëmundjes së tiroides”, thotë Dr. Aye.

    Të gjithë këta janë tregues të rëndësishëm që mund të ndihmojnë në identifikimin e shkakut rrënjësor të problemit.

    Megjithatë, vetëm në bazë të përgjigjeve të këtyre pyetjeve mund të arrihet në një pikë të caktuar. Prandaj, Dr. Aje do të kryejë analiza shtesë.

    “Një test i funksionit të tiroides është i pari në listën e testeve që do të kërkoja, sepse dihet mirë që hipotiroidizmi mund të manifestohet nga intoleranca ndaj të ftohtit”, shpjegon ajo për Parade.

    Duke pasur parasysh këtë, ajo do të kontrollonte nivelin e hormonit stimulues të tiroides (TSH), i cili prodhohet nga gjëndra e hipofizës në tru dhe që e nxit gjëndrën tiroide të prodhojë më shumë hormone, pastaj tiroksinën (T4), hormonin kryesor që gjëndra tiroide prodhon dhe e ruan në një formë joaktive, dhe triiodotironinën (T3), një hormon aktiv që rregullon metabolizmin.

    Përveç këtyre testeve të hormoneve tiroide, Dr. Aye pohon se do të kërkonte edhe një numërim të plotë të gjakut për të kontrolluar nëse pacienti ka anemi, si dhe një analizë të statusit të hekurit.

    Tri probleme shëndetësore që mund t’ju bëjnë të ndiheni të ftohtë gjatë gjithë kohës

    Ekzistojnë disa arsye të mundshme pse dikush mund të ndiejë shpesh të ftohtë, dhe pyetjet dhe analizat që kryen Dr. Aye e ndihmojnë atë të ngushtojë shkaqet e mundshme. Tre më të zakonshmet janë renditur më poshtë.

    Ndryshimet metabolike

    Sipas Dr. Aya, metabolizmi është përgjegjës për ruajtjen e temperaturës së brendshme të trupit.

    “Pacientët me hipotiroidizëm kanë një metabolizëm dukshëm më të ngadaltë, prandaj ata kanë tendencë të ndiejnë shumë të ftohtë”, shpjegon ajo.

    Hipotiroidizmi është një gjendje në të cilën gjëndra tiroide nuk prodhon dhe nuk çliron mjaftueshëm hormone. Siç shpjegon Dr. Aye, kjo shkakton ngadalësimin e metabolizmit. Simptoma të tjera të hipotiroidizmit përfshijnë lodhjen, depresionin ose ankthin, lëkurën ose flokët e thatë, cikle menstruale të rënda, mpirje, dobësi muskulore dhe shtim në peshë të pashpjegueshme.

    Çekuilibri hormonal

    Çekuilibrat hormonalë mund të jenë gjithashtu arsyeja pse dikush ndien shpesh të ftohtë, thotë Dr. Aye, duke shtuar se hipotiroidizmi është një shembull klasik i një gjendjeje të tillë. Megjithatë, përveç hipotiroidizmit, ndjesia e të ftohtit mund të jetë edhe një simptomë e perimenopauzës ose menopauzës.

    “Gratë në perimenopauzë ose në menopauzë shpesh ankohen për afshe të nxehta, të ndjekura nga djersitje të ftohta”, thotë Dr. Aye.

    Ajo shpjegon se estrogjeni rregullon termostatin e trupit dhe se tek gratë në perimenopauzë ose në menopauzë, ndërsa nivelet e estrogjenit bien, termostati mund të fillojë të mos funksionojë siç duhet. Kjo çon në afshe të nxehta dhe djersë të ftohta, duke bërë që disa gra t’i heqin vazhdimisht mbulesat gjatë natës.

    Sipas një përmbledhjeje shkencore të botuar në vitin 2019 në Journal of Mid-Life Health, më shumë se 80 përqind e grave në menopauzë përjetojnë afshe të nxehta. Edhe pse në bisedat e përditshme ato përmenden më shpesh në kontekstin e një ndjenje të nxehtësisë së tepërt, këto afshe shpesh pasohen nga djersitje të ftohta.

    Indeksi i ulët i masës trupore

    Nëse e kufizoni ndjeshëm marrjen e kalorive, edhe kjo mund t’ju bëjë të ndiheni të ftohtë më shpesh, thotë Dr. Aye.

    “Uljet e ndjeshme në marrjen e kalorive dhe humbja e peshës gjithashtu mund të ngadalësojnë metabolizmin, duke dëmtuar aftësinë e trupit për të ruajtur nxehtësinë”, shpjegon ajo.

    Përveç kësaj, njerëzit me një BMI të ulët shpesh ndiejnë të ftohtë më shpesh sesa ata me një BMI më të lartë.

    “Sa më e ulët të jetë masa trupore, aq më pak izolim natyror ka një person”, shpjegon Dr. Aye.

    Sidomos kur pesha e trupit zvogëlohet me shpejtësi, trupi, siç thotë ai, ngadalëson më tej metabolizmin në mënyrë që të kursejë energji, gjë që më pas mund të çojë në një ndjesi të shpeshtë të të ftohtit.

    Kur duhet të vizitoni një mjek për shkak të një ndjenje të vazhdueshme të të ftohtit

    Nëse keni ftohtë rregullisht, ndërsa njerëzit përreth jush nuk janë, Dr. Aye këshillon të caktoni një takim me mjekun ose endokrinologun tuaj për të përcaktuar nëse ka ndonjë arsye mjekësore për këtë.

    “Nëse ndjesia e shpeshtë e të ftohtit shoqërohet me lodhje, ndryshime në peshën e trupit, ndryshime në jashtëqitje, ndryshime në lëkurë, flokë dhe thonj ose parregullsi menstruale, duhet patjetër të vizitoni një mjek”, i thotë ajo Parade. “Kjo mund të tregojë hipotiroidizëm ose anemi nga mungesa e hekurit, gjendje që diagnostikohen dhe trajtohen lehtësisht.”

    Sidomos nëse ndjesia e të ftohtit ndërhyn në jetën tuaj të përditshme dhe ju pengon të shijoni aktivitetet që ju pëlqejnë, ia vlen të flisni me mjekun tuaj. Ekzistojnë mundësi trajtimi për të gjitha shkaqet e përmendura nga Dr. Aje. Nëse nuk shkoni për një ekzaminim, nuk do ta dini kurrë arsyen e vërtetë të ftohjes suaj, as nuk do të jeni në gjendje të merrni trajtimin e duhur.

    Ndjenja e të ftohtit është mënyra e trupit tuaj për të sinjalizuar se i duhet diçka. Ndonjëherë është thjesht një tjetër pulovër. Megjithatë, në raste të tjera, është diçka për të cilën keni nevojë për ndihmën e një mjeku.

  • Fred nuk përmbahet ndaj Ten Hagut: Grindej me të gjithë, e largoi Ronaldon nga formacioni startues

    Fred nuk përmbahet ndaj Ten Hagut: Grindej me të gjithë, e largoi Ronaldon nga formacioni startues

    Ish-mesfushori i Manchester Unitedit, Fred, ka kritikuar ashpër ish-trajnerin Erik ten Hag, duke e akuzuar për menaxhim të dobët të grupit dhe për konflikte me disa prej yjeve të skuadrës.

    Braziliani kaloi pesë vite te Manchester Unitedi, ndërsa gjatë periudhës së tij në klub fitoi Kupën e Ligës dhe arriti në finalen e FA Cup.

    Ten Hag u emërua trajner i Unitedit në vitin 2022, pas një periudhe të suksesshme te Ajax, por aventura e tij në Angli nuk shkoi sipas pritshmërive, sidomos në Ligën Premier.

    Fred, i cili u largua nga Unitedi për t’iu bashkuar Fenerbahçes në verën e vitit 2023, ka dhënë një vlerësim jashtëzakonisht të ashpër për periudhën nën drejtimin e holandezit.

    “Ten Hag ishte shumë i mirë taktikisht, por sa i përket menaxhimit të grupit, ishte një copë m*t”, deklaroi Fred në “Charla Podcast”.

    “Ai grindej me të gjithë. U grind me mua, me Cristianon, me Casemiron, me Rashfordin… Nuk më aktivizonte dhe ndonjëherë situata bëhej stresuese”.

    “Me Ten Hagun luanin vetëm lojtarët e tij holandezë. Ishte një trajner që krijonte klika. Por, taktikisht, ishte një nga trajnerët më të mirë me të cilët kam punuar ndonjëherë”.

    Fred foli edhe për marrëdhënien e Ten Hagut me Cristiano Ronaldon, i cili u largua nga klubi në fund të vitit 2022.

    “Ai donte që skuadra të vraponte shumë, por Cristiano tashmë ishte më i vjetër. Ai e largoi Cristianon nga formacioni titullar dhe më pas pati një përplasje mes tyre”.

    Ten Hag u shkarkua nga Manchester Unitedi në tetor të vitit 2024, kur skuadra ndodhej në vendin e 14-të pas shtatë ndeshjeve./Telegrafi/

  • Mural Fest Kosova hap ekspozitën “Copë-Copë” në Ferizaj

    Mural Fest Kosova hap ekspozitën “Copë-Copë” në Ferizaj

    Mural Fest Kosova do të hapë të martën, më 6 tetor 2026, ekspozitën “Copë-Copë”, në Galerinë e Arteve në Ferizaj.

    Hapja e ekspozitës do të mbahet nga ora 18:00, ndërsa ekspozita sjell vepra të artistëve dhe dizajnerëve të rinj, të kuruara nga Fortunë Haziri dhe Petrit Hoxha.

    Në kuadër të ekspozitës do të prezantohen pikturat e krijuara gjatë kolonisë, si dhe loja interaktive “Copë Copë”, përmes së cilës vizitorët do të kenë mundësi ta plotësojnë veprën së bashku, pjesë pas pjese.

    Sipas organizatorëve, ideja e ekspozitës është që publiku të mos mbetet vetëm spektator, por të bëhet pjesë aktive e procesit artistik.

    Ekspozita organizohet në kuadër të edicionit të 11-të të Mural Fest Kosova, i cili këtë vit mban temën “Me lujtë”. /Telegrafi/

  • Hidrodrini paralajmëron rënie të furnizimit në disa komuna

    Hidrodrini paralajmëron rënie të furnizimit në disa komuna

    KRU “Hidrodrini” ka apeluar te konsumatorët që ta përdorin ujin e pijshëm në mënyrë racionale, pasi mungesa e reshjeve ka shkaktuar rënie të nivelit të ujit në pothuajse të gjitha burimet ujore në zonën që mbulon kjo kompani.

    Sipas njoftimit të kompanisë, kjo situatë mund të ndikojë drejtpërdrejt në furnizimin me ujë të pijshëm dhe të shkaktojë rënie të fuqisë furnizuese në disa zona të komunave Pejë, Istog, Klinë, Deçan dhe, në masë më të vogël, Junik.

    Hidrodrini ka bërë të ditur se ndikimi mund të jetë më i theksuar në katet e larta të objekteve të banimit.

    Për këtë arsye, kompania ka kërkuar nga konsumatorët që ujin ta përdorin vetëm për nevoja themelore familjare, si pije, higjienë dhe sanitari.

    Në veçanti, Hidrodrini ka apeluar që gjatë kësaj periudhe të shmanget përdorimi i ujit të pijshëm për ujitjen e kopshteve, sipërfaqeve të gjelbra dhe hapësirave të tjera të mëdha.

    “Shfrytëzimi i tepërt i ujit për këto qëllime mund të ndikojë drejtpërdrejt në furnizimin e ekonomive tjera familjare dhe biznesore me ujë të pijshëm”, thuhet në njoftim.

    Kompania ka theksuar se uji është burim i përbashkët dhe ka kërkuar nga qytetarët që ta përdorin me kujdes dhe përgjegjësi, në mënyrë që të sigurohet furnizim sa më i qëndrueshëm për të gjithë konsumatorët.

    “Uji është jetë, ta ruajmë, ta paguajmë dhe ta përdorim racionalisht”, thuhet në apelin e KRU “Hidrodrini”. /Telegrafi/