Category: Lajme

  • Teuta Arifi pas seancës gjyqësore: Nuk kam bërë asnjë gabim me tendencë, kam ndihmuar qytetarët

    Teuta Arifi pas seancës gjyqësore: Nuk kam bërë asnjë gabim me tendencë, kam ndihmuar qytetarët

    Ish-kryetarja e Komunës së Tetovës, Tetuta Arifi sot pas mbarimit të seancës gjyqësore, ku ajo është kallëzuar për keqpërdorim të mjeteve publike, tha se nuk ka gabuar askund.

    Ajo tha se është e ulur që qytetarët që kanë punuar të tërhiqen nëpër gjykata.

    “Është një kallëzim penal nga ana e kryetarit aktual të Komunës së Tetovës. E patë edhe vetë brenda, çdo dëshmitarë tregoj se ka qenë në vendin e punës dhe është shumë e ulur, shumë njerëzore, që qytetarët e këtij qyteti që kanë bërë punë çfarëdo pune, të tërhiqen nëpër gjykata.

    Unë kam bërë asnjë gabim me tendencë, kam tentuar që çdoherë të jem ndihmesë e qytetarit tim. Do ta ndiqni procesin dhe besoj se autoritetet gjyqësore do ta kenë autoritetin të vendos ashtu siç duhet, duke respektuar autoritetin e çdo qytetari”, tha Arifi./Telegrafi/

  • United Hospital sjell paketa speciale për muajin e ndërgjegjësimit për kancerin e lukthit

    United Hospital sjell paketa speciale për muajin e ndërgjegjësimit për kancerin e lukthit

    Kujdesi për shëndetin e sistemit tretës fillon me kontrolle në kohë. Në kuadër të muajit të ndërgjegjësimit për kancerin e lukthit, United Hospital ka prezantuar tri paketa promocionale, duke u mundësuar pacientëve qasje në shërbime të specializuara gastroenterologjike dhe diagnostikuese.

    Për të gjithë ata që dëshirojnë të kujdesen më shumë për shëndetin e tyre, paketat përfshijnë:

    • Pako e kontrollit gastroenterologjik – 30€: Vizitë specialistike dhe ekografi e barkut.
    • Pako gastroenterologjike me analiza laboratorike – 49€: Vizitë specialistike, ekografi e barkut, hemogram, profil i mëlçisë (ALT, AST, ALP, GGT, bilirubina), profil lipidik dhe glikemi.
    • Gastroskopi me sedacion – 140€: Ekzaminim endoskopik i lukthit me sedacion për më shumë rehati gjatë procedurës.

    Kanceri i lukthit – një sëmundje që mund të zhvillohet në heshtje

    Kanceri i lukthit shpesh nuk shfaq simptoma të dukshme në fazat e hershme. Megjithatë, dhimbjet në pjesën e sipërme të barkut, fryrja, ndjenja e ngopjes së shpejtë, humbja e oreksit, humbja e pashpjegueshme e peshës dhe lodhja e vazhdueshme janë shenja që nuk duhen neglizhuar.

    Një nga faktorët e rëndësishëm të rrezikut është infeksioni me bakterin Helicobacter pylori (H. pylori), i cili mund të shkaktojë inflamacion kronik të lukthit dhe të rrisë rrezikun për zhvillimin e kancerit të stomakut.

    Diagnostikimi në kohë bën diferencën

    Gastroskopia është një nga metodat kryesore për ekzaminimin e drejtpërdrejtë të lukthit. Përmes saj, mjekët mund të identifikojnë ndryshimet në mukozën e lukthit dhe, nëse është e nevojshme, të marrin biopsi për analiza të mëtejshme. Gjithashtu, testet për zbulimin e H. pylori ndihmojnë në identifikimin dhe trajtimin e këtij infeksioni.

    Në United Hospital, pacientët kanë mundësi të përfitojnë nga shërbime të specializuara gastroenterologjike dhe metoda moderne diagnostikuese.

    Mos i neglizhoni sinjalet e trupit tuaj. Kontrolli në kohë është një hap i rëndësishëm drejt mbrojtjes së shëndetit.

    Tel: 046 60 70 70

    Email: info@united-hospital.com

    Adresa: UNITED HOSPITAL, M2, Ferizaj Km7, Prishtina 10500

    Facebook: united.hospital.prishtine

    Instagram: united_hospital_prishtine

    TikTok: united.hospital.pr

    Web: www.united-hospital.com

  • Renault do të krijojë 2,000 vende pune në Francë, ndërsa do të shkurtojë 1,000 të tjera - deri në vitin 2028

    Renault do të krijojë 2,000 vende pune në Francë, ndërsa do të shkurtojë 1,000 të tjera – deri në vitin 2028

    Prodhuesi francez i automjeteve, Renault, njoftoi të hënën planet për të krijuar 2,000 vende pune deri në vitin 2028 – kryesisht në sektorin e prodhimit – ndërsa do të shkurtojë 1,000 pozicione, kryesisht administrative, në përpjekje për t’iu bërë ballë konkurrencës së ashpër nga Kina.

    Kompania u prezantoi sindikatave projektin e saj “France Industrie FutuREady”, i cili synon të transformojë aktivitetet industriale për t’iu përgjigjur sfidës në rritje që prodhuesit kinezë të automjeteve u paraqesin prodhuesve evropianë.

    Riorganizimi do të përfshijë krijimin e 2,000 vendeve të reja të punës gjatë dy viteve, kryesisht pozicione në sektorin e prodhimit (punëtorë krahu), tha Thierry Charvet, kreu i departamentit të cilësisë, prodhimit dhe zinxhirit të furnizimit, gjatë një bisede me gazetarët.

    Renault ka rreth 15,000 vende pune industriale në Francë.

    Plani parashikon punësimin e 1,650 operatorëve dhe punëtorëve të prodhimit në fabrikat e kompanisë, si dhe 250 punonjësve në funksione mbështetëse (indirekte) dhe 100 të diplomuarve të rinj.

    Renault njoftoi gjithashtu largimin vullnetar të 1,000 punonjësve në funksione administrative dhe mbështetëse, sipas një skeme që mbetet ende për t’u negociuar me sindikatat.

    Disa pozicione që konsiderohen strategjike do të ruhen, përfshirë ato në inxhinierinë e baterive, elektronikën dhe softuerin, sistemet e motorizimit elektrik dhe mirëmbajtjen industriale.

    Në muajin shtator, kompania njoftoi se do të investojë 600 milionë euro (660 milionë dollarë) në Spanjë deri në vitin 2030, për prodhimin e pesë modeleve të reja. /Telegrafi/

  • Pianisti robot me 53 gishta “sfidon” muzikantin Roberto Prosseda në Itali

    Pianisti robot me 53 gishta “sfidon” muzikantin Roberto Prosseda në Itali

    Në Itali, më 12 nëntor 2026, në Prato të Toskanës, një pianist robotik me 53 gishta u përball me pianistin Roberto Prosseda.

    Të dy interpretuan vepra të Chopin-it, duke luajtur me radhë e më pas së bashku.

    TeoTronico interpretoi gjithashtu vepra të Mozart-it dhe jo vetëm, duke spikatur për saktësinë dhe kohëzgjatjen e tij të përkryer.

    Megjithatë, Prosseda theksoi se përsosmëria teknike nuk mund të zëvendësojë emocionin dhe lidhjen njerëzore, të cilat qëndrojnë në thelbin e muzikës.

    – YouTube www.youtube.com

    I krijuar në vitin 2008 nga inxhinieri italian Matteo Suzzi, TeoTronico përdor elektromagnete dhe komanda kompjuterike për të luajtur në piano.

    Falë integrimit me chatbot-in Gemini të Google-it, ai është gjithashtu në gjendje të zhvillojë biseda. /Telegrafi/

  • Robot painter, 53 fingers, R.O., Roberto Proseda musician in Italy

    In Italy on November 12, 2026, in Prato, Tuscana, a robot pianist with 53 fingers faced pianist Roberto Proseda.

    Both performed Choppin works, playing in line and then together.

    TheoTronico also performed Mozart works and not only, noting its perfect accuracy and duration.

    However, Proseda stressed that technical perfection cannot replace human emotion and bond, which remain at the core of music.

    YouTube www.youtube.com

    Created in 2008 by Italian engineer Matteo Suzzi, TeoTronico uses electromagnets and computer command to play the piano.

    Thanks to Google’s Gazbot integration, he’s also able to hold conversations. /Telegraphy/

  • Studimi: Konsumi i rregullt i kafes ndikon në funksionimin e sistemit tretës

    Studimi: Konsumi i rregullt i kafes ndikon në funksionimin e sistemit tretës

    Studimi: Konsumi i rregullt i kafes ndikon në funksionimin e sistemit tretës

    Konsumimi i rregullt i kafesë mund të ndikojë në funksionimin e sistemit tretës, duke nxitur lëvizjet e zorrëve dhe duke ndikuar në përbërjen e baktereve të tyre. Ky është rezultati i një studimi të Universitetit të Kopenhagës.

    Në studim morën pjesë 61 të rritur të shëndetshëm në Danimarkë. Studiuesit përdorën një kapsulë të vogël elektronike, të cilën pjesëmarrësit e gëlltitën për të monitoruar proceset në aparatin tretës.

    Rezultatet treguan se personat që konsumonin nga 1 deri në 5 filxhanë kafe në ditë kishin një diversitet më të madh të mikroorganizmave në zorrë. Gjithashtu, ata paraqisnin aciditet më të ulët në zorrën e hollë dhe më shumë kontraktime të kolonit, lëvizje që ndihmojnë në kalimin e mbetjeve dhe mund të parandalojnë kapsllëkun.

    Megjithatë, studiuesit theksojnë se nuk është provuar ende se kafeja është shkaku i drejtpërdrejtë i këtyre ndryshimeve. Nevojiten studime të mëtejshme për të kuptuar ndikimin e saj në shëndetin e sistemit tretës.

    Burimi: Insajderi

  • Study: Regular coffee consumption affects digestive system function

    Regular coffee consumption can affect the function of the digestive system by promoting bowel movements and affecting the composition of their bacteria. This is the result of a Copenhagen University study.

    61 healthy adults in Denmark attended the study. Researchers used a small electronic capsule that participants swallowed to monitor the processes in the digestive tract.

    The results showed that people who consumed between 1 and 5 cups of coffee a day had a greater diversity of microorganisms in their guts. They also presented lower acidic acidity in the thin intestine and more colony contractions, movement that helps pass the waste and can prevent constipation.

    However, researchers point out that no coffee has yet been proved to be the direct cause of these changes. Further studies are needed to understand its impact on the health of the digestive system.

    Source Layer: Insander

  • ​Kosova mungon në hartën e një mekanizmi evropian, Krasniqi kërkon sqarime nga zyrtarja e EBU-së

    ​Kosova mungon në hartën e një mekanizmi evropian, Krasniqi kërkon sqarime nga zyrtarja e EBU-së

    Mungesa e Kosovës në hartën e paraqitur gjatë prezantimit të një mekanizmi evropian ka nxitur reagimin e prsidentit të Agjencisë së Lajmeve KosovaPress, Skender Krasniqi, në Forumin e 20-të të Mediave të Evropës Juglindore (SEEMF), që po mbahet në Shkup.

    Gjatë prezantimit të Michelle Roverelli, drejtoreshë për Marrëdhënie me Anëtarët dhe Komunikim në Unionin Evropian të Transmetuesve (EBU), Krasniqi ka ngritur pyetjen se përse Kosova nuk është përfshirë në hartën e paraqitur.

    Në përgjigjen e saj, Roverelli ka thënë se Kosovën e kishte gjetur të përfshirë në mekanizma të tjerë, pa dhënë, sipas informacioneve të disponueshme, një shpjegim më të hollësishëm për mungesën e saj në hartën konkrete.

    Ky diskutim është zhvilluar në kuadër të forumit ndërkombëtar që mbledh përfaqësues të mediave, organizatave ndërkombëtare dhe institucioneve evropiane për të diskutuar të ardhmen e gazetarisë, sigurinë dhe rolin e komunikimit në Evropë.

    Sipas agjendës zyrtare, Roverelli, e cila ushtron funksionin e drejtoreshës për Marrëdhënie me Anëtarët dhe Komunikim në EBU, me seli në Gjenevë, ishte e ftuar të mbante një prezantim kryesor nga ora 11:00 deri në 11:20.

    Ndërkaq, Skender Krasniqi, president i Agjencisë së Lajmeve KosovaPress, ishte përfshirë në agjendën e forumit edhe si një nga pjesëmarrësit në intervistën publike me presidenten e Maqedonisë së Veriut, Gordana Siljanovska-Davkova.

    Forumi i sivjetmë zhvillohet nën moton “Më afër rajonit, më të fortë në Evropë: Roli i komunikimit dhe mediave në forcimin e imazhit, qëndrueshmërisë dhe sigurisë së Evropës”.

    Në programin e konferencës janë përfshirë diskutime për të ardhmen e mediave publike, komunikimin e idesë evropiane në epokën digjitale dhe të inteligjencës artificiale, gazetarinë hulumtuese dhe sigurinë në kohë lufte.

    Aktiviteti organizohet në Shkup më 17 nëntor, ndërsa punëtoritë e forumit janë paraparë të vazhdojnë më 18 dhe 19 nëntor 2026. /Kp/

  • A frikësohet Trump nga dronët iranianë? Ja si iu përgjigj gazetarit

    A frikësohet Trump nga dronët iranianë? Ja si iu përgjigj gazetarit

    Presidenti Donald Trump dha një përgjigje me ton të lehtë e ironik ndaj një gazetari që e pyeti për sulme të mundshme me dronë nga Irani.

    Duke folur për përfaqësues të medias jashtë Shtëpisë së Bardhë të hënën, më 16 nëntor, presidenti iu përgjigj një gazetari i cili pyeti: “A jeni i shqetësuar se dronët iranianë mund t’ju vënë në shënjestër personalisht?”.

    “Unë jam më i shqetësuar për ju”, u përgjigj shpejt Trump. “Sepse nëse më qëllojnë mua, atëherë mbaroni edhe ju”.

    “Bëni kujdes”, shtoi presidenti, duke treguar me gjest distancën e shkurtër mes tij dhe gazetarit.

    Ky moment mes Trumpit dhe gazetarit ndodh vetëm një ditë pasi Irani ndërmori një përpjekje për sulm me dronë kundër një baze ushtarake amerikane në Bahrein – përpjekja e dytë e tillë brenda tre ditësh.

    Irani dërgoi dronë drejt Bahreinit edhe të premten, më 13 nëntor; ky ishte sulmi i parë i Iranit ndaj vendeve të Gjirit që nga muaji shtator.

    Sipas BBC-së dhe CNN-it, Trupat e Gardës Revolucionare Islamike të Iranit (IRGC) deklaruan se kishin vënë në shënjestër një objekt radari të mbrojtjes ajrore amerikane në bazën ajrore Al-Riffa, duke përdorur gjashtë dronë.

    Zyrtarët në Bahrein njoftuan se dronët u kapën dhe u shkatërruan “para se të mund të arrinin objektivat e tyre”.

    Pas këtyre përpjekjeve për sulm, Ambasada e SHBA-së në Bahrein u bëri thirrje amerikanëve të tregojnë “vigjilencë të shtuar”, duke paralajmëruar se mund të ketë një kërcënim më të lartë ndaj zyrtarëve dhe objekteve të qeverisë amerikane në rajon, raporton CNN.

    Ambasada paralajmëroi gjithashtu për mundësinë e anulimit të fluturimeve, mbylljes së hapësirës ajrore dhe pengesave të tjera në udhëtime, ndërsa theksoi se vetë ambasada mbetet e hapur.

    SHBA-ja dhe Irani ndodhen në një gjendje tensioni të lartë rreth Ngushticës së Hormuzit që nga shpërthimi i konfliktit në shkurt, gjë që ka çuar në rritjen e çmimeve të naftës dhe gazit, krahas kufizimeve të vendosura për anijet që kalojnë nëpër atë zonë. /Telegrafi/

  • Komuna e Prizrenit paralajmëron aksion për lirimin e hapësirave publike më 23 dhe 24 nëntor

    Komuna e Prizrenit paralajmëron aksion për lirimin e hapësirave publike më 23 dhe 24 nëntor

    Drejtoria e Inspektorateve në Komunën e Prizrenit do të zhvillojë më 23 dhe 24 nëntor 2026 një aksion për lirimin e hapësirave publike nga pengesat dhe vendosjet pa leje.

    Përmes një njoftimi, kjo drejtori u ka bërë thirrje pronarëve të lokaleve afariste, shitësve ambulantë dhe personave fizikë e juridikë që t’i largojnë vetë mallrat dhe objektet e vendosura pa autorizim në hapësirat publike.

    Aksioni do të përfshijë largimin e mallrave të ekspozuara para lokaleve afariste, në rrugë dhe trotuare, pa leje përkatëse, si dhe të pengesave të ndryshme, përfshirë shufra metalike, vazo betoni, goma, kona plastike dhe objekte të tjera të vendosura pa autorizim.

    Komuna ka paralajmëruar se mosrespektimi i këtij njoftimi do të rezultojë me masa ndëshkuese, përfshirë gjoba administrative dhe konfiskimin e mallrave dhe objekteve të përkohshme.

    Sipas njoftimit, shpenzimet e konfiskimit do të barten nga pronarët përkatës.

    Ky aksion synon lirimin e hapësirave publike, krijimin e qasjes së lirë dhe të sigurt për këmbësorët, si dhe përmirësimin e rendit në hapësirat e përbashkëta të qytetit.

    “Hapësirat publike janë të të gjithë qytetarëve. Respektimi i tyre është përgjegjësi e përbashkët!”, thuhet në njoftimin e Komunës së Prizrenit. /Telegrafi/