Category: Lajme

  • Rrushi po kalbet në vreshtat e Rahovecit, vreshtarët ankohen për mungesë tregu - drejtori i Bujqësisë pranon se çmimi është i ulët

    Rrushi po kalbet në vreshtat e Rahovecit, vreshtarët ankohen për mungesë tregu – drejtori i Bujqësisë pranon se çmimi është i ulët

    Rrushi që do të duhej të vilej, shitej dhe t’u sillte të ardhura vreshtarëve në Rahovec, po mbetet në hardhi dhe po kalbet, pasi prodhuesit thonë se nuk po arrijnë të gjejnë treg për ta shitur.

    Vreshtarët thonë se këtë vit po përballen me njërën prej periudhave më të vështira. Përveç dëmeve të shkaktuara nga breshëri dhe ndryshimet e tjera klimatike gjatë verës, ata tashmë po përballen edhe me mungesë të blerësve.

    Sipas tyre, çmimi që u ofrohet për një kilogram rrush arrin deri në 45 centë, ndërsa një arkë rrushi në treg shitet për vetëm dy deri në tre euro.

    Ata shprehin shqetësimin edhe për atë që e konsiderojnë krijim të një monopoli në sektorin e rrushit, duke pretenduar se mundësitë për shitjen e prodhimit po kufizohen.

    Përballë kësaj situate, disa vreshtarë janë detyruar ta nxjerrin rrushin për shitje edhe në rrugë, në përpjekje për të shpëtuar një pjesë të mundit dhe investimit të tyre.

    Ndërkohë, ata thonë se deri më tani nuk kanë marrë vizita apo mbështetje konkrete nga institucionet komunale dhe Ministria e Bujqësisë.

    Samedin Sokoli, vreshtar në Rahovec, thotë për Telegrafin se çmimi me të cilin po shitet rrushi është shumë i ulët, ndërsa një pjesë e prodhimit të tij ka mbetur pa u vjelë.

    “Vërtet, për ne kjo që po ndodh këtu, po të tregoj drejt, me tri euro që po shesim, është marre. As nuk kemi ndonjë mbështetje, as nuk ka ardhur dikush të shohë se çfarë po ndodh. As vetë nuk di të të tregoj, sa vreshtat i kam, dy vreshta e gjysmë i kam ende plot, pa i vjelë, sepse e gjithë ajo që ka mbetur është prishur”, thotë ai.

    “Marre është, për shembull, ta nxjerrësh këtu. Mua më vjen marre ta nxjerr këtu (rrushin). Çfarë mund të nxjerr, çfarë jo, çfarë të bëj?”, ka potencuar Sokoli.

    I pyetur se sa po i ndihmojnë Ministria e Bujqësisë dhe Komuna e Rahovecit, Sokoli është shprehur se nuk ka pasur vizita nga përfaqësuesit e institucioneve në vreshtat e tyre.

    Samedin Sokoli, vreshtar në Rahovec

    “Asgjë, as komuna, as askush nuk ka ardhur të shohë nëpër vreshta se çfarë po ndodh. Çfarë t’i bëj këtij rrushi tani? Ta fus në arka… A është ky rrush i shëndoshë?”, ka thënë ai.

    “Çfarë të vijë, të marrë çfarë? Çfarë mund të marrë aty? Nuk ia vlen të marrësh dy arka dhe të vish nga shtëpia deri këtu”, ka shtuar vreshtari.

    Në anën tjetër, drejtori i Bujqësisë në Komunën e Rahovecit, Behar Thaqi, ka thënë se komuna këtë vit i ka përkrahur vreshtarët me preparate për spërkatjen e vreshtave.

    “Përkrahja e komunës për vreshtarët e Rahovecit këtë vit ka qenë me preparate për spërkatjen e vreshtave, kryesisht me preparatin Cikadja, për luftimin e një sëmundjeje me të cilën po përballemi tash e disa vite dhe që është shfaqur në vreshtat e komunës sonë. Këtë vit kemi filluar dhe ua kemi dhënë preparatin për spërkatjen e vreshtave”, ka thënë Thaqi.

    I pyetur për vështirësitë që po hasin vreshtarët në shitjen e rrushit dhe pretendimet për krijimin e një monopoli nga kompanitë më të mëdha që operojnë në këtë sektor, drejtori ka thënë se komuna ka caktuar një hapësirë ku prodhuesit mund ta shesin rrushin pa pagesë.

    “Nuk kisha thënë ashtu, sepse tregu që është caktuar nga komuna për shitjen e rrushit dhe të perimeve të tjera është pa pagesë”, thotë Thaqi.

    “Mirëpo, vreshtarët janë mësuar ndryshe ndër vite. Edhe këtu, te kjo pikë, do t’u bëja thirrje vreshtarëve, tani dhe në çdo kohë, që ta shfrytëzojnë vendin e caktuar ku mbahet ‘Hardh Festi’. Aty është hapësira e përcaktuar nga komuna për shitjen e rrushit dhe është pa pagesë”, ka deklaruar ai.

    Thaqi ka pranuar se një pjesë e rrushit ka mbetur në vreshta, por ka thënë se disa prodhues e kanë lënë qëllimisht pa e vjelë një lloj të rrushit, i njohur si rrush moldav, me shpresën se do të gjejnë treg më të madh.

    “Është e vërtetë që ka edhe rrush që ka mbetur nëpër vreshta. Ka edhe vreshtarë që e kanë lënë pa e vjelë një lloj rrushi që quhet moldav. Ai qëndron deri në dhjetor dhe e kanë lënë me qëllim, me shpresën se do të gjejnë një treg më të madh. Mirëpo, a është çmimi i rrushit i kënaqshëm? Nuk është i kënaqshëm”, ka thënë Thaqi.

    Drejtori i Bujqësisë në Komunën e Rahovecit, Behar Thaqi

    Sipas tij, çmimi i ulët është një prej arsyeve që prodhuesit nuk po nxitojnë ta vjelin dhe ta dërgojnë rrushin në treg.

    “Dhe kjo është një ndër arsyet. Ndoshta nuk ka njerëz që të shkojnë ta marrin rrushin e tyre dhe ta dërgojnë në treg, sepse, fatkeqësisht, tregu i rrushit dhe çmimi i tij janë të ulëta”, është shprehur ai.

    Thaqi ka thënë se nuk ka informacione të sakta se me çfarë çmimi po e blejnë rrushin bodrumet që e përdorin atë për prodhimin e verës dhe rakisë, por sipas informatave që kanë, çmimi është i ulët.

    “Tashmë nuk e di sa e kanë caktuar bodrumet që e marrin për verë, raki apo produkte të tjera, mirëpo, sa jemi në dijeni, çmimi është i ulët. Ndoshta mund të jetë 45 centë ose 40 centë, me aq sa e kanë marrë bodrumet”, ka deklaruar ai.

    Në Rahovec këtë vit nuk po mungon rrushi, por tregu për shitjen e tij. Për vreshtarët, çdo ditë që kalon pa u shitur prodhimi nënkupton humbje të mëtejshme pas një sezoni të tërë pune dhe investimi.

    Për të marrë një përgjigje institucionale lidhur me këtë situatë, Telegrafi ka kërkuar intervistë edhe nga Ministria e Bujqësisë, me qëllim që të kuptojë se çfarë masash janë ndërmarrë për t’i ndihmuar vreshtarët e Rahovecit, një pjesë e konsiderueshme e prodhimit të të cilëve po mbetet pa u shitur.

    Megjithatë, pavarësisht kërkesës së dërguar përmes postës elektronike dhe vizitës së sotme në zyrat e Ministrisë, përfaqësuesit e këtij institucioni nuk kanë pranuar të përgjigjen.

    Përgjigje nuk kemi marrë as nga Departamenti për Vreshtari dhe Verëtari në Rahovec, ku gjithashtu kemi kërkuar qëndrimin e zyrtarëve përgjegjës. /Telegrafi/

  • Arsyeja pse Flick po e pengon transferimin e yllit të Man Utd te Barcelona

    Arsyeja pse Flick po e pengon transferimin e yllit të Man Utd te Barcelona

    Barcelona vazhdon të jetë në kërkim të një mbrojtësi qendre për ta përforcuar repartin defensiv, por duket se Lisandro Martinez nuk është profili që kërkojnë drejtuesit e klubit katalunas.

    Mbrojtësi argjentinas 28-vjeçar i Manchester Unitedit po humbet gjasat për t’u transferuar te Barcelona në vitin 2027.

    Sipas agjentit Pedro Bravo, i cili ka folur në emisionin El Chiringuito, Deco e ka refuzuar mundësinë e transferimit të tij, pasi profili i futbollistit nuk i bind as drejtuesit sportivë dhe as trajnerin Hansi Flick.

    Bravo ka zbuluar se ia kishte propozuar personalisht Martinezit Decos gjatë një bisede telefonike, por përgjigjja e drejtorit sportiv kishte qenë negative.

    Sipas tij, edhe Flick ndan të njëjtin mendim. Megjithatë, ky informacion mbetet deklaratë e agjentit, pasi asnjëri prej tyre nuk e ka konfirmuar publikisht një refuzim të tillë.

    Një nga arsyet që e bënte argjentinasin interesant për Barcelonën ishte situata e tij kontraktuale. Marrëveshja me Manchester Unitedin përfundon më 30 qershor 2027, ndërsa klubi anglez ka mundësinë ta zgjasë atë deri në vitin 2028.

    Sipas Transfermarkt, vlera e tij aktuale në treg është 45 milionë euro. Nëse nuk rinovon kontratën, ai mund të largohet si lojtar i lirë verën e ardhshme. Për shërbimet e tij interesim ka shfaqur edhe Atletico Madridi.

    Ndërkohë, Deco po shqyrton alternativa të tjera për mbrojtjen. Në listën e Barcelonës përmenden Alessandro Bastoni i Interit dhe Nico Schlotterbeck i Borussia Dortmundit, dy mbrojtës me këmbë të majtë që përshtaten me kërkesat e lojës së klubit katalunas.

    Për momentin, Martinez nuk duket të jetë në planet e Barcelonës, pavarësisht mundësisë që të bëhet i disponueshëm pa kosto transferimi. Argjentinasi fillimisht duhet të zgjidhë të ardhmen e tij në Manchester, ndërsa klubi katalunas vazhdon kërkimin për përforcime në qendër të mbrojtjes. /Telegrafi/

  • Tre persona arrestohen në Durrës, njëri dyshohet se grabiti taksistin, dy të tjerë kapen me drogë në port

    Tre persona arrestohen në Durrës, njëri dyshohet se grabiti taksistin, dy të tjerë kapen me drogë në port

    Tre persona arrestohen në Durrës, njëri dyshohet se grabiti taksistin, dy të tjerë kapen me drogë në port

    Tre persona janë arrestuar nga Policia në Durrës, në kuadër të dy operacioneve të ndara, të zhvilluara për parandalimin dhe goditjen e veprimtarive kriminale.

    Në operacionin e koduar “Reagimi”, është arrestuar një 34-vjeçar, i dyshuar për grabitjen e një taksisti, të cilin paraprakisht e kishte kërcënuar me mjet prerës në lagjen nr. 14 të Durrësit.

    Sipas Policisë, i dyshuari me inicialet Xh. S. mëngjesin e sotëm i ka marrë taksistit 30-vjeçar, me inicialet A. Q., telefonin celular, një shumë parash dhe çelësin e automjetit.

    Pas raportimit të rastit, zyrtarët policorë të Komisariatit të Durrësit, në bashkëpunim me forcat “Shqiponja”, kanë ndërmarrë kontrolle në terren, duke arritur ta lokalizojnë dhe arrestojnë të dyshuarin në një kohë të shkurtër.

    Ndërkaq, në operacionin tjetër të koduar “Yellow Line”, të zhvilluar në Portin e Durrësit, janë arrestuar dy të rinj, të dyshuar për transportimin e farave të kanabisit dhe lëndëve narkotike.

    Të arrestuarit janë D. Z., 27 vjeç, dhe E. K., 24 vjeç, të dy banues në Tiranë.

    Gjatë kontrollit të një furgoni, të drejtuar nga 27-vjeçari, ku 24-vjeçari ishte pasagjer, Policia ka zbuluar një sasi të konsiderueshme farash të dyshuara narkotike të llojit kanabis, një sasi lënde të dyshuar narkotike të të njëjtit lloj, si dhe një shumë parash.

    Në cilësinë e provës materiale janë sekuestruar lëndët e dyshuara narkotike, paratë, furgoni dhe dy telefona celularë.

    Policia ka bërë të ditur se dy operacionet janë zhvilluar në kuadër të luftës kundër veprimtarive kriminale në qytetin e Durrësit.

    Sinjali – aty ku e vërteta flet para lajmit!

    /GazetaSinjali/

    Burimi: Sinjali

  • Three people arrested in Durres, one allegedly robbed the taxi driver, two others caught drugs in port

    Three people have been arrested by police in Durres, within two separate operations conducted for the prevention and crackdown of criminal activities.

    In a code-named operation, response has been arrested by a 34-year-old suspect in the robbery of a taxi driver who had previously threatened with cut-offs in the district. 14 of Durres.

    According to police, the suspect with the initial J. S. She took 30-year-old taxi driver with the initials A this morning. Q., cell phone, a lot of money and the key to the vehicle.

    After reporting the case, police officials of the Durres Commissionership, in co-operation with Albanian forces, have undertaken search on the ground, able to locate and arrest the suspect in a short time.

    Meanwhile, two young men, suspected of transporting cannabis seeds and narcotics, have been arrested in the next operation, codenamed “Yellow Line” conducted at the Durres Port.

    Those arrested are D. Mr., 27, and E. K., 24, both residents in Tirana.

    During the search of a van, run by the 27-year-old, where 24-year-old was a passenger, police have discovered a considerable quantity of suspected narcotic seeds of the type of cannabis, a suspected amount of the same type of narcotics, as well as a lot of money.

    In the quality of the evidence, suspected narcotics, money, van, and two mobile phones have been seized.

    Police have indicated that two operations have been conducted within the framework of the fight against criminal activities in the city of Durres.

    The signal where the truth speaks before the news!

    /Gazeta Sinjali/

    Source Layer: Signal

  • Sali Berisha me akuza të rënda: Rama dhe Balluku e duan të vdekur Erion Veliajn

    Sali Berisha me akuza të rënda: Rama dhe Balluku e duan të vdekur Erion Veliajn

    Sali Berisha me akuza të rënda: Rama dhe Balluku e duan të vdekur Erion Veliajn

    Kryetari i Partisë Demokratike, Sali Berisha, ka akuzuar Edi Ramën dhe Belinda Ballukun se po pengojnë ndërhyrjen e nevojshme mjekësore për Erion Veliajn, i cili ka frakturë në këmbë.

    Në një reagim publik, Berisha e cilëson këtë qëndrim çnjerëzor dhe akuzon prokurorët për heshtje. Ai u bën thirrje institucioneve ndërkombëtare, përfshirë OSBE-në, OKB-në dhe Kryqin e Kuq, të ndërhyjnë urgjentisht për të garantuar trajtimin mjekësor të Veliajt.

    Reagimi i plotë:

    Qëndrim çnjerëzor i dyshes famëzezë Rama-Lubia!

    Lubia dhe Palloshi i saj i gjatë Edvin Balluku rikthejnë standardet më të zeza e më çnjerëzore të diktaturës më të egër në qëndrimin ndaj të burgosurit Erion Veliaj.

    Të dashur miq, avokati i të burgosurit Erion Veliaj dhe së fundmi edhe vetë ai, me një letër drejtuar Lubi Ballukut, akuzojnë Lubinë dhe Ramën se nuk i lejojnë ndërhyrjen e domosdoshme në këmbën e thyer, si ndëshkim për kundërshtimin e urdhrave të tyre për t’ia dorëzuar Bashkinë e Tiranës benjaminit të tyre, Arbër Hajdari. Me këtë qëndrim çnjerëzor ndaj një të burgosuri me frakturë të kërcirit, dyshja famëzezë Lubi dhe Edvin Balluku dëshmojnë se e duan të vdekur sa më parë Erion Veliajn.

    Dënoj me forcën më të madhe këtë qëndrim të standardeve më të zeza, shtazore, të bastardëve të bllokmenëve hoxhistë, por edhe qëndrimin absolutisht çnjerëzor të prokurorëve të çështjes, të cilët heshtin para këtij krimi shtetëror. U bëj thirrje Komitetit Antitorturë, Komisionerëve për të Drejtat e Njeriut pranë KiE-së, OSBE-së, OKB-së dhe Kryqit të Kuq Ndërkombëtar të ndërhyjnë urgjentisht për të garantuar trajtimin ligjor të të burgosurit Erion Veliaj, jeta e të cilit është në rrezik të lartë nga dyshja shtazore Lubi dhe Edvin Balluku.

    Burimi: Insajderi

  • Sali Berisha on serious charges: Rama and Balluk want Erion Veliaj dead

    Democratic Party Chairman Sali Berisha has accused Edi Rama and Belinda Balluk of obstructing the necessary medical intervention for Erion Veliaj, who has been on foot.

    In a public response, Berisha calls this inhuman stance and accuses prosecutors of silence. It calls on international institutions, including the OSCE, the UN and the Red Cross, to urgently intervene to ensure Veliaj’s medical treatment.

    Full response:

    The inhuman stance of the famous Rama-Lubia double!

    Lubia and her tall peacock, Edwin Balluk, restore the worst and most inhuman standards of the worst dictatorship in attitude towards prisoners Erion Veliaj.

    Dear friends, Prisoner Erion Veliaj’s lawyer, and recently he himself, with a letter to Lubi Balluk, accuse Lubia and Rama of not allowing the necessary intervention in the broken leg as punishment for rejecting their orders to hand over Tirana’s Basquina to their Benjamin, Arber Hajdari. With this inhuman attitude toward a cervixed prisoner, the famous duo Lubi and Edwin Balluk testify that they want Erion Veliaj dead as soon as possible.

    I strongly condemn this attitude of the blackest, animal standards, the bastards of the hodget blockmen, but also the absolutely inhuman attitude of prosecutors of the case, who silence this state crime. I call on the Antitorture Committee, the Commissioners for Human Rights near the KiE, the OSCE, the UN and the International Red Cross to intervene urgently to ensure the legal treatment of prisoners Erion Veliaj, whose life is at high risk from Lubi and Edwin Balluk.

    Source Layer: Insander

  • Muhamet Hasani pas lirimit nga akuzat: “Kërkova vetëm drejtësi dhe sot e mora atë!”

    Muhamet Hasani pas lirimit nga akuzat: “Kërkova vetëm drejtësi dhe sot e mora atë!”

    Muhamet Hasani ka bërë të ditur se është liruar nga akuza me vendim të Gjykatës Themelore në Prishtinë, pas një procesi gjyqësor që, sipas tij, ka qenë i gjatë dhe emocionalisht i vështirë.

    Përmes një reagimi publik, Hasani ka shprehur kënaqësinë për vendimin e gjykatës, duke theksuar se gjatë gjithë kësaj kohe ka besuar në pafajësinë e tij dhe në drejtësinë e vendit.

    Ai ka treguar se ishte përballur me akuza në një rast të rëndë kriminal, ku persona të përfshirë në veprimtari kriminale dyshohet se kishin kamufluar lëndë narkotike në mallrat që transportoheshin nga Turqia.

    Sipas Hasanit, fakti që ishte pronar i një kompanie të transportit të mallrave e kishte vënë atë përballë akuzave, ndonëse, siç pretendon ai, nuk kishte pasur asnjë përfshirje në veprimtarinë kriminale, shkruan Hasani ne Facebook.

    “Pronësia e një kompanie nuk është krim! Të ofrosh shërbime transporti nuk të bën trafikant! Dhe askush nuk duhet të përgjigjet penalisht për veprimet e të tjerëve pa u provuar fajësia e tij”, ka shkruar Hasani.

    Ai ka bërë të ditur se, ndërsa vetë është liruar nga akuza, personat e tjerë të përfshirë në rast janë shpallur fajtorë dhe janë dënuar nga gjykata.

    Në reagimin e tij, Hasani ka përshkruar edhe vështirësitë personale dhe familjare gjatë periudhës së përballjes me drejtësinë, duke thënë se akuzat kishin rënduar mbi të dhe familjen e tij, si dhe kishin dëmtuar reputacionin e ndërtuar ndër vite.

    Ai ka falënderuar gjyqtarët që shqyrtuan çështjen, familjen, miqtë dhe mbrojtjen e tij ligjore, të cilët, sipas tij, i qëndruan pranë gjatë gjithë procesit.

    Hasani ka kujtuar edhe fjalët që ua kishte drejtuar gjyqtarëve në përfundim të procesit gjyqësor:

    “Nga ju pres vetëm drejtësi dhe asgjë tjetër!”

    Pas vendimit lirues, ai ka thënë se kërkesa e tij e vetme tashmë është përmbushur.

    Në fund të reagimit, Hasani ka bërë thirrje që askush të mos paragjykohet dhe të mos gjykohet publikisht pa u vërtetuar e vërteta, duke theksuar se pas çdo personi të përmendur në lajme qëndron edhe një familje që përjeton pasojat e akuzave.

    “Unë isha i njëjti njeri dje, jam i njëjti sot dhe do të mbetem i njëjti nesër. Akuzat nuk e ndryshojnë të vërtetën, ashtu siç heshtja nuk është pranim i fajësisë”, ka përfunduar Hasani reagimin e tij.

    “Heshta unë, që të fliste drejtësia. Sot drejtësia foli”, është mesazhi me të cilin Muhamet Hasani e ka përmbyllur reagimin pas lirimit nga akuza. /Indeksonline/

  • AL Trade Center shënon aktivitetin e dhurimit të gjakut në Drenas dhe Fushë Kosovë

    AL Trade Center shënon aktivitetin e dhurimit të gjakut në Drenas dhe Fushë Kosovë

    AL Trade Center ka realizuar një aktivitet humanitar në Drenas dhe Fushë Kosovë, duke kontribuar përmes dhurimit vullnetar të gjakut në mbështetje të personave që kanë nevojë.

    Aktiviteti u mbajt më 18 nëntor në Drenas dhe më 19 nëntor në Fushë Kosovë, ku ekipi i AL Trade Center dhuroi gjak në bashkëpunim me Qendrën Kombëtare të Kosovës për Transfuzionin e Gjakut.

    Kjo iniciativë është pjesë e angazhimit të vazhdueshëm të AL Trade Center, e cila organizon dhurimin e gjakut çdo gjashtë muaj, duke dëshmuar përkushtimin ndaj humanizmit, solidaritetit dhe përgjegjësisë shoqërore.

    Përmes këtij aktiviteti, AL Trade Center ka dhënë një tjetër kontribut për komunitetin, duke përcjellë mesazhin se dhurimi i gjakut është një veprim i thjeshtë që mund të bëjë diferencën në jetën e dikujt.

  • Jennifer Lawrence zbulon aktorin që e puthi më keq në ekran: Chris Pratt renditet i fundit

    Jennifer Lawrence zbulon aktorin që e puthi më keq në ekran: Chris Pratt renditet i fundit

    Jennifer Lawrence ka zbuluar se cili prej aktorëve me të cilët ka shkëmbyer puthje në ekran ka qenë më i dobëti, duke vendosur Chris Pratt në fund të listës.

    Gjatë një interviste në emisionin Watch What Happens Live With Andy Cohen, aktorja 36-vjeçare u sfidua të rendiste puthjet e saj në ekran, nga më e mira te më e keqja.

    Në listë ishin Liam Hemsworth, Bradley Cooper, Josh Hutcherson, Chris Pratt dhe Timothée Chalamet, shkruan DailyMail.

    Lawrence e nisi renditjen duke zgjedhur Josh Hutcherson si puthjen më të mirë. Më pas renditi Hemsworth, Cooper dhe Chalamet, ndërsa Chris Pratt përfundoi në vendin e fundit.

    Hutcherson, i cili ishte i pranishëm në studio, reagoi me buzëqeshje dhe ngriti grushtin i emocionuar.

    Lawrence dhe Pratt kanë luajtur së bashku në filmin Passengers (2016). Më herët, aktorja kishte treguar se xhirimi i skenave intime me të kishte qenë një përvojë e sikletshme për të, veçanërisht sepse Pratt ishte i martuar në atë kohë.

    Ajo kishte pranuar se ishte dehur para xhirimeve për të përballuar tensionin.

    Megjithatë, Lawrence kishte sqaruar se sikleti nuk lidhej me vetë aktorin, të cilin e përshkroi si shumë të dashur, por me praninë e gjithë ekipit gjatë xhirimit.

    Ndërkohë, ajo dhe Hutcherson kanë interpretuar Katniss Everdeen dhe Peeta Mellark në serinë Hunger Games, ndërsa janë rikthyer në rolet e tyre për filmin e ri, i cili mbërrin në kinema më 20 nëntor. /Telegrafi/

  • Big Brother VIP Albania vjen me lajmin e shumëpritur, ja kur nis edicioni i gjashtë

    Big Brother VIP Albania vjen me lajmin e shumëpritur, ja kur nis edicioni i gjashtë

    Fansat e spektaklit “Big Brother VIP Albania”, me sa duket, nuk do të duhet të presin edhe shumë gjatë për nisjen e edicionit të gjashtë.

    Produksioni ka bërë njoftimin e shumëpritur, duke konfirmuar se spektakli do të nisë zyrtarisht në muajin dhjetor.

    Megjithatë, data e saktë e fillimit ende nuk është bërë e ditur nga organizatorët.

    Lajmi u bë publik përmes një postimi në Instagram, ku produksioni publikoi edhe një trailer me personazhe nga edicionet e kaluara, të shoqëruar me një mesazh për sezonin e ri.

    “Shumë kanë hyrë në atë derë. Asnjë nuk ka dalë i njëjtë. Disa humbasin. Të tjerë fitojnë gjithçka. E gjithë Shqipëria, një lojë! Big Brother VIP, Nga dhjetori!”, thuhet në postimin e tyre.

    Pas publikimit të lajmit, reagimet nuk kanë munguar nga ndjekësit e spektaklit duke shprehur gëzimin dhe padurimin për nisjen e edicionit të ri të spektaklit.