Category: Lajme

  • Vrasja në Suharekë, 60-vjeçari u qëllua në një qendër tregtare në sy të gruas dhe vajzës së mitur

    Vrasja në Suharekë, 60-vjeçari u qëllua në një qendër tregtare në sy të gruas dhe vajzës së mitur

    Prokuroria Themelore në Prizren – Departamenti për Krime të Rënda, informon opinionin publik se sot, me datë 18.11.2026 rreth orës 12:03 min në Suharekë, ka ndodhur një rast i vrasjes së rëndë.

    Sipas një njoftimi për media bëhet e ditur se pas pranimit të informatës, menjëherë në vendin e ngjarjes kanë dalë prokurori kujdestar nga Departamenti për Krime të Rënda, së bashku me njësitet relevante të Policisë së Kosovës dhe ekipet e krim-teknikës me qëllim të zhvillimit dhe përfundimit të procedurave hetimore në vendin e ngjarjes.

    “Me urdhër të prokurorit, trupi i viktimës është dërguar për obduksion në IML”, thuhet në njoftim.

    Ndërkaq, siç thuhet në njoftim, bazuar në të dhënat fillestare të hetimit, i dyshuari Rr.H., dyshohet se, pas një mosmarrëveshjeje të çastit dhe në prani të bashkëshortes dhe vajzës së mitur të viktimës, ka privuar nga jeta personin me inicialet S.D., duke qëlluar me armë zjarri në parkingun e një qendre tregtare në Suharekë.

    “Me vendim të prokurorit të shtetit, i dyshuari Rr.H., është ndaluar për 48 orë, për shkak të dyshimit të bazuar se ka kryer veprat penale “Vrasja e rëndë” nga neni 173 dhe ‘Mbajtja në pronësi, kontroll ose posedim të paautorizuar të armëve’ nga neni 366, sipas Kodit Penal të Republikës së Kosovës. Brenda afatit ligjor, Prokuroria do të parashtrojë kërkesë për caktimin e masës së paraburgimit ndaj të dyshuarit”, thuhet në njoftim.

    Prokuroria Themelore në Prizren, në bashkëpunim me Policinë e Kosovës, është duke vazhduar hetimet intensive për zbardhjen e motiveve dhe rrethanave të plota të kësaj ngjarjeje. /Telegrafi/

  • FSSH: Nuk ka përjashtim manual të punonjësve të MPB-së, po kërkohet zgjidhje sistematike

    FSSH: Nuk ka përjashtim manual të punonjësve të MPB-së, po kërkohet zgjidhje sistematike

    Fondi për sigurim shëndetësor lidhur me gjendjen me sigurimin shëndetësor në MPB kumtoi se statusi i sigurimit shëndetësor konstatohet përmes sistemit të automatizuar, në bazë të të dhënave për paraqitjet dhe kontributet e paguara, të cilat në mënyrë elektronike merren nga Drejtoria për të ardhura publike.

    Nga Fondi theksojnë se nuk bëjnë përjashtimin manual të të siguruarve, as nuk sjellin vendime individuale për ndërprerje të sigurimit të tyre dhe se bëhet fjalë për mekanizëm të vendosur sistematik i cili njejtë zbatohet për të gjitha subjektet juridike, përfshirë edhe për institucionet shtetërore.

    “Për momentin po punohet intensivisht në tejkalimin e gjendjes aktuale me sigurimin shëndetësor të të punësuarve në MPB, si dhe në gjetjen e zgjidhjes së përhershme sistematike me të cilën do të parandalohet përsëritja e situatave të këtilla. Gjendja është e lidhur me paraqitjen shtesë të të punësuarve për periudhln e kaluar, në bazë të vendimeve gjyqësore, me ç’rast nevojitet harmonizim adekuat i përllogaritjeve dhe pagesës së kontributeve. Me gjendjen e këtillë në të kaluarën është përballur edhe vetë Fondi, që konfirmon se nuk bëhet fjalë për procedurë të kahëzuar drejt një institucioni të caktuar apo kategorie të të punësuarve, informojnë nga Fondi dhe shtojnë se me nismë të tyre tashmë është formuar grupi ndërinstitucional i punës, në të cilin marrin pjesë përfaqësues të institucioneve kompetente dhe deri më tani janë mbajtur disa takime pune, në të cilat po shqyrtohen zgjidhjet konkrete për tejkalimin e shjaqeve që çojnë drejt gjendjeve të tilla”, thonë nga FSSH.

  • ​Zvicra zbulon fjalëkalimin më të përdorur, nuk është më “123456”

    ​Zvicra zbulon fjalëkalimin më të përdorur, nuk është më “123456”

    Fjalëkalimi më i përdorur në Zvicër nuk është më kombinimi i famshëm “123456”. Sipas një studimi të publikuar nga kompania NordPass, vendin e parë në listë e ka zënë fjala “dominaria”, duke lënë pas kombinimet tradicionale numerike.

    Studimi, i realizuar në bashkëpunim me studiues të sigurisë kibernetike, ka analizuar të dhënat e fjalëkalimeve të ekspozuara në rrjedhjet e informacionit gjatë periudhës shtator 2024 – shtator 2025.

    Në dhjetëshen e fjalëkalimeve më të përdorura në Zvicër renditen: “dominaria”, “admin”, “purzi123”, “Divinorum88”, “123456”, “chocolat36”, “1a2s3d4f5g6h”, “password”, “123456789” dhe “pascal87”, shkruan Watson, transmeton Telegrafi.

    Ajo që bie në sy është fakti se edhe në një shtet me nivel të lartë të digjitalizimit, shumë përdorues vazhdojnë të zgjedhin fjalëkalime të lehta për t’u parashikuar.

    Kjo i ekspozon llogaritë e tyre ndaj rrezikut të sulmeve kibernetike.

    Ekspertët rekomandojnë përdorimin e fjalëkalimeve të gjata dhe të ndryshme për secilën llogari, si dhe aktivizimin e verifikimit me dy faktorë për të rritur sigurinë në internet./Telegrafi/

  • Liria kampione vjeshtore në Ligën e Parë, skuadra e Ismet Munishit po marshon drejt elitës

    Liria kampione vjeshtore në Ligën e Parë, skuadra e Ismet Munishit po marshon drejt elitës

    Liria e Prizrenit është zyrtarisht kampione vjeshtore në Ligën e Parë të Kosovës, pasi ka fituar me rezultat 2-1 në udhëtim ndaj Mitrovicës, në ndeshjen e mbetur të javës së tetë.

    Prizrenasit siguruan tri pikë të rëndësishme në një përballje që u vendos në minutat e fundit. Fitim Susuri e kaloi Lirinë në epërsi në minutën e 39-të, ndërsa Rasheed Salami barazoi shifrat në fillim të pjesës së dytë.

    Kur ndeshja po shkonte drejt fundit, Neki Likaj shënoi golin e fitores në minutën e 80-të, duke i dhënë Lirisë tri pikë që vulosën pozitën e saj në krye të tabelës.

    Pas 16 ndeshjeve të zhvilluara, Liria kryeson me 39 pikë, gjashtë më shumë se Prishtina e Re, që ka 33. Në vendin e tretë renditet Ferizaj me 30 pikë.

    Deri në përfundim të stinorit vjeshtor ka mbetur edhe një xhiro. Liria do të përballet me Rilindjen 1974, ndërsa Prishtina e Re do të luajë në udhëtim te Ferizaj. Kjo përballje mes dy ndjekësve të saj mund t’i japë Lirisë mundësinë për ta thelluar edhe më shumë epërsinë në krye të tabelës.

    Liria, një skuadër e konsoliduar nën drejtimin e Munishit

    Liria po zhvillon një sezon shumë të mirë dhe duket se kryesia e re, së bashku me shtabin teknik, ka arritur t’i mbulojë boshllëqet e lëna nga edicioni i kaluar.

    Ismet Munishi vendosi të vazhdojë punën në Prizren me një synim të qartë: rikthimin e klubit me traditë në elitën e futbollit kosovar. Deri më tani, rezultatet e kanë dëshmuar se skuadra është në rrugë të mbarë drejt këtij objektivi.

    Në 15 ndeshjet e para të kampionatit, Liria ka regjistruar 11 fitore, tri barazime dhe vetëm një humbje. Prizrenasit kanë shënuar 27 gola dhe kanë pranuar vetëm shtatë, duke pasur mbrojtjen më të mirë të kampionatit.

    Në repartin ofensiv, golashënuesi më i mirë i Lirisë deri më tani është Drin Ymeri me gjashtë gola, i ndjekur nga Fitim Susuri me pesë.

    Me gjashtë pikë epërsi ndaj ndjekësit të parë dhe me një bilanc mbresëlënës, Liria po e mbyll stinorin vjeshtor në pozitën që i takon një skuadre me ambicie të qarta për t’u rikthyer në Superligë. /Telegrafi/

    Standings provided by Sofascore
  • Pse foshnjat fillojnë të zgjohen më shpesh natën? Shkencëtarët kanë një shpjegim interesant

    Pse foshnjat fillojnë të zgjohen më shpesh natën? Shkencëtarët kanë një shpjegim interesant

    Prindërit që kanë vënë re se foshnjat e tyre zgjohen papritur më shpesh gjatë natës, edhe pse kanë pasur një model gjumi mjaft të rregullt, mund të kenë vënë re diçka që lidhet me zhvillimin e tyre.

    Hulumtimet e reja sugjerojnë se ndryshimet në gjumë mund të ndodhin pikërisht gjatë periudhave kur foshnjat po mësojnë aftësi të reja, të tilla si zvarritja, ecja dhe të folurit.

    Studimi, i botuar në revistën Developmental Psychobiology, shqyrtoi lidhjen midis gjumit dhe zhvillimit të aftësive të reja gjatë vitit të parë të jetës. Shkencëtarët Mali Waugh dhe Sarah E. Berger analizuan të dhënat e mbledhura nga më shumë se 200 foshnje të moshës pesë deri në 12 muaj.

    Prindërit monitoruan modelet e gjumit të foshnjave të tyre duke përdorur pajisje të posaçme, ndërkohë që vunë re edhe kur fëmijët e tyre filluan të tregonin aftësi të reja. Studiuesit më pas krahasuan të dhënat e gjumit me periudhat në të cilat ndodhën disa momente zhvillimore.

    Zgjimet më të shpeshta shoqërohen me përvetësimin e aftësive të reja

    Rezultatet treguan se ndryshimet në gjumë shpesh përkonin me zhvillimin e aftësive të reja. Kjo vlente për aftësitë motorike, siç janë përpjekjet e para për zvarritje dhe ecje, por edhe për zhvillimin e të folurit.

    Ndër ndryshimet e vëzhguara ishin gumëzhitja, belbëzimi, krijimi i kombinimeve të reja tingujsh, shqiptimi i fjalëve të para dhe emërtimi i objekteve. Me fjalë të tjera, periudhat në të cilat foshnjat po fitojnë intensivisht aftësi të reja mund të shoqërohen edhe me netë më të trazuara.

    Është interesante se ndryshimet më të theksuara në gjumë u vunë re në periudhën nga një javë para deri në një javë pas shfaqjes së një aftësie të re. Kjo sugjeron që modelet e gjumit mund të ndryshojnë edhe para se prindërit të vënë re se foshnja e tyre ka zotëruar një aftësi të re.

    Çfarë ndodh në trurin e një foshnje gjatë gjumit?

    Shkencëtarët besojnë se këto ndryshime mund të lidhen me proceset intensive që ndodhin në tru gjatë zhvillimit. Konkretisht, gjumi nuk është vetëm një mjet pushimi, por është gjithashtu i rëndësishëm për përpunimin e informacionit dhe konsolidimin e njohurive dhe aftësive të reja.

    Gjatë gjumit, truri përpunon përvojat dhe informacionin e mbledhur gjatë ditës, të cilat mund të kontribuojnë në zhvillimin e aftësive motorike dhe gjuhësore. Edhe pse lidhja midis gjumit dhe përvetësimit të aftësive motorike ka qenë tashmë objekt i hulumtimeve të mëparshme, ky studim sjell gjithashtu njohuri të reja mbi lidhjen e mundshme midis gjumit dhe zhvillimit të të folurit tek foshnjat.

    Megjithatë, studiuesit paralajmërojnë se ende nuk është e mundur të shpjegohet me siguri pse ndodhin këto ndryshime. Studimi gjeti një lidhje midis fitimit të aftësive të reja dhe ndryshimeve në gjumë, por nuk vërtetoi se zhvillimi i një aftësie shkakton drejtpërdrejt zgjime më të shpeshta.

  • Si ndikon ndalimi i telefonave celularë në shkolla në suksesin e nxënësve?

    Si ndikon ndalimi i telefonave celularë në shkolla në suksesin e nxënësve?

    Një studim i ri amerikan ka konfirmuar se ndalimi i telefonave celularë në shkolla përmirëson performancën e nxënësve.

    Shkencëtarët tani duan të hetojnë se si përdorimi i telefonave celularë jashtë orës së mësimit ndikon në të nxënë, dhe të dhënat nga marrëveshja multimiliardë dollarëshe e Metës në fillim të këtij viti mund t’i ndihmojnë ata, raporton The Verge .

    Efekti i ndalimit është si dy javë shkollë

    Ndalimi i telefonave celularë në shkolla ka efektin e shtimit të një deri në dy javë mësimi në vitin shkollor. Kjo përbën rreth gjysmën e vonesës në të nxënë të vërejtur te nxënësit amerikanë midis vitit 2013 dhe pandemisë covid-19.

    Kjo u tregua nga rezultatet e një studimi të kryer nga studiues të Universitetit të Harvardit dhe Kolegjit Dartmouth në bashkëpunim me grupin akademik NWEA. Të dhënat u analizuan mbi të dhënat e testimit nga 3.3 milion studentë nga 4,600 shkolla midis viteve shkollore 2021/22 dhe 2025/26, duke përfshirë shkollat me dhe pa ndalim.

    Tom Kane, drejtor i Qendrës për Kërkime në Politikat Arsimore në Harvard, thotë se është një ndryshim modest, por efekti ishte pikërisht ai që pritej.

    Të dhëna më të sakta për secilin student

    Hulumtimet e mëparshme mbi ndalimin e telefonave celularë në shkolla kanë treguar gjithashtu një ndikim pozitiv në performancën akademike, por shumë prej tyre janë përqendruar në shkollat jashtë Shteteve të Bashkuara. Një studim i mëparshëm kombëtar në SHBA analizoi arritjet bazuar në mesataret e shkollës, ndryshe nga ky studim i cili bazohet në të dhëna për secilin nxënës individual.

    Studiuesit vunë re se kjo qasje u lejoi atyre të kontrollonin më mirë faktorë të ndryshëm. Përveç kësaj, ata ishin në gjendje të vëzhgonin se si ndalimi ndikoi te studentët me performancën më të lartë dhe më të ulët.

    Përveçse ofrojnë një pasqyrë të ndikimit të teknologjisë së re në të nxënë, rezultatet e hulumtimit tregojnë gjithashtu se ndalimet e telefonave celularë janë një mënyrë me kosto efektive për të përmirësuar arritjet e nxënësve. /Telegrafi/

  • Nuk po gjen hapësira te Real Madridi, tri klube të mëdha kërkojnë transferimin e Endrick

    Nuk po gjen hapësira te Real Madridi, tri klube të mëdha kërkojnë transferimin e Endrick

    Endrick po shqyrton mundësitë për të ardhmen e tij në prag të hapjes së afatit kalimtar të janarit, pasi pasiguria rreth rolit të tij te Real Madridi po rritet, ndonëse ende nuk është marrë ndonjë vendim përfundimtar për largimin.

    Sipas gazetës spanjolle AS, sulmuesi brazilian dëshiron të gjejë një skuadër ku do të kishte më shumë minuta në dispozicion, pasi deri më tani ka pasur shumë pak hapësirë te madrilenët.

    Në 16 ndeshjet e para të sezonit, Endrick ka regjistruar vetëm 140 minuta në shtatë paraqitje, duke e nisur vetëm një ndeshje si titullar. Kjo situatë ka bërë që ai të shqyrtojë mundësinë e largimit në formë huazimi gjatë janarit.

    Në garë për shërbimet e tij janë Roma, Milan dhe Sporting Lisbona, me klubin portugez që tashmë ka bërë një lëvizje konkrete për ta transferuar.

    Megjithatë, situata është më e ndërlikuar për shkak të dëshirës së trajnerit Jose Mourinho, i cili preferon ta mbajë brazilianin në skuadër. Kështu, ekziston një dallim mes dëshirës së futbollistit për të luajtur më shumë dhe planeve të trajnerit për përbërjen e ekipit.

    Interesant është fakti se Endrick kishte refuzuar një huazim te Roma gjatë verës së kaluar, pasi Mourinho e kishte kontaktuar personalisht për ta bindur të qëndronte.

    Duke folur pas një paraqitjeje me kombëtaren e Brazilit, sulmuesi la të kuptohej se vendimi për të ardhmen e tij nuk është në duart e tij.

    “Vendimi i takon Mourinhos. Unë jam gjithmonë i gatshëm për ta ndihmuar Real Madridin, klubin më të madh në botë. Shpresoj ta kaloj gjithë jetën time aty, duke ndihmuar Realin dhe bashkëlojtarët e mi”, kishte deklaruar Endrick.

    Roma vazhdon të jetë e interesuar për brazilianin, pasi ishte shumë pranë transferimit të tij edhe në afatin kalimtar të verës, ndërsa Milani është lidhur me një ofertë të mundshme prej rreth 60 milionë eurosh.

    Në anën tjetër, Sporting Lisbona ka një avantazh të veçantë, pasi trajneri Paulo Fonseca ka punuar më parë me Endrickun gjatë periudhës së huazimit të tij te Lyoni./Telegrafi/

  • Nesër Kuvendi mban dy seanca, në të parën trajtohet Ligji për Specialen

    Nesër Kuvendi mban dy seanca, në të parën trajtohet Ligji për Specialen

    Nesër Kuvendi mban dy seanca, në të parën trajtohet Ligji për Specialen

    Kuvendi i Kosovës ka njoftuar se nesër do të mbajë dy seanca plenare, ku pritet të trajtohen çmime, energjia, buxheti dhe çështje të tjera të rëndësishme për vendin.

    Seanca e parë do të nisë në ora 10:00 dhe në fokus do të ketë votimin e disa propozim-rezolutave, si dhe rishqyrtimin e dekretit të Presidentes për Dhomat e Specializuara.

    Pikat kryesore të seancës së parë:

    Votimi i Propozim-Rezolutës nga interpelanca me ministrin e Shëndetësisë, Arben Vitia, lidhur me vdekjen e pacientes me kancer të gjiri që mbeti katër muaj pa terapi dhe mungesën e barnave onkologjike.

    Votimi i Propozim-Rezolutës nga mocioni përmbajtësor mbi gjendjen në planifikimin, çmimin dhe furnizimin me energji elektrike në Kosovë.

    Rishqyrtimi i Ligjit për ndryshimin dhe plotësimin e Ligjit për Dhomat e Specializuara dhe Zyrën e Prokurorit të Specializuar, i rikthyer nga Presidentja e Republikës së Kosovës.

    Ndërkaq, seanca e dytë është paraparë të nisë nga ora 11:00, ku në rend dite figurojnë gjithsej 12 pika, përfshirë shqyrtimin e parë të Projektligjit për buxhetin e vitit 2027.

    Rendi i plotë i ditës për seancën e dytë:

    Miratimi i procesverbalit nga seanca e mëparshme;

    Deklarimet jashtë rendit të ditës;

    Pyetjet parlamentare;

    Shqyrtimi i Vendimit të Qeverisë për masat e emergjencës për furnizimin e energjisë;

    Shqyrtimi i parë i Projektligjit mbi ndarjet buxhetore për Buxhetin e Republikës së Kosovës për vitin 2027;

    Shqyrtimi i parë i Projektligjit për Efiçiencë të Energjisë;

    Shqyrtimi i parë i Projektligjit për Inspektoratin Qendror të Trashëgimisë Kulturore;

    Procedimi i nismave legjislative të qytetarëve;

    Emërimi i anëtarëve të Këshillit Kombëtar të Shkencës;

    Zgjedhja e anëtarëve të rinj në Bordin e Radiotelevizionit të Kosovës (RTK);

    Rekomandimi për shkarkimin e katër anëtarëve të Këshillit të Pavarur Mbikëqyrës për Shërbimin Civil të Kosovës;

    Propozimi i Grupit Parlamentar të LDK-së për zëvendësimin e anëtarit në Komisionin Parlamentar Hetimor lidhur me rastet e dhunës dhe vrasjes së Arlinda Zekajt.

    Sinjali – aty ku e vërteta flet para lajmit!

    /GazetaSinjali/

    Burimi: Sinjali

  • Tomorrow the Assembly holds two sessions, the first receiving Special Law

    The Kosovo Assembly has announced that tomorrow it will hold two plenary sessions, where prices, energy, budget and other important issues for the country are expected to be addressed.

    The first session will begin at 10:00 and will focus on voting several draft resolutions, as well as reviewing the President’s decree for Specialised Chambers.

    First session highlights:

    Proposal resolution vote by interference with Health Minister Arben Vitita, over the death of the breast cancer patient who remained four months without therapy and lack of oncological drugs.

    Proposal resolution vote by the containive motion on the situation in Kosovo’s planning, price and electricity supply.

    Reviewing the Law on Changes and Fulfilling the Law for Specialised Chambers and the Specialised Prosecutor’s Office, restored by the president of the Republic of Kosovo.

    Meanwhile, the second session is scheduled to start at 11: 00 a.m., where a total of 12 points are in order, including the first review of the 2027 Bill’s budget.

    Full agenda for second session:

    Adoption of the chip from previous session;

    Declarations off the agenda;

    Parliamentary Questions;

    A review of the Government’s decision on emergency energy supply measures;

    The draft’s first review on budgetary divisions for the Kosovo Republic budget for 2027;

    First review of the Energy Efficiency Bill;

    First review of the Bill for Central Cultural Heritage Inspectorate;

    Processing legislative initiatives of citizens;

    Name of members of the National Council of Science;

    Selecting new members at Kosovo Radio Television Board ( RTK);

    The recommendation for the dismissal of four members of the Independent Council overseer for the Kosovo Civil Service;

    The LDK Parliamentary Group’s proposal for the replacement of a member of the Parliamentary Criminal Commission concerning cases of violence and the murder of Arlinda Zekij.

    The signal where the truth speaks before the news!

    /Gazeta Sinjali/

    Source Layer: Signal

  • Shqipe Mehmeti-Selimi: Jemi pranë Sevdije Krasniqit në këto kohë të vështira

    Shqipe Mehmeti-Selimi: Jemi pranë Sevdije Krasniqit në këto kohë të vështira

    Shqipe Mehmeti-Selimi: Jemi pranë Sevdije Krasniqit në këto kohë të vështira

    Deputetja e Kuvendit të Kosovës, Shqipe Mehmeti-Selimi, ka shprehur mbështetjen e saj për familjen e Jakup Krasniqit, në veçanti për bashkëshorten e tij, Sevdije Krasniqin, e cila, sipas raportimeve, po përballet me probleme shëndetësore.

    Përmes një postimi, Mehmeti-Selimi ka thënë se në këto ditë të vështira janë më pranë se kurrë zonjës Sevdije dhe Jakup Krasniqit.

    Ajo i ka uruar Sevdije Krasniqit shërim të shpejtë dhe shëndet të plotë, duke theksuar se forca dhe qëndresa janë tipare të saj të përhershme.

    “Sot, më shumë se çdo herë më parë, jemi pranë dhe në mbështetje të zonjës Sevdije dhe bacës Jakup, në këto kohë të vështira për ta dhe për të gjithë familjen Krasniqi.

    Zonjës Sevdije i urojmë shërim të shpejtë dhe shëndet të plotë.

    Forca dhe qëndresa janë tipare të përhershme të saj”, ka shkruar ajo.

    Burimi: Insajderi