Category: Lajme

  • Robert Hall dhe Michael Woodford fitojnë Çmimin Nobel për Ekonomi 2026

    Robert Hall dhe Michael Woodford fitojnë Çmimin Nobel për Ekonomi 2026

    “Me ta, jemi më të përgatitur për t’u përballur me goditjet në ekonomi, siç janë krizat energjetike ose ndryshimet e papritura në konsumin e familjeve”, tha John Hassler, kryetar i Komitetit për Çmimin në Shkencat Ekonomike.

    Çmimi, i njohur zyrtarisht si Çmimi i Bankës Qendrore të Suedisë për Shkencat Ekonomike në Kujtim të Alfred Nobelit, është çmimi i fundit që ndahet këtë vit dhe ka vlerën prej 12 milionë koronash suedeze, ose 1.2 milion dollarë.

    Një nga kontributet kryesore të laureatëve është argumenti se ekonomitë mund të mbahen të qëndrueshme vetëm duke marrë parasysh miliona vendime që marrin familjet dhe bizneset në nivel mikroekonomik, në vend që të mbështeten vetëm në teoritë e përgjithshme për funksionimin e ekonomisë.

    “Autoritetet nuk duhet ta shohin stabilizimin e ekonomisë si një proces që kryhet thjesht duke lëvizur leva për ta kontrolluar ekonominë, pa marrë parasysh atë që njerëzit kuptojnë për të”, tha Woodford, 70 vjeç, nga Universiteti Columbia, në një konferencë për media.

    Burimi: RTKLive

  • FSK-ja përmbyll me sukses ushtrimin fushor “VALOR SHIELD 2026”

    FSK-ja përmbyll me sukses ushtrimin fushor “VALOR SHIELD 2026”

    Operacionet Speciale të Forcës së Sigurisë së Kosovës (FSK), në bashkëpunim me partnerët strategjikë nga Shtetet e Bashkuara të Amerikës, Shqipëria dhe Kroacia, kanë përmbyllur ushtrimin fushor “VALOR SHIELD 2026”.

    Sipas njoftimit, në ushtrim kanë marrë pjesë edhe institucionet e tjera të sigurisë në Kosovë.

    Ushtrimi kishte për qëllim avancimin e kapaciteteve operacionale në fushën e luftës jokonvencionale, testimin e aftësive profesionale dhe specialistike, si dhe forcimin e ndërveprueshmërisë ndërmjet forcave pjesëmarrëse.

    Po ashtu, fokusi ishte në harmonizimin e standardeve të Operacioneve Speciale ndërmjet partnerëve pjesëmarrës.

    FSK-ja ka vlerësuar se ushtrimi dëshmon progresin e vazhdueshëm të Operacioneve Speciale, të mbështetura nga partneriteti strategjik me Shtetet e Bashkuara të Amerikës dhe bashkëpunimi me partnerët vendorë e ndërkombëtarë.

    Sipas njoftimit, “VALOR SHIELD 2026” përbën një hap të rëndësishëm drejt konsolidimit të një force profesionale dhe të ndërveprueshme, të gatshme për të përmbushur misionin e saj në mbështetje të sigurisë kombëtare dhe bashkëpunimit ndërkombëtar.

    Burimi: Dukagjini

  • Memorandum bashkëpunimi për të luftuar piraterinë digjitale në Shqipëri

    Memorandum bashkëpunimi për të luftuar piraterinë digjitale në Shqipëri

    Memorandum bashkëpunimi për të luftuar piraterinë digjitale në Shqipëri

    Drejtoresha e Autoritetit të Mediave Audiovizive (AMA) në Shqipëri, Armela Krasniqi, ka njoftuar se ka nënshkruar një Memorandum Bashkëpunimi me Prokurorin e Përgjithshëm, Olsian Çela, për forcimin e luftës kundër piraterisë digjitale audiovizive.

    Përmes një postimi në Facebook, Krasniqi ka bërë të ditur se marrëveshja synon të krijojë një mekanizëm të qëndrueshëm bashkëpunimi ndërmjet dy institucioneve, për identifikimin dhe dokumentimin e shkeljeve, shkëmbimin e informacionit dhe referimin e rasteve që mund të përbëjnë vepra penale.

    Sipas saj, memorandumi vjen në kuadër të përmbushjes së detyrimeve të AMA-s që rrjedhin nga Rezoluta e Kuvendit për vitin 2026.

    “Falënderoj Prokurorin e Përgjithshëm për angazhimin në këtë përpjekje të përbashkët, e cila kam bindjen se do të hedhë një gur të ri në themelin e murit që mbron konkurrencën e ndershme dhe kontribuon për një treg audioviziv të standardeve europiane. Për ne në AMA, mbrojtja e të drejtave të transmetimit është një angazhim i vazhdueshëm për të mbrojtur punën e krijuesve, investimet e operatorëve të ligjshëm dhe konkurrencën e ndershme në tregun audioviziv. Pirateria e zhvlerëson këtë punë, dëmton industrinë dhe pengon investimet në përmbajtje cilësore për publikun”,shkroi Krasniqi./Klankosova.tv

  • Gjendet e pajetë në rezervuar një 82-vjeçare në Shqipëri

    Gjendet e pajetë në rezervuar një 82-vjeçare në Shqipëri

    Gjendet e pajetë në rezervuar një 82-vjeçare në Shqipëri

    Gjendet e pajetë një 82-vjeçare në Bilisht, që sipas të dhënave paraprake, është gjetur e mbytur në një rezervuar në afërsi të qytetit të Bilishtit.

    82-vjeçarja ka shfaqur prej disa kohësh probleme me sklerozën ndërsa mësohet se ka qenë e rënduar edhe psikologjikisht pas vdekjes së bashkëshortit dhe dy djemve të saj.

    Mësohet se e moshuara jetonte me djalin tjetër, dhe ka qenë ai që e ka gjetur në rezervuar të pajetë, shkruan tch, transmeton Klankosova.tv

    Trupi është dërguar në morgun e spitalit të Korçës ndërsa po bëhen veprimet nga ana e policisë për zbardhjen e plotë të rrethanave.

  • Gjendet vetura e të dyshuarit për vrasjen e 29-vjeçarit në Pogragjë të Gjilanit

    Gjendet vetura e të dyshuarit për vrasjen e 29-vjeçarit në Pogragjë të Gjilanit

    Është gjetur vetura e personit që dyshohet se vrau 29-vjeçarin në fshatin Pogragjë të Gjilanit.

    Lajmin e ka konfirmuar për Dukagjinin zëdhënësi i Policisë së Kosovës për rajonin e Gjilanit, Ismet Hashani.

    Vrasja ka ndodhur të dielën mbrëma, ndërsa i dyshuari vazhdon të jetë në arrati.

    Vrasja në Pogragjë të Gjilanit, i dyshuari ende në arrati

    Detaje nga vrasja në Pogragjë të Gjilanit: Sekuestrohen tri armë, 68 fishekë dhe katër gëzhoja

     

    Burimi: Dukagjini

  • Prishtina Hospital prezantohet publikisht: Një projekt i ri shëndetësor po vjen në Prishtina Mall

    Prishtina Hospital prezantohet publikisht: Një projekt i ri shëndetësor po vjen në Prishtina Mall

    Prishtina Hospital është prezantuar sot zyrtarisht për publikun gjatë ceremonisë së nënshkrimit të marrëveshjes me Prishtina Mall, duke shënuar një nga hapat kryesorë drejt realizimit të projektit të ri shëndetësor.

    Punimet për zhvillimin e Prishtina Hospital në hapësirat e Prishtina Mall tashmë kanë nisur, ndërsa projekti synon të krijojë një institucion modern shëndetësor, të fokusuar në cilësinë e kujdesit, standardizimin e proceseve dhe përvojën e pacientit.

    Prishtina Hospital është konceptuar si projekt që do të zhvillohet në faza. Fillimisht, fokusi do të jetë në shërbime të specializuara shëndetësore të mbështetura nga diagnostika e avancuar, radiologjia dhe laboratori, ndërsa në fazat e ardhshme parashihet zgjerimi me departamente të tjera të specializuara dhe zhvillimi i Medical Academy.

    Prishtina Hospital është projektuar që nga fillimi me synimin për të përmbushur standardet e kërkuara për akreditim nga Joint Commission International (JCI), duke e integruar këtë objektiv në projektim, organizimin e proceseve dhe standardet e kujdesit që në fazat e para të zhvillimit.

    CEO i Prishtina Hospital, Armend Vokshi, tha se projekti buron nga nevoja që më shumë shërbime shëndetësore të mund të ofrohen në Kosovë, duke theksuar se qytetarët e Kosovës shpenzojnë rreth 200 milionë euro në vit për trajtime jashtë vendit, ndërsa diaspora kosovare në Evropën Perëndimore numëron mbi 900 mijë njerëz.

    “Synimi ynë është i qartë: që Prishtina Hospital të bëhet një nga arsyet pse pacienti zgjedh të trajtohet në Kosovë”, tha Vokshi.

    Në themel të konceptit të Prishtina Hospital është bashkimi i eksperiencës së Advanced Dental Center dhe Ozone Group. Fisnik Mekaj ka theksuar se projekti është paraprirë nga rreth dy vite studimi të fizibilitetit dhe standardizimit, ndërsa përvoja e dy klinikave synon të bashkohet në një institucion më të madh shëndetësor.

    Valmira Xani-Mulaj, nga Ozone Group, e vendosi theksin te potenciali i Kosovës për të tërhequr pacientë ndërkombëtarë, duke argumentuar se profesionalizmi, cilësia dhe përvoja e pacientit mund ta pozicionojnë vendin edhe si destinacion shëndetësor

    Partneriteti me Prishtina Mall i jep projektit edhe një dimension rajonal. CEO i Prishtina Mall, Álvaro Costa, tha se lokacioni, qasja dhe infrastruktura e destinacionit krijojnë kushte që Prishtina Hospital t’u shërbejë jo vetëm pacientëve nga Kosova, por potencialisht edhe atyre nga rajoni.

    “Ne e kemi parë gjithmonë Prishtina Mall si destinacion rajonal dhe besojmë se Prishtina Hospital e ka të njëjtin potencial”, tha Costa.

    Kryetari i Bordit të Prishtina Mall, Mustafë Borovci, theksoi dimensionin ekonomik të projektit, duke vlerësuar se investime të këtij lloji mund të krijojnë vende të reja pune, të nxisin bashkëpunime dhe të rrisin besimin për investime të reja në Kosovë.

    Sipas tij, zhvillimi i shërbimeve shëndetësore me standarde konkurruese krijon gjithashtu potencial që Kosova në të ardhmen të tërheqë pacientë edhe nga rajoni.

    Prishtina Hospital synon të ndërtojë një model ku teknologjia moderne të shoqërohet me protokolle, standarde dhe organizim të kujdesit, duke krijuar kushte profesionale si për pacientët ashtu edhe për personelin mjekësor.

    Ceremonia e 12 tetorit shënon prezantimin e parë publik të Prishtina Hospital dhe fillimin e një faze të re të realizimit të projektit.

    Burimi: Dukagjini

  • Gjendet e pajetë në rezervuar një 82-vjeçare në Shqipëri

    Gjendet e pajetë në rezervuar një 82-vjeçare në Bilisht

    Gjendet e pajetë në rezervuar një 82-vjeçare në Shqipëri

    Gjendet e pajetë një 82-vjeçare në Bilisht, që sipas të dhënave paraprake, është gjetur e mbytur në një rezervuar në afërsi të qytetit të Bilishtit.

    82-vjeçarja ka shfaqur prej disa kohësh probleme me sklerozën ndërsa mësohet se ka qenë e rënduar edhe psikologjikisht pas vdekjes së bashkëshortit dhe dy djemve të saj.

    Mësohet se e moshuara jetonte me djalin tjetër, dhe ka qenë ai që e ka gjetur në rezervuar të pajetë, shkruan tch, transmeton Klankosova.tv

    Trupi është dërguar në morgun e spitalit të Korçës ndërsa po bëhen veprimet nga ana e policisë për zbardhjen e plotë të rrethanave.

  • “Shqipëria mike e vërtetë e Izraelit”, Sa’ar: Rama një lideri i jashtëzakonshëm, ka admirimin tim

    “Shqipëria mike e vërtetë e Izraelit”, Sa’ar: Rama një lideri i jashtëzakonshëm, ka admirimin tim

    “Shqipëria mike e vërtetë e Izraelit”, Sa’ar: Rama një lideri i jashtëzakonshëm, ka admirimin tim

    Ministri i Jashtëm i Izraelit, Gideon Sa’ar, ka shprehur mirënjohje për Shqipërinë për mbështetjen dhe qëndrimin e saj kundër terrorizmit, antisemitizmit dhe Iranit.

    Këto deklarata ai i ka bërë gjatë vizitës në Tiranë, me ç’rast në konferencën e përbashkët për media me ministrin për Evropën dhe Punët e Jashtme, Ferit Hoxha, ai ka thënë se Izraeli nuk do ta harrojë kurrë atë që ka bërë Shqipëria.

    Shqipërinë, kryediplomati izraelit, e ka vlerësuar si një mike të vërtetë.  

    “Shqipëria është një mike e vërtetë e Izraelit. Me zgjedhjet që do të zhvillohen në Izrael nuk është momenti më i lehtë për të udhëtuar, por ishte e rëndësishme të gjeja kohën për të vizituar Shqipërinë. Nuk do ta harrojmë kurrë atë që bëri Shqipëria. Shohim sot të njëjtën qasje morale pas masakrës së 7 tetorit”, ka thënë ai.

    Ai ka shprehur admirimin për kreun e qeverisë shqiptare, duke vlerësuar qëndrimin e tij ndaj Izraelit.

    “Dua të shpreh admirimin tim të jashtëzakonshëm për kryeministrin Rama, që është, në këndvështrimin tim, një nga udhëheqësit më të jashtëzakonshëm në botën e sotme. Udhëheqja e tij, bindja dhe busulla e palëkundur morale kanë vlerë përtej Ballkanit, përfshirë edhe rajonin tonë. Faleminderit për punën e pareshtur për ta çuar marrëdhënien tonë përpara”, ka thënë ministri izraelit.

    Ai është ndaluar edhe te bashkëpunimi ekonomik mes dy vendeve, duke përmendur rritjen e numrit të turistëve izraelitë që vizitojnë Shqipërinë dhe mundësitë për zgjerimin e mëtejshëm të marrëdhënieve dypalëshe.

    “Numri i vizitorëve izraelitë është rritur në 100 mijë, me shumë shpejtësi dhe në mënyrë të jashtëzakonshme, sepse izraelitët ndihen të sigurt dhe të mirëpritur në Shqipëri. Potenciali për rritje është edhe më domethënës dhe, bazuar në atë që kemi parë, kur vjen turizmi, investimet ndjekin. Duam ta ruajmë këtë moment për të ndërtuar bashkëpunim në energjetikë, ujë, mbrojtje dhe inovacion.”, është shprehur ai.

    Gjithashtu, ministri izraelit ka kujtuar marrëveshjen dypalëshe për shëndetësinë, të nënshkruar një vit më parë, ndërsa ka bërë të ditur se palët synojnë ta zgjerojnë partneritetin me një marrëveshje më të gjerë.

  • Edhe Kokalla të rri në qeli përjetë – çka kërkon familja e Liridonës në ankesën e dorëzuar në Apel

    Edhe Kokalla të rri në qeli përjetë – çka kërkon familja e Liridonës në ankesën e dorëzuar në Apel

    Edhe Kokalla të rri në qeli përjetë – çka kërkon familja e Liridonës në ankesën e dorëzuar në Apel

    Seanca në Gjykatën e Apelit, për rastin e Liridona Ademajt, ku do të shqyrtohen ankesat e palëve është caktuar të zhvillohet më 29 tetor, në orën 09:50.

    Naim Murseli po kërkon ndryshim të vendimit, konkretisht ulje të dënimit, në ankesën prej 30 faqesh, që ishte dorëzuar nga dy avokatët e tij.

    Në ankesë pretendohet se gjykata e shkallës së parë i ka vlerësuar provat në mënyrë të njëanshme dhe selektive, ndërsa mbrojtja ngre pretendime edhe për mënyrën e marrjes në pyetje të Murselit nga policia.

    Në anën tjetër, në Apel është dorëzuar ankesë edhe nga familja Ademaj.

    Përmes avokatit të tyre, ata kërkojnë që përveç Murselit dhe Granit Plavës, edhe i akuzuari Kushtrim Kokalla të frymojë përjetësisht në burg.

    Dënimi prej 30 vjetësh burgim ndaj Kokallës, i shpallur fajtor për ndihmën që ua dha Murselit e Plavës, nga familja e Liridonës po vlerësohen të jenë pak.

    Asnjë nga rrethanat rënduese, siç thuhet në ankesën e dorëzuar, nuk janë vlerësuar në mënyrë të drejtë, përfshirë shkallën e lartë të rrezikshmërisë shoqërore e mënyrën mizore të vrasjes.

    Treshja, sipas gjykatës, funksionuan si grup kur e hartuan planin për vrasjen e Liridona Ademajt më 29 nëntor 2023.

    Kushtrim Kokalla, pasi refuzoi vetë ta kryejë vrasjen, e gjeti Granit Plavën i cili në këmbim të parave, shtiu me armë zjarri në drejtim të Liridona Ademajt.

    Planin këtyre ua kishte bërë bashkëshorti i të ndjerës, Naim Murseli i cili ishte edhe bashkekzekutor i gruas, nga siç thuhet në aktgjykim, mllefi dhe dëshira për hakmarrje për shkak të raporteve të çrregullta dhe përfitimi financiar. /Klankosova.tv

  • Inflacioni në Kosovë arrin në 7.8 për qind në shtator

    Inflacioni në Kosovë arrin në 7.8 për qind në shtator

    Sipas të dhënave të Agjencisë së Statistikave të Kosovës (ASK), çmimet e konsumit në shtator janë rritur për 0.2 për qind edhe në raport me muajin gusht.

    Rritja më e madhe e çmimeve është regjistruar te transporti, me 23.9 për qind, ndërsa shtrenjtim i ndjeshëm është evidentuar edhe te grupi i banimit, ujit, energjisë elektrike, gazit dhe lëndëve të tjera djegëse, me 11.9 për qind.

    Rritje të çmimeve janë regjistruar edhe te pijet alkoolike dhe duhani, me 6.3 për qind, restorantet dhe akomodimi, me 5.2 për qind, si dhe shëndetësia, me 4.5 për qind.

    Ndërkohë, çmimet e mobilieve dhe pajisjeve shtëpiake janë rritur për 3.5 për qind, veshjet dhe këpucët për 3 për qind, ndërsa ushqimet dhe pijet joalkoolike për 2.4 për qind.

    Rritje më të vogla janë shënuar edhe në kategoritë e rekreacionit, sportit dhe kulturës, informacionit dhe komunikimit, si dhe shërbimeve financiare dhe sigurimeve.

    E vetmja kategori që ka shënuar rënie të çmimeve është ajo e shërbimeve arsimore, me 0.3 për qind.

    Të dhënat e ASK-së tregojnë se presioni i çmimeve vazhdon të ndihet në ekonominë familjare, veçanërisht për shkak të shtrenjtimit të transportit dhe shpenzimeve për banim e energji.

    Burimi: RTKLive