Category: Lajme

  • Rama: Ka grupe shantazhi e propagande që punojnë kundër meje dhe kryeqytetit (VIDEO)

    Rama: Ka grupe shantazhi e propagande që punojnë kundër meje dhe kryeqytetit (VIDEO)

    Rama: Ka grupe shantazhi e propagande që punojnë kundër meje dhe kryeqytetit (VIDEO)

    Kryetari i Komunës së Prishtinës, Përparim Rama, ka ngritur shqetësime lidhur me sulmet dhe pengesat politike, me të cilat thotë se po përballet qeverisja e tij.

    Ai ka deklaruar se ekzistojnë grupe të organizuara që punojnë në mënyrë të vazhdueshme për të bllokuar, sipas tij, projektet e kryeqytetit.

    I ftuar në emisionin “DPT te Fidani” në Klan Kosova, i pari i kryeqytetit shprehu keqardhje për qasjen bllokuese, duke theksuar se që nga fillimi i mandatit ka kërkuar bashkëpunim të gjerë për të mirën e qytetarëve dhe rinisë.

    Është për keqardhje faktikisht që ka sulme dhe shantazhe. Krijojnë grupe, kam dëgjuar që e kanë atë grupin ligjor dhe grupin e propagandës  që punojnë vazhdimisht kundër meje, kundër kryeqytetit dhe kundër punëve të mira që ne i bëjmë. Kam kërkuar gjithmonë bashkëpunim që nga fillimi, të krijojmë gjëra të mira për të ardhmen tonë, për rininë tonë, por nuk e kanë bërë këtë, për fat të keq”, thaRama.

     

    Rama nënvizoi se drejtimi i kryeqytetit kërkon konsensus dhe përfshirje përtej ndasive politike, arsye për të cilën kishte propozuar një bashkëpunim më të gjerë politik që në nisje.

     Si kryetar i kryeqytetit, duhet të bashkëpunoj me të gjithë dhe duhet të krijojmë projekte madhore. Kam bërë thirrje që të kemi një koalicion të gjerë, sepse e kemi pasur vizionin e qartë për atë se çfarë i duhet Prishtinës. Ishte e domosdoshme një bazë e tillë e gjerë për t’i shtyrë proceset e mëdha përpara për kryeqytetin”, tha Përparim Rama. /Klankosova.tv

  • Eman Rrahmani: Një çift s’do me i prish linjat e trupit, e marrin një grua me qira me bë fëmijë për ta

    Eman Rrahmani: Një çift s’do me i prish linjat e trupit, e marrin një grua me qira me bë fëmijë për ta

    Eman Rrahmani: Një çift s’do me i prish linjat e trupit, e marrin një grua me qira me bë fëmijë për ta

    Deputeti Eman Rrahmani, ka ngritur shqetësime për fertilizimin e asistuar dhe çështjet që lidhen me bartjen e shtatzënisë për një çift tjetër një ndër arsyejet që ai thotë e bëjnë të mbaj qëndrim për ta kundërshtuar Kodin Civil në Kuvend.

    Duke folur në emisionin “Kosova Live” në T7, Rrahmani ka deklaruar se disa çifte, sipas tij, për të mos ndryshuar trupin gjatë shtatzënisë, angazhojnë një grua tjetër që ta mbajë shtatzëninë dhe ta lindë fëmijën e tyre.

    “Një çift s’do me i prish linjat e trupit, e marrin një grua me qira edhe ajo lind fëmijën e tyre, pastaj gruaja që s’martohet por lind fëmijë, që s’e di kush është baba…”, ka deklaruar Rrahmani duke pretenduar së në këtë formë i pa mundësohet fëmijut ta di kush është prindi i vërtetë.

    Sinjali – aty ku e vërteta flet para lajmit!

    /GazetaSinjali/

    The post Eman Rrahmani: Një çift s’do me i prish linjat e trupit, e marrin një grua me qira me bë fëmijë për ta appeared first on Sinjali.

    Burimi: Sinjali

  • Banka e Shqipërisë: Depozitat dhe kursimet e qytetarëve janë të sigurta

    Banka e Shqipërisë: Depozitat dhe kursimet e qytetarëve janë të sigurta

    Banka e Shqipërisë deklaroi se depozitat dhe kursimet e qytetarëve në sistemin bankar janë të sigurta, ndërsa shërbimi i pagesave ka vijuar të funksionojë normalisht, pavarësisht dëmtimeve të shkaktuara në disa degë bankare dhe bankomate (ATM) gjatë incidenteve të ditëve të fundit nga protesta.

    Në një deklaratë, Banka e Shqipërisë bëri të ditur se po ndjek me vëmendje dhe shqetësim zhvillimet e fundit në vend, duke theksuar se siguria e qytetarëve, klientëve dhe punonjësve të institucioneve financiare mbetet përparësi.

    Deklarata e plotë e Bankës së Shqipërisë

    Banka e Shqipërisë po ndjek me vëmendje dhe shqetësim zhvillimet e ditëve të fundit në vend, veçanërisht incidentet ndaj disa degëve bankare dhe bankomatëve (ATM), të cilat kanë shkaktuar dëme materiale dhe kufizime të përkohshme të shërbimeve bankare. Në këto rrethana, siguria e qytetarëve, klientëve dhe punonjësve të institucioneve financiare mbetet përparësi.

    Banka e Shqipërisë siguron publikun se shërbimi i pagesave ka vijuar të funksionojë normalisht dhe pa ndërprerje, duke garantuar përmbushjen e rolit të sistemit bankar si domosdoshmëri e aktivitetit ekonomik të bizneseve dhe nevojave të konsumit të familjeve.

    Banka e Shqipërisë thekson se depozitat dhe kursimet e qytetarëve në sistemin bankar janë të sigurta. Dëmtimet e një pjese të infrastrukturës fizike në disa degë të bankave nuk cenojnë sigurinë e depozitave të klientëve dhe as qëndrueshmërinë financiare të bankave. Qytetarët duhet të jenë të qetë se kursimet e tyre janë të mbrojtura dhe nuk rrezikohen nga dëmtimet fizike të ambienteve.

    Në ushtrim të përgjegjësive të saj ligjore, Banka e Shqipërisë është në komunikim të vazhdueshëm me bankat tregtare dhe institucionet përkatëse, duke ndjekur nga afër situatën dhe masat e ndërmarra për ruajtjen e sigurisë së punonjësve, klientëve dhe infrastrukturës bankare.

    Kufizimet e përkohshme të shërbimeve në degë të caktuara lidhen me nevojën për të mbrojtur sigurinë fizike të punonjësve dhe klientëve. Banka e Shqipërisë fton qytetarët dhe bizneset të ndjekin njoftimet zyrtare të bankave përkatëse dhe të përdorin sa më shumë kanalet alternative të shërbimit bankar.

    Sistemi bankar është një shtyllë me rëndësi thelbësore për ekonominë dhe jetën e qytetarëve. Pas çdo dege bankare, çdo pagese apo transaksioni qëndrojnë familje që administrojnë kursimet e tyre, qytetarë që marrin pagat dhe pensionet, biznese që paguajnë punonjësit dhe vijojnë aktivitetin e tyre, si dhe sipërmarrje që investojnë dhe krijojnë vende pune. Funksionimi normal i bankave është i lidhur drejtpërdrejt me mirëqenien e qytetarëve, vazhdimësinë e aktivitetit ekonomik dhe besimin në të ardhmen.

    Banka e Shqipërisë, si institucion i pavarur në shërbim të interesit publik, përmbush funksione thelbësore për ruajtjen e stabilitetit të çmimeve, stabilitetit financiar dhe shërbimin e pagesave.

    Në detyrim ndaj këtij misioni, Banka e Shqipërisë u bën thirrje të gjithë qytetarëve që, në ushtrimin e së drejtës së tyre për protestë paqësore, të respektojnë dhe të mbrojnë sigurinë e Bankës së Shqipërisë, të institucioneve bankare, ambienteve, infrastrukturës dhe punonjësve të tyre. Ruajtja e këtyre institucioneve do të thotë ruajtje e shërbimeve dhe e funksioneve që u përkasin dhe u shërbejnë të gjithëve.

    Banka e Shqipërisë mbetet plotësisht e angazhuar në përmbushjen e mandatit të saj për ruajtjen e stabilitetit financiar dhe funksionimin e sigurt e të qëndrueshëm të sistemit bankar. Ajo do të vijojë të ndjekë me përgjegjësi zhvillimet dhe të bashkëpunojë me institucionet përkatëse për të mbështetur vijimësinë e shërbimeve bankare dhe ruajtjen e besimit të publikut në sistemin financiar.

    Besimi dhe siguria e qytetarëve janë themeli i një sistemi bankar të qëndrueshëm. Ruajtja e këtij besimi dhe e institucioneve që i shërbejnë publikut është në interesin e përbashkët të të gjithë shoqërisë.

    Burimi: RTKLive

  • Spanca në takimin e Institucioneve të Auditimit që u mbajt në Paris

    Spanca në takimin e Institucioneve të Auditimit që u mbajt në Paris

    Gjatë panelit për mbrojtjen e pavarësisë së institucioneve supreme të auditimit, Spanca prezantoi përvojën e Zyrës Kombëtare të Auditimit të Kosovës në ushtrimin e mandatit kushtetues, duke theksuar rëndësinë e integritetit profesional, transparencës dhe komunikimit me median, shoqërinë civile dhe qytetarët për forcimin e besimit publik.

    Në këtë takim, liderët e institucioneve miratuan Planin e Punës së Rrjetit për periudhën 2027–2028, i cili parasheh aktivitete për rritjen e ndikimit të auditimit, mbrojtjen e pavarësisë institucionale dhe forcimin e kapaciteteve për auditimin e projekteve të investimeve kapitale dhe reformave të lidhura me Bashkimin Evropian.

    Auditorja e Përgjithshme shprehu gatishmërinë që Zyra Kombëtare e Auditimit e Kosovës të kontribuojë në aktivitetet që lidhen me auditimin e projekteve të investimeve kapitale dhe shkëmbimin e përvojave në auditimet paralele.

    Takimi u organizua në kuadër të Rrjetit të vendeve kandidate dhe kandidate të mundshme për anëtarësim në Bashkimin Evropian, në bashkëpunim me projektin e EUROSAI-t për Asistencë në Zhvillim, me mbështetjen e OECD/SIGMA dhe Zyrës Kombëtare të Auditimit të Suedisë. Në të morën pjesë edhe Zëvendës Auditori i Përgjithshëm, Bezad Halilaj, dhe zyrtarja për komunikim me publikun, Shqipe Hetemi.

    Burimi: RTKLive

  • Në Tetovë u mbajt edicioni jubilar i 30-të i Festivalit “Ditët e Naimit”

    Në Tetovë u mbajt edicioni jubilar i 30-të i Festivalit “Ditët e Naimit”

    Çmimi i madh letrar “Naim Frashëri” iu nda akademikut dhe poetit rumun Ion Deaconescu, për vlera të larta artistike e estetike, ndërsa çmimi për karrierë letrare “Ditët e Naimit” iu dha poetes shqiptare Flutura Açka.

    Gjatë festivalit u ndanë edhe çmimet e tjera letrare: “Menada” për poetin francez Pierre Ech-Ardour, “Silke/Liria” për poeten Angela Valenti Durazzo nga Monako, “Oeneumi” për poeten turke Sevgi Suçin dhe “Qiriu i Naimit” për poeten Eli Rosa Zamora nga Venezuela.

    Programi përfshiu tryezë shkencore kushtuar tri dekadave të festivalit, përurimin e Antologjisë së Poezisë Bashkëkohore Botërore, lexime poetike, aktivitete kulturore dhe interpretime muzikore. Në kuadër të manifestimit u vlerësua edhe kontributi i drejtorit të festivalit, Shaip Emërllahu, i cili u shpall anëtar nderi i Akademisë Ndërkombëtare “Mihai Eminescu” dhe u nderua me çmimin “Bota e Re”.

    Në ceremoninë hapëse, kryetari i Komunës së Tetovës, Bilall Kasami, bëri të ditur se, në bashkëpunim me drejtorin e festivalit, është diskutuar institucionalizimi i “Ditëve të Naimit” në kuadër të Komunës së Tetovës.

    Festivali, i organizuar në shënim të 180-vjetorit të lindjes së Naim Frashërit, u mbështet nga Ministria e Kulturës dhe Komuna e Tetovës, ndërsa sponsor i këtij edicioni ishte restoranti “Kurtishi”.

    Burimi: RTKLive

  • Arrestohen pesë të dyshuar për vandalizmin e Gjykatës së Apelit

    Arrestohen pesë të dyshuar për vandalizmin e Gjykatës së Apelit

    Pesë persona janë arrestuar, ndërsa 15 të tjerë janë shpallur në kërkim, nën dyshimin për dëmtimin e dyerve dhe dritareve të Gjykatës së Apelit gjatë protestës së zhvilluar pranë këtij institucioni.

    Sipas njoftimit të policisë, hetimet e zhvilluara gjatë tubimit kanë mundësuar identifikimin e 20 personave që dyshohet se kanë dëmtuar institucionin me sende të forta.

    Në mesin e pesë të arrestuarve janë A. P., 37 vjeç, S. R., 32 vjeç, L. D., 20 vjeç, P. P., 24 vjeç, si dhe një i mitur 16-vjeçar.

    Gjatë kontrollit fizik ndaj të miturit, policia ka sekuestruar edhe një sasi lëndësh piroteknike.

    Ndërkohë, 15 personat e tjerë të dyshuar janë shpallur në kërkim, ndërsa autoritetet bëjnë të ditur se po vazhdojnë punën për kapjen e tyre.

    Materialet procedurale lidhur me rastin i janë referuar Prokurorisë për veprime të mëtejshme ligjor

    Burimi: Dukagjini

  • Kremlini paralajmëron takim trepalësh Putin-Trump-Xi muajin e ardhshëm

    Kremlini paralajmëron takim trepalësh Putin-Trump-Xi muajin e ardhshëm

    Kremlini paralajmëron takim trepalësh Putin-Trump-Xi muajin e ardhshëm

    Kremlini ka konfirmuar se mundësia e një takimi trepalësh mes presidentit rus Vladimir Putin, atij amerikan Donald Trump dhe liderit kinez Xi Jinping është ngritur gjatë bisedimeve, ndërkohë që Ukraina e ka kundërshtuar ashpër një format të tillë, duke e cilësuar si inkurajim për agresionin rus.

    Zëdhënësi i Kremlinit, Dmitry Peskov, komentoi të hënën raportimet e prestigjiozes Wall Street Journal, sipas të cilave Putin ka propozuar një takim të përbashkët me Trumpin dhe Xi Jinpingun gjatë samitit të ardhshëm të APEC-ut në Kinë, me fokus dhënien fund të konfliktit në Ukrainë.

    Peskov pranoi se ideja ka qarkulluar, por theksoi se ende nuk ka asgjë të vendosur në letër, raporton Reuters, transmeton Klankosova.tv.

    “Duke qenë se të tre krerët e shteteve mund të marrin pjesë në samitin në Kinë, çështja e një takimi të tillë hipotetik vërtet është ngritur. Ajo u përmend, por nuk u diskutuan dhe as nuk u paraqitën propozime apo marrëveshje konkrete nga askush, qoftë për vetë takimin, qoftë për agjendën dhe përmbajtjen e mundshme të tij”, theksoi Peskov.

    Ideja e një samiti mes tre superfuqive pa praninë e drejtpërdrejtë të palës ukrainase ka ngjallur irritim të menjëhershëm në Kiev. Ministri i Jashtëm i Ukrainës, Andrii Sybiha, reagoi përmes një deklarate në platformën X, duke paralajmëruar për rreziqet e një formati të tillë.

    “Një takim trepalësh mes liderëve të Ukrainës, SHBA-së dhe Rusisë mund të ndihmojë që lufta të përfundojë më shpejt. Por, një takim mes Rusisë, Kinës dhe SHBA-së do të sillte të kundërtën: do ta inkurajonte Putinin të vazhdonte këtë luftë,” nënvizoi diplomati kryesor ukrainas.

    Nga ana tjetër, Peskov u shpreh para gazetarëve se Moska vlerëson rolin ndërmjetësues të Shteteve të Bashkuara, duke shtuar se asnjë marrëveshje përfundimtare nuk mund të realizohet pa përfaqësuesit e autoriteteve të Ukrainës.

    “Sigurisht, një zgjidhje përfundimtare është e pamundur pa pjesëmarrjen e dikujt nga Kievi që është i gatshëm të marrë përgjegjësi”, deklaroi zëdhënësi rus.

    Pavarësisht përpjekjeve diplomatike, qëndrimet mes Moskës dhe Kievit mbeten thellësisht të ndara sa u përket kushteve për armëpushim dhe paqe afatgjatë.

  • Vitinha vlerëson maksimalisht Barcelonën: “Yamal është i jashtëzakonshëm, por Parisi s’trembet!”

    Vitinha vlerëson maksimalisht Barcelonën: “Yamal është i jashtëzakonshëm, por Parisi s’trembet!”

    Vitinha vlerëson maksimalisht Barcelonën: “Yamal është i jashtëzakonshëm, por Parisi s’trembet!”

    Mesfushori i Paris Saint-Germainit, Vitinha, ka folur para përballjes së zjarrtë ndaj Barcelonës në Champions League, duke thurur elozhe për yllin spanjoll Lamine Yamal, të cilin e renditi përkrah Kylian Mbappes si futbollistin më të mirë në planet, por theksoi prerazi se parizienët nuk i frikësohen askujt.

    Ylli 17-vjeçar i Barcelonës po kalon një formë të jashtëzakonshme këtë edicion, me nëntë gola dhe dhjetë asistime në 11 paraqitje mes La Ligas dhe Champions League, duke qenë kërcënimi kryesor për mbrojtjen franceze, transmeton Klankosova.tv.Megjithatë, reprezentuesi portugez hodhi poshtë çdo aludim për frikë, duke nënvizuar se forca e PSG-së qëndron te grupi.

     Frikë nga Lamine Yamal? Jo, nuk ka vend për frikë. Ai është një futbollist i jashtëzakonshëm, por si kolektiv duhet të punojmë bashkë për ta mbajtur nën kontroll. Së bashku me Mbappen, Lamine Yamal është më i miri në botë aktualisht, është i pabesueshëm. Është një sfidë shumë interesante të luash kundër tij, por gjithçka nuk sillet vetëm rreth Laminës. Barça është një klub i madh me shumë kualitete individuale,” theksoi Vitinha.

    Përtej dueleve individuale, Vitinha theksoi se fati i këtij takimi do të vendoset nga lufta për posedimin e topit dhe presioni i lartë, dy elemente themelore të filozofisë së të dy trajnerëve.

    Në fund, mesfushori i kampionëve të Francës komentoi shkurtimisht edhe garën për çmimin prestigjioz individual, “Topin e Artë”, ku veçoi tre emra si kandidatë potencialë, si Mbappe Olise dhe Yamal.

     

  • 735 pedagogë e akademikë në Shqipëri kërkojnë dorëheqjen e Ramës

    735 pedagogë e akademikë në Shqipëri kërkojnë dorëheqjen e Ramës

    735 pedagogë e akademikë në Shqipëri kërkojnë dorëheqjen e Ramës

    735 pedagogë, akademikë dhe përfaqësues të jetës publike në Shqipëri kanë nënshkruar një deklaratë me pesë pika, përmes së cilës kërkojnë dorëheqjen e menjëhershme të kryeministrit Edi Rama.

    Deklarata, e iniciuar nga Forumi për Dialog Politik, kërkon gjithashtu formimin e një qeverie kujdestare dhe ndalimin e dhunës ndaj protestuesve në Tiranë.

    Nënshkruesit i kanë bërë thirrje Policisë së Shtetit që të ndalë përdorimin e dhunës ndaj studentëve dhe të mos zbatojë urdhra të paligjshëm.

    Në deklaratë, përfaqësive diplomatike në Tiranë u kërkohet të reagojnë publikisht për mbrojtjen e të drejtave dhe lirive themelore.

    Po ashtu, protestuesve u bëhet thirrje të ruajnë pronën publike dhe private, ndërsa qytetarëve të Tiranës u kërkohet të mbështesin të rinjtë përballë dhunës.

    Sinjali – aty ku e vërteta flet para lajmit!

    /GazetaSinjali/

    The post 735 pedagogë e akademikë në Shqipëri kërkojnë dorëheqjen e Ramës appeared first on Sinjali.

    Burimi: Sinjali

  • LEX | Vdekja e pacientes në QKUK, infermierja dëshmon në gjykimin ndaj katër mjekëve: Bëmë gjithçka që u kërkua

    LEX | Vdekja e pacientes në QKUK, infermierja dëshmon në gjykimin ndaj katër mjekëve: Bëmë gjithçka që u kërkua

    LEX | Vdekja e pacientes në QKUK, infermierja dëshmon në gjykimin ndaj katër mjekëve: Bëmë gjithçka që u kërkua

    Në Gjykatën Themelore në Prishtinë, këtë të hënë ka vazhduar gjykimi ndaj katër mjekëve, Vjosa Zejnullahu, Selman Demolli, Myzeine Muja dhe Bashkim Sheholli, të cilët akuzohen për trajtim të pandërgjegjshëm mjekësor lidhur me vdekjen e pacientes S.F. në Qendrën Klinike Universitare të Kosovës (QKUK), në vitin 2016.

    Në seancën e sotme është dëgjuar dëshmitarja Valbona Kelmendi-Gashi, infermiere, e cila para trupit gjykues deklaroi se stafi mjekësor kishte ndërmarrë të gjitha veprimet që ishin kërkuar për trajtimin e pacientes.

    Sipas dëshmitares, për pacienten ishte kërkuar konsultimi i neurologut dhe ishte realizuar edhe ekzaminimi me tomografi kompjuterike (CT).

    Ajo theksoi se ishte bërë gjithçka që kishte qenë e mundur, duke shtuar se për këtë mund të dëshmojnë edhe familjarët e së ndjerës.

    Kelmendi-Gashi deklaroi se gjatë administrimit të dozës së dytë të gjakut, pranë pacientes kishin qenë bashkëshorti dhe vëllai i saj, ndërsa kunata kishte qëndruar vazhdimisht aty.

    Dëshmitarja sqaroi se infermierët përgatisin kërkesat për gjak, plazmë apo produkte të tjera të gjakut, ndërsa më pas kontaktojnë Klinikën e Transfuzionit për të konfirmuar nëse produktet janë të gatshme për t’u tërhequr.

    Ajo deklaroi gjithashtu se qeset e zbrazëta të gjakut nuk ruhen, ndërsa pacientja kishte marrë dozën e dytë të gjakut dhe plazmën në Emergjencë.

    Sipas saj, pacientja ishte sjellë me autoambulancë pasi kishte humbur vetëdijen.

    Çfarë pretendon Prokuroria?

    Sipas aktakuzës së Prokurorisë Themelore në Prishtinë, katër mjekët dyshohet se më 20 janar 2016, gjatë trajtimit të pacientes në QKUK, kanë përdorur metoda të papërshtatshme mjekësore, duke shkaktuar përkeqësimin e gjendjes së saj shëndetësore, që përfundoi me vdekje.

    Prokuroria pretendon se e akuzuara Vjosa Zejnullahu kishte nënvlerësuar ankesat e pacientes lidhur me reagimin ndaj transfuzionit të gjakut dhe kishte vazhduar administrimin e tij pa konsultimin e transfuziologut.

    Ndërkaq, Selman Demolli dhe Myzeine Muja akuzohen se nuk kishin vepruar sipas protokolleve standarde të trajtimit, duke mos rekomanduar konsultimin me specialistin e transfuzionit, pavarësisht përkeqësimit të gjendjes së pacientes.

    Sa i përket Bashkim Shehollit, Prokuroria pretendon se ai kishte rekomanduar realizimin e CT-së së trurit, duke anashkaluar konsultimin me transfuziologun.

    Një tjetër pretendim i rëndësishëm i aktakuzës lidhet me mosruajtjen e qeses së gjakut, e cila, sipas Prokurorisë, do të mund të shërbente si provë për të përcaktuar nëse kishte pasur ndonjë reagim gjatë transfuzionit.

    Të katër të akuzuarit ngarkohen me veprën penale “Trajtim i pandërgjegjshëm mjekësor”, nga neni 260, paragrafi 4 lidhur me paragrafin 1 të Kodit Penal.

    Gjykimi po zhvillohet para trupit gjykues të kryesuar nga gjyqtari Adnan Kamberi, me anëtarë Sulltane Hotin dhe Alban Ajvazin.

    Seanca e sotme është ndërprerë për shkak të përfundimit të orarit të punës së Gjykatës.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post LEX | Vdekja e pacientes në QKUK, infermierja dëshmon në gjykimin ndaj katër mjekëve: Bëmë gjithçka që u kërkua appeared first on Sinjali.

    Burimi: Sinjali