Category: Lajme

  • Ajri i thatë në shtëpi gjatë dimrit: Kur ju duhet një lagështues ajri dhe kur mund të bëhet i rrezikshëm?

    Ajri i thatë në shtëpi gjatë dimrit: Kur ju duhet një lagështues ajri dhe kur mund të bëhet i rrezikshëm?

    Me ardhjen e ditëve të ftohta dhe ndezjen e ngrohjes, ajri në apartamente bëhet shpesh më i thatë.

    Kjo mund të shkaktojë tharje të lëkurës, irritim të hundës dhe fytit, si dhe kruarje të syve.

    Për këtë arsye, shumë familje përdorin lagështues ajri, por ekspertët paralajmërojnë se përdorimi i gabuar i tyre mund të sjellë më shumë probleme sesa përfitime.

    Sipas rekomandimeve të Klinikës Mayo dhe Agjencisë Amerikane për Mbrojtjen e Mjedisit (EPA), lagështia relative në ambientet e brendshme duhet të mbahet ndërmjet 30 dhe 50 për qind. Nëse niveli është brenda këtij intervali, nuk ka nevojë për një pajisje të tillë.

    Si ta kuptoni nëse keni nevojë për lagështues ajri?

    Para se të blini një lagështues, rekomandohet të matni nivelin e lagështisë në apartament me një pajisje të quajtur higrometër. Disa lagështues modernë kanë edhe matës të integruar, që ndihmojnë në ruajtjen automatike të nivelit të duhur.

    Nëse lagështia është nën 30 për qind, një lagështues mund të ndihmojë në lehtësimin e shqetësimeve që lidhen me ajrin e thatë.

    Kur mund të bëhet i dëmshëm?

    Përdorimi i tepërt i lagështuesit mund të krijojë kushte të favorshme për zhvillimin e mykut, baktereve dhe marimangave të pluhurit. Lagështia e lartë mund të shkaktojë edhe kondensim në dritare, mure dhe dysheme.

    EPA rekomandon që lagështia në ambiente të brendshme të mbahet nën 60 për qind, për të parandaluar zhvillimin e mykut. Nëse vini re lagështi në perde, dritare, qilima apo sipërfaqe të tjera, duhet të ulni intensitetin e pajisjes ose ta fikni atë.

    Personat që vuajnë nga astma ose alergjitë këshillohen të konsultohen me mjekun përpara përdorimit të një lagështuesi.

    Rreziku që vjen nga mungesa e pastrimit

    Një nga gabimet më të zakonshme është lënia e ujit për ditë të tëra në rezervuar. Një pajisje e papastër mund të shpërndajë baktere dhe myk në ajër, duke shkaktuar probleme me frymëmarrjen dhe shqetësime të tjera shëndetësore.

    Për këtë arsye, rekomandohet që uji të ndërrohet çdo ditë dhe pajisja të pastrohet të paktën çdo tri ditë, duke ndjekur udhëzimet e prodhuesit.

    Gjithashtu, nuk këshillohet shtimi i vajrave esencialë në rezervuar, përveç rasteve kur pajisja është projektuar posaçërisht për këtë funksion.

    Çfarë uji duhet të përdorni?

    Ekspertët rekomandojnë përdorimin e ujit të distiluar ose të demineralizuar. Uji i zakonshëm i rubinetit përmban minerale që mund të shpërndahen në ajër dhe të lënë një shtresë të bardhë pluhuri mbi mobilie.

    Ndërsa familjet me fëmijë të vegjël duhet të kenë kujdes të veçantë me lagështuesit që prodhojnë avull të nxehtë, pasi derdhja e ujit mund të shkaktojë djegie.

    Në përfundim, lagështuesi i ajrit mund të jetë i dobishëm gjatë sezonit të ngrohjes, por vetëm kur përdoret në masën e duhur dhe pastrohet rregullisht. /Telegrafi/

  • Nikolloski: Po përgatitet sistem elektronik për pikëpagesat rrugore, bazuar në kilometrat e përshkuara

    Nikolloski: Po përgatitet sistem elektronik për pikëpagesat rrugore, bazuar në kilometrat e përshkuara

    Autostradat në Maqedoninë e Veriut mund të kalojnë në një sistem të ri elektronik të pagesës së tarifave rrugore, pa pasur nevojë për pika fizike pagesash.

    Me këtë sistem, automjetet do të mund të lëvizin pa ndaluar, ndërsa tarifa e autostradës do të llogaritet në bazë të kilometrave të përshkuar.

    Ministri i Transportit, Nikolloski, bëri të ditur se ndryshimet ligjore janë në fazë të avancuar dhe prezantimi i tyre pritet të bëhet gjatë muajit dhjetor.

    Në përgatitjen e ligjit do të përfshihen edhe ekspertë nga Komuniteti Evropian i Transportit, me qëllim që të shfrytëzohen përvojat e vendeve më të zhvilluara evropiane.

    Sipas ministrit, sistemi i ri do të jetë më i drejtë për drejtuesit e automjeteve, pasi secili do të paguajë vetëm për distancën që ka përshkuar realisht, në vend të tarifave fikse që paguhen aktualisht në pikat e pagesës.

  • “Sot nuk punohet, luhet GTA 6” – McGregor befason punonjësit

    “Sot nuk punohet, luhet GTA 6” – McGregor befason punonjësit

    Ish-kampioni i UFC-së, Conor McGregor, ka vendosur t’u japë një ditë pushimi rreth 400 punonjësve të tij në vende të ndryshme të botës, me rastin e lansimit të lojës së shumëpritur Grand Theft Auto VI (GTA 6).

    Përmes një postimi në rrjetin social X, McGregor njoftoi se të gjithë punonjësit e tij mund të marrin pushim më 19 nëntor për të shijuar lojën e re.

    “E keni gjithë ditën e nesërme pushim! Shijojeni lojën!”, shkroi McGregor, pa specifikuar se cilat nga bizneset e tij përfshihen në këtë vendim.

    Por McGregor nuk është i vetmi që ka ndërmarrë një veprim të tillë.

    Kompania Pocketpair, e njohur për lojën Palworld, u ka dhënë punonjësve pushim nga 19 deri më 23 nëntor, ndërsa Logitech ka prezantuar një ditë fleksibile pushimi, të quajtur “Logi Game Day”, të cilën punonjësit mund ta shfrytëzojnë deri në fund të vitit 2027.

    Interesimi për GTA 6 është aq i madh sa, sipas vlerësimeve të përmendura në raportim, rreth 1.5 milion amerikanë planifikuan të mungonin në punë në ditën e lansimit.

    GTA 6, e zhvilluar nga Rockstar Games, është një nga videolojërat më të shumëpritura në histori, ndërsa lansimi i saj ka nxitur interesim të jashtëzakonshëm në industrinë e lojërave dhe më gjerë. /Telegrafi/

  • Ligji për Specialen, seanca e Kuvendit nuk nis as pas 1 ore vonesë

    Ligji për Specialen, seanca e Kuvendit nuk nis as pas 1 ore vonesë

    Vazhdimi i seancës plenare ende nuk ka nisur ndonëse ishte paralajmëruar për në ora 10:00, ku në rend dite është Ligji për Specialen.

    Në rend dite të vazhdimit të seancës është votimi i Propozim Rezolutës nga Interpelanca me ministrin e Ministrisë së Shëndetësisë, Arben Vitia, në lidhje me vdekjen e pacientes me kancer të gjirit që mbeti katër muaj pa terapi dhe mungesa e barnave onkologjike.

    Po ashtu në rend dite është edhe votimi i Propozim Rezolutës nga Mocioni përmbajtjesor mbi gjendjen në planifikimin, çmimin dhe furnizimin me energji elektrike në Kosovë.

    Ndërkaq, pikë e tretë është rishqyrtimi i Ligjit nr. 11/L-001 për ndryshimin dhe plotësimin e Ligjit nr. 05/L-053 për Dhomat e Specializuara dhe Zyrën e Prokurorit të Specializuar, të rikthyer nga Presidentja e Republikës së Kosovës.

    E sot në orët e paradites, ushtruesja e kryetares së Partisë Demokratike të Kosovës, Vlora Çitaku ka bërë të ditur se së bashku me Bedri Hamzën ka takuar kryetarin e Lëvizjes Vetëvendosje, Albin Kurti.

    Çitaku në një deklaratë për media theksoi se me kryetarin e LVV-sç nuk kanë dallim në përmbajtje për Ligjin për Specialen, por vetëm në procedura.

    “Nuk kemi asnjë dallim në përmbajtje, dallimet i kemi ende vetëm në procedura. Diskutimet vazhdojnë…”, tha ajo.

    E pyetur se a pritet që Ligji për Specialen të del sot në votim, ajo tha “po besoj që po”. /Telegrafi/

  • Përfundon pas 90 minutash takimi trepalësh mes Trumpit, Putinit dhe Xi Jinpingut

    Përfundon pas 90 minutash takimi trepalësh mes Trumpit, Putinit dhe Xi Jinpingut

    Takimi mes presidentit amerikan, Donald Trump, presidentit rus, Vladimir Putin, dhe liderit kinez, Xi Jinping, ka përfunduar pas rreth 90 minutash, raportojnë mediat shtetërore kineze.

    Bisedimet përfunduan rreth orës 17:50 sipas kohës lokale, ndërsa autokolona e Trumpit u nis drejt aeroportit shtatë minuta më vonë, në orën 17:57, transmeton Telegrafi.

    Në fjalën hyrëse, Trump e cilësoi takimin si një “samiti historik”, duke thënë se ai u ofron Shteteve të Bashkuara, Kinës dhe Rusisë mundësinë për të “kërkuar mundësi dhe qasje të reja” për trajtimin e një sërë çështjesh me rëndësi të madhe.

    Më herët, Trump kishte deklaruar se tre liderët po “bënin vërtet histori”, duke theksuar synimin për të ulur numrin e armëve bërthamore.

    Ai tha gjithashtu se të gjithë të pranishmit dëshironin të “krijonin një të ardhme më të mirë për të gjithë ne”. /Telegrafi/

  • Aktakuzë ndaj shtetases së huaj për mashtrim prej 320 mijë eurosh në shitblerjen e pronave në Ferizaj

    Aktakuzë ndaj shtetases së huaj për mashtrim prej 320 mijë eurosh në shitblerjen e pronave në Ferizaj

    Aktakuzë ndaj shtetases së huaj për mashtrim prej 320 mijë eurosh në shitblerjen e pronave në Ferizaj

    Prokuroria Themelore në Ferizaj ka ngritur aktakuzë ndaj një shtetaseje të Maqedonisë së Veriut, e dyshuar për mashtrim dhe legalizim të përmbajtjes së rreme, pasi dyshohet se përdori autorizime të falsifikuara për shitjen e pronave të xhaxhait të saj në Kosovë, duke u shkaktuar dy personave dëme pasurore në vlerë prej gjithsej 320 mijë eurosh.

    Sipas njoftimit të Prokurorisë, e pandehura me inicialet S.C. dyshohet se më 13 nëntor 2024, në Gjykatën Themelore në Ferizaj, ka paraqitur një autorizim të falsifikuar, kinse i ishte dhënë nga xhaxhai i saj, M.C., për shitjen e pronave të tij në Kosovë.

    Dokumenti pretendohej të ishte bazuar në një autorizim të vitit 2012, të lëshuar pranë një noteri në Maqedoninë e Veriut. Përmes këtij dokumenti, e pandehura dyshohet se ka vënë në lajthitje gjykatën, e cila më pas ka nxjerrë aktgjykim për njohjen e së drejtës së pronësisë së L.H. mbi disa parcela në zonën kadastrale Petroviç, në Komunën e Shtimes.

    Prokuroria pretendon se përmes këtyre veprimeve është kryer vepra penale “Legalizimi i përmbajtjes së rreme”.

    Përveç kësaj, sipas aktakuzës, e pandehura më 20 tetor 2016, në Ferizaj, dyshohet se e ka mashtruar M.K.-në, duke i fshehur faktin se nuk kishte autorizim të vlefshëm për shitjen e pronës së xhaxhait të saj.

    I dëmtuari dyshohet se kishte paguar shuma të ndryshme parash përmes bankës “Raiffeisen”, në llogarinë e të pandehurës, bazuar në fletëpagesat bankare. Dëmi i pretenduar në këtë rast arrin në 200 mijë euro.

    Një tjetër rast i përshkruar në aktakuzë lidhet me vitin 2018, kur e pandehura dyshohet se ka mashtruar edhe L.H.-në, duke përdorur të njëjtin autorizim të falsifikuar për shitblerjen e pronës së xhaxhait të saj.

    Sipas Prokurorisë, palët kishin lidhur një parakontratë për shitblerjen e pronës në vlerë prej 170 mijë eurosh, me marrëveshjen që 120 mijë euro të paguheshin deri në vitin 2020, ndërsa 50 mijë eurot e mbetura pas marrjes së fletës poseduese. E pandehura dyshohet se ka përdorur dokumentin e falsifikuar edhe në procedurë gjyqësore, ndërsa dëmi i pretenduar ndaj këtij të dëmtuari është 120 mijë euro.

    Sinjali – aty ku e vërteta flet para lajmit!

    /GazetaSinjali/

    Burimi: Sinjali

  • Përfundon takimi mes Trumpit, Putinit dhe Xi Jinpingut në Kinë, zgjati rreth 90 minuta

    Përfundon takimi mes Trumpit, Putinit dhe Xi Jinpingut në Kinë, zgjati rreth 90 minuta

    Përfundon takimi mes Trumpit, Putinit dhe Xi Jinpingut në Kinë, zgjati rreth 90 minuta

    Ka përfunduar takimi trepalësh mes presidentit amerikan, Donald Trump, presidentit rus, Vladimir Putin, dhe liderit kinez, Xi Jinping, i cili u mbajt në qytetin Shenzhen të Kinës.

    Lajmi është bërë i ditur nga transmetuesi shtetëror kinez CCTV, sipas të cilit takimi ka zgjatur rreth një orë e gjysmë.

    Para nisjes së bisedimeve, tre liderët kanë mbajtur fjalimet hyrëse, në të cilat kanë theksuar rëndësinë e dialogut dhe bashkëpunimit mes tri fuqive kryesore bërthamore në botë. Në mesin e çështjeve që pritej të diskutoheshin ishin çarmatimi bërthamor dhe lufta mes Rusisë dhe Ukrainës.

    Presidenti amerikan, Donald Trump, ka deklaruar se tre liderët kanë “shumë për të diskutuar”, duke shtuar se ata “kanë diskutuar tashmë shumë”. Ai ka theksuar se si udhëheqës të tri vendeve kanë “përgjegjësi të veçantë” për të ruajtur dialogun produktiv.

    “Shumë shpesh udhëheqësit e mëparshëm kanë shmangur të flasin me kombet me të cilat kanë pasur mosmarrëveshje”, ka deklaruar Trumpi duke shtuar se “Ne ndiejmë të kundërtën”.

    “Asnjëherë nuk është arritur paqe duke refuzuar mundësitë për dialog”, ka shtuar ai.

    Ndërkaq, presidenti kinez, Xi Jinping, ka bërë thirrje që Kina, Rusia dhe Shtetet e Bashkuara të shërbejnë si shembull i bashkëpunimit për përballimin e sfidave globale.

    “Kina, Rusia dhe Shtetet e Bashkuara duhet të japin shembullin e bashkëpunimit për përballimin e sfidave globale, të ruajnë së bashku paqen dhe stabilitetin botëror dhe të japin një kontribut më të madh në përparimin e njerëzimit”, ka deklaruar Xi.

    Në anën tjetër, lideri rus, Vladimir Putin, ka bërë thirrje për bashkëpunim konstruktiv mes tri shteteve, duke theksuar se ato mund të kontribuojnë në forcimin e stabilitetit global përmes bashkëpunimit. Ai ka përmendur gjithashtu nevojën që Trump dhe Xi të diskutojnë çështjet globale e rajonale, përfshirë sigurinë energjetike.

    Sipas TASS-it, Putin ka theksuar se tri vendet i bashkon jo vetëm statusi i tyre si shtete fituese në Luftën e Dytë Botërore, por edhe përgjegjësia për ruajtjen e paqes ndërkombëtare.

    Sinjali – aty ku e vërteta flet para lajmit!

    /GazetaSinjali/

    Burimi: Sinjali

  • The meeting between Trump, Putin and Xi Jinping in China ended, lasted about 90 minutes

    It has ended the trilateral meeting between US President Donald Trump, Russian President Vladimir Putin, and Chinese leader Xi Jinping, who was held in the city of Shenzhen, China.

    The news has been disclosed by the Chinese state broadcaster CCTV, under which the meeting has lasted about an hour and a half.

    Before the start of the talks, the three leaders have held the opening speeches, in which they have stressed the importance of dialogue and co-operation among the world’s three main nuclear powers. Among the topics expected to be discussed were nuclear disarmament and war between Russia and Ukraine.

    American President Donald Trump has stated that the three leaders have a lot to discuss, adding that they have already discussed many. He has stressed that as leaders of the three countries they have special responsibility to preserve productive dialogue.

    Many times earlier leaders have avoided talking to nations with which they had disagreements, Trumpi has declared, adding that we feel otherwise.

    Never has peace been achieved by refusing possibilities for dialogue, he added.

    Meanwhile, Chinese President Xi Jinping has called for China, Russia and the United States to serve as an example of co-operation in meeting global challenges.

    China, Russia and the United States should set the example of co-operation in meeting global challenges, keeping global peace and stability together and making a greater contribution to humanity’s progress, Xi has declared.

    On the other hand, Russian leader Vladimir Putin has called for constructive co-operation among three states, stressing that they can contribute to strengthening global stability through co-operation. He has also cited the need for Trump and Xi to discuss global and regional issues, including energy security.

    According to TASS, Putin has stressed that the three countries join not only their status as winning states in World War II but also the responsibility for preserving international peace.

    The signal where the truth speaks before the news!

    /Gazeta Sinjali/

    Source Layer: Signal

  • Akakuza against foreign national for 320 thousand-euro fraud in Ferizaj property trading

    The Constitutional Prosecutor at Ferizaj has filed charges against a North Macedonian citizen, suspected of fraud and legalisation of false content, after allegedly using counterfeit authorisations for selling her uncle’s property to Kosovo, causing two persons property damage worth a total of 320 thousand euros.

    According to the prosecution’s announcement, the defendant with the initial S.C. It is alleged that on November 13th, 2024, at the Foundation Court in Ferizaj, it has submitted a forged authorisation, allegedly given to her uncle, M.C., for selling his property in Kosovo.

    The document was supposed to be based on a 2012 authorisation issued near a swimmer in northern Macedonia. Through this document, the defendant is suspected to have put the tribunal on the run, which has subsequently issued a plea for recognising the right to ownership of L.H. on several parcels in the Petrovic cadastral area, in the Shtime municipality.

    The prosecution claims that criminal acts through these actions have been committed legalisation of false content.

    In addition, according to the indictment, the defendant on October 20, 2016, in Ferizaj, allegedly deceived M. K, hiding the fact that there was no valid authorization for selling her uncle’s property.

    The injured allegedly had paid various sums of money through the bank Raiffeisen, on the defendant’s account, based on bank bills. The alleged damage in this case totals 200 thousand euros.

    Another case described in the indictment is linked to 2018, when the defendant allegedly deceived L.H., using the same forged authorization for trading her uncle’s property.

    According to the prosecution, the parties had linked a paraconstra in property trading worth 170 thousand euros, with the deal paying 120 thousand euros by 2020, while the remaining 50 thousand euros after receiving the ownership sheet. The defendant allegedly used the forged document even in the court procedure, while the alleged damage to the injured is 120 thousand euros.

    The signal where the truth speaks before the news!

    /Gazeta Sinjali/

    Source Layer: Signal

  • Seanca për Ligjin e Speciales nuk nis me kohë, mungojnë deputetët e VV-së dhe PDK-së

    Seanca për Ligjin e Speciales nuk nis me kohë, mungojnë deputetët e VV-së dhe PDK-së

    Seanca për Ligjin e Speciales nuk nis me kohë, mungojnë deputetët e VV-së dhe PDK-së

    Seanca e Kuvendit të Kosovës, e thirrur për sot në orën 10:00, për shqyrtimin e Ligjit për Dhomat e Specializuara, ende nuk ka nisur.

    Edhe pas afro një ore e gjysmë pritjeje, në sallën e Kuvendit nuk janë parë deputetët e Lëvizjes Vetëvendosje dhe ata të Partisë Demokratike të Kosovës.

    Në sallë janë të pranishëm deputetë të Lidhjes Demokratike të Kosovës dhe të Aleancës për Ardhmërinë e Kosovës.

    Mungesa e deputetëve të këtyre dy partive vjen në kohën kur ushtruesja e detyrës së kryetares së PDK-së, Vlora Çitaku së bashku me Bedri Hamzën, kanë zhvilluar një takim me kryeministrin Albin Kurti, ku është diskutuar edhe çështja e Ligjit për Gjykatën Speciale.

    Pas takimit, Çitaku ka deklaruar se mes tyre nuk ka dallime për përmbajtjen e ligjit, por vetëm për aspektin procedural.

    “Bashkë me kryetarin Hamza, me kryetarin e Lëvizjes Vetëvendosje nuk kemi asnjë dallim në përmbajtje, dallimet i kemi ende vetëm në procedurë, diskutimet vazhdojnë, ju njoftoj më vonë”, ka deklaruar Çitaku para gazetarëve.

    Ajo ka bërë të ditur se diskutimet me kryeministrin Kurti do të vazhdojnë./Insajderi.org

    Burimi: Insajderi