Category: Lajme

  • ​“Bubrrecin nuk e ka shkel”, rrëfimet e banorëve nga vendlindja e Thaçit pas vendimit të Dhomave të Specializuara

    ​“Bubrrecin nuk e ka shkel”, rrëfimet e banorëve nga vendlindja e Thaçit pas vendimit të Dhomave të Specializuara

    Banorë të fshatit Vajnik, afër Burojës së Skenderajt, të cilët thonë se kanë njohje dhe afërsi të hershme me familjen Thaçi, e kanë cilësuar të padrejtë aktgjykimin e Gjykatës Speciale ndaj ish-presidentit të Kosovës, Hashim Thaçi.

    Elmi Haliti, i cili ka thënë se ka qenë ushtar i Ushtrisë Çlirimtare të Kosovës, e ka cilësuar Gjykatën Speciale si politike, duke shprehur pakënaqësinë e tij me vendimin.

    “Të gjithë jemi për Thaçin, dhe ajo Gjykatë është politike, nuk ka kryer kurrfarë krimesh… Kam qenë ushtar, por nuk po na pyet kush ne…Kam qëndrua me të e edhe me babanë e tij (Hashim Thaçit). Bubrrecin nuk e ka shkel baba i tij…”, tha Haliti.

    Ndërkaq, Rexhep Haliti, i cili ka treguar se e njeh Thaçin që nga fëmijëria, pasi kanë qenë fqinj dhe kanë kaluar kohë së bashku, ka thënë se vendimi ndaj tij është i padrejtë.

    Ai ka kujtuar se Thaçi ka qenë nxënës i mirë dhe i sjellshëm, ndërsa ka paralajmëruar se do të vazhdojnë të protestojnë kundër vendimit.

    “Kemi qëndrua me të, kontakte kemi pas gjithmonë, afër jemi…jam gjeneratë më e vjetër, por këtu komshi jemi, kemi luajtur bashkë me të, ka qenë nxënës i mirë e i sjellshëm…Është e padrejtë (vendimi ndaj tij)…Sërish kemi me protestua e krejt jetën kemi me protestua, sepse është e padrejtë”, tha ai.

    Gjykata Speciale në Hagë e ka shpallur fajtor dhe e ka dënuar me 1 vjet e pesë muaj burgim ish-presidentin e Kosovës, Hashim Thaçi, në disa pika në rastin kundër administrimit të drejtësisë.

    Aktgjykimi është shpallur sot, nga gjykatësi Christopher Gosnell, në seancën e mbajtur në Dhomat e Specializuara të Kosovës në Hagë.

    Në këtë proces gjyqësor, krahas Thaçit, janë akuzuar edhe ish-drejtori i Agjencisë së Kosovës për Inteligjencë (AKI), Bashkim Smakaj, i cili u dënua me 12 muaj burgim, ish-kryetari i Malishevës, Isni Kilaj i cili u shpall i pafajshëm, Fadil Fazliu me 12 muiaj burgim dhe ish-ministri i Drejtësisë, Hajredin Kuçi me një muaj burgim. /Kp/

  • Kosova kryen një stërvitje të lehtë para duelit vendimtar ndaj Irlandës

    Kosova kryen një stërvitje të lehtë para duelit vendimtar ndaj Irlandës

    Kombëtarja e Kosovës ka përmbyllur përgatitjet e fundit në Dublin në prag të ndeshjes së rëndësishme ndaj Irlandës, e cila zhvillohet sot me fillim nga ora 20:45 në kuadër të xhiros së fundit të Grupit B3 të Ligës së Kombeve.

    Futbollistët e Kosovës kanë zhvilluar paraditen e sotme një seancë të lehtë stërvitore, me fokus kryesor rikuperimin dhe ruajtjen e freskisë fizike para kësaj përballjeje vendimtare.

    Në kampin e Dardanëve mbizotëron motivimi dhe përqendrimi maksimal, pasi synimi është që nga Dublini të kthehen me një rezultat pozitiv.

    Përzgjedhësi Franco Foda dhe stafi i tij kanë synuar që lojtarët të jenë në gjendjen më të mirë fizike dhe mentale për këtë sfidë, e cila ka rëndësi të madhe për objektivat e Kosovës në këtë edicion të Ligës së Kombeve.

    Dardanët aktualisht renditen në pozitën e dytë të grupit me gjashtë pikë, një më shumë se Irlanda.

    Kjo do të thotë se Kosovës i mjafton edhe një barazim në stadiumin “Aviva” për ta ruajtur këtë pozitë dhe për të siguruar pjesëmarrjen në plejofin për inkuadrim në Ligën A.

    Kosova do të kërkojë ta përsërisë paraqitjen e mirë nga përballja e parë, e zhvilluar në Prishtinë, ku kishte triumfuar me rezultat 1-0 falë golit të Vedat Muriqit./Telegrafi/

  • Përurohet ura e re në Dugajevë të Klinës, investimi kap vlerën e mbi 439 mijë eurove

    Përurohet ura e re në Dugajevë të Klinës, investimi kap vlerën e mbi 439 mijë eurove

    Ka përfunduar ndërtimi i urës së re në fshatin Dugajevë të Klinës. Ura u përurua në një ceremoni ku morën pjesë zëvendësministri i Infrastrukturës dhe Transportit, Zef Morina, dhe kryetari i Komunës së Klinës.

    Projekti është realizuar në bashkëpunim ndërmjet Ministrisë së Infrastrukturës dhe Transportit dhe Komunës së Klinës, me vlerë të përgjithshme prej 439.903 eurosh. Nga kjo shumë, 415.043 euro janë financuar nga ministria.

    Ura e re pritet të lehtësojë lëvizjen e përditshme të banorëve të Dugajevës dhe të mundësojë kalim më të sigurt për të gjithë shfrytëzuesit e kësaj rruge.

    Burimi: RTKLive

  • New bridge is inaugurated in Dugajevo, Kline, investment amounts to over 439 thousand euros

    The new bridge was completed in the village of Dugajevo, Kline. The bridge was inaugurated at a ceremony attended by Deputy Minister of Infrastructure and Transport Zef Morina and the head of the Kline municipality.

    The project has been implemented in co-operation between the Ministry of Infrastructure and Transport and the Cline municipality, worth a total of 439,903 euros. Of that amount, 415.043 euros have been financed by the ministry.

    The new bridge is expected to facilitate the daily movement of Dugajevo residents and enable safer passage for all users of this route.

    Source Layer: RTKLive

  • Futbollisti nga Kosova vdes tragjikisht në një aksident në Gjermani

    Futbollisti nga Kosova vdes tragjikisht në një aksident në Gjermani

    Futbollisti nga Kosova vdes tragjikisht në një aksident në Gjermani

    Një 24 vjeçar nga Kosova raportohet se ditë më parë ka humbur jetën në Gjermani si pasojë e një aksidenti.

    Bëhet fjalë për futbollistin Enis Maqedonci, i cili luante për ekipin Tus Hugelheim.

    Lajmin për vdekjen e sportistit të ri e ka konfirmuar dhe bërë të ditur edhe vet klubi ku ai aktivizohej, derisa për rastin kanë shkruar edhe mediat gjermane.

    Së fundmi ngushëllime familjes Maqedonci i ka shprehur edhe Federata e Futbollit të Kosovës.

    “Federata e Futbollit e Kosovës shpreh ngushëllimet më të sinqerta për ndarjen tragjike nga jeta të futbollistit Enis Maqedonci, në moshën 24-vjeçare, si pasojë e një aksidenti trafiku në Gjermani.FFK-ja u shpreh ngushëllime familjes Maqedonci, miqve dhe klubit TuS Hügelsheim, ku ai ishte aktiv. Pusho në paqe, Enis!”, ka shkruar FFK.

    Burimi: Sinjali

  • Kosovo football player dies tragicly in an accident in Germany

    A 24-year-old from Kosovo reported that days ago he lost his life in Germany as a result of an accident.

    It’s about football player Enis Macedonia, who played for Tus Hugelheim.

    News of the death of the new sport has confirmed and released the club itself, where it was activated, until German media have written the case.

    The Macedonian recently expressed condolences to the Kosovo Football Federation.

    Kosovo’s Football Fund expresses the most sincere condolences for the tragic separation from the life of football player Enis Macedonia, at the age of 24, as a result of a traffic accident in Germany. FFK expressed condolences to the Macedonian family, friends and the TuS club. Hügelsheim, where he was active. You shut up, Enice!

    Source Layer: Signal

  • Trump: Jemi shumë pranë përfundimit të luftës Rusi-Ukrainë

    Trump: Jemi shumë pranë përfundimit të luftës Rusi-Ukrainë

    Trump: Jemi shumë pranë përfundimit të luftës Rusi-Ukrainë

    Presidenti i Shteteve të Bashkuara, Donald Trump, është shprehur optimist për përpjekjet diplomatike që synojnë t’i japin fund luftës mes Rusisë dhe Ukrainës, duke deklaruar se një marrëveshje mund të jetë shumë pranë.

    “ Mendoj se jemi shumë afër përfundimit”, u shpreh Trump të martën para gazetarëve në Manila të Filipineve, pak para nisjes së takimit të udhëheqësve të grupit Quad.

    Kreu i Shtëpisë së Bardhë theksoi se konflikti po shkakton humbje të mëdha njerëzore, duke përmendur shifra që, sipas tij, arrijnë në dhjetëra mijëra viktima në muaj. Trump foli për rreth 25 mijë viktima mujore, ndërsa për muajin e kaluar përmendi shifrën 32 mijë, pa dhënë detaje të mëtejshme mbi ndarjen e tyre.Ai bëri të ditur gjithashtu se çështja e luftës Rusi-Ukrainë pritet të jetë pjesë e diskutimeve të ardhshme diplomatike.

    I pyetur për mundësinë e një takimi të veçantë me presidentin rus, Vladimir Putin, Trump nuk e përjashtoi një mundësi të tillë, duke deklaruar se do të ishte i gatshëm të takohej me të nëse do të krijoheshin kushtet.

    Burimi: Insajderi

  • Trump: We are very close to ending the Russia-Ukrainian war.

    United States President Donald Trump has expressed optimism about diplomatic efforts aimed at ending the war between Russia and Ukraine, declaring an agreement could be very close.

    ) I think we’re very close. Trump said Tuesday to reporters in Manila, Philippines, shortly before the start of the meeting of leaders of the Quad group.

    The head of the White House stressed that the conflict is causing great human losses, citing figures that, according to him, total tens of thousands of victims a month. Trump spoke of about 25 thousand monthly victims, while last month he mentioned 32 thousand without providing further details on their separation. He also disclosed that the Russia-Ukrainian war issue is expected to be part of future diplomatic discussions.

    Asked about the possibility of a special meeting with Russian President Vladimir Putin, Trump did not rule out such an option, claiming he would be willing to meet with him if conditions were created.

    Source Layer: Insander

  • Shpallet i pafajshëm pjesëtari i FSK-së i akuzuar për përdhunim

    Shpallet i pafajshëm pjesëtari i FSK-së i akuzuar për përdhunim

    Shpallet i pafajshëm pjesëtari i FSK-së i akuzuar për përdhunim

    Një pjesëtar i Forcës së Sigurisë së Kosovës (FSK), me inicialet B.H., është shpallur i pafajshëm nga Gjykata Crown Court në Norwich të Mbretërisë së Bashkuar.

    Ministria e Mbrojtjes, tha se vendimi është marrë të hënën, më 16 nëntor.

    Sipas njoftimit të ministrisë, gjatë seancës gjyqësore Prokuroria ka konfirmuar se nuk do të paraqesë prova kundër pjesëtarit të FSK-së.

    Pas kësaj, gjykata ka urdhëruar regjistrimin e vendimit lirues lidhur me akuzën për veprën penale të përdhunimit.

    Me këtë vendim, të gjitha procedurat gjyqësore ndaj tij kanë përfunduar.

    Ministria e Mbrojtjes ka ritheksuar përkushtimin ndaj sundimit të ligjit, pavarësisë së drejtësisë dhe respektimit të parimit të prezumimit të pafajësisë.

    Ndryshe, rasti i pjesëtarit të FSK-së ishte raportuar edhe më herët në mediat britanike dhe kosovare, ndërsa ndaj tij ishin ngritur akuza për vepra penale seksuale.

    Njoftimi i plotë:

    Gjykata në Mbretërinë e Bashkuar jep vendim lirues ndaj pjesëtarit të FSK-së

    Ministria e Mbrojtjes njofton opinionin publik se dje, më 16 nëntor 2026, në Gjykatën Crown Court në Norwich, në Mbretëri të Bashkuar, pjesëtari i FSK, B.H., është shpallur i pafajshëm.

    Gjatë seancës, Prokuroria konfirmoi se nuk do të paraqiste prova kundër tij, ndërsa gjykata urdhëroi regjistrimin e vendimit lirues lidhur me akuzën për veprën penale të përdhunimit. Me këtë vendim, të gjitha procedurat gjyqësore ndaj tij kanë përfunduar.

    Ministria e Mbrojtjes rithekson përkushtimin e saj ndaj sundimit të ligjit, pavarësisë së drejtësisë dhe respektimit të parimit të prezumimit të pafajësisë.

    Burimi: Insajderi

  • Pse IA-ja dhe vetëdija mund të mos takohen kurrë

    Pse IA-ja dhe vetëdija mund të mos takohen kurrë

    Çetboti [chatbot] mund të jetë në gjendje të arsyetojë, të kujtojë dhe të ndryshojë mendje. Por, ai nuk rrezikon asgjë, sepse nuk ka trup për të humbur.

    Nga: David Weinberger, autor librash bestseller, studiues në Harvard dhe ish-profesor filozofie (fragment nga libri i tij Beautiful Particulars/ Të veçantat e bukura) / The MIT Press Reader
    Përktheu: Agron Shala

    Qëndrimi filozofik i quajtur funksionalizëm thotë se vetëdija ka të bëjë me atë që bën diçka, jo me atë prej së cilës është bërë. Pra, nëse IA-ja [inteligjenca artificiale] arrin në pikën ku mund të zhvillojë një bisedë, të arsyetojë, të kujtojë, të ndryshojë mendje, të shfaqë kureshtje dhe emocione e kështu me radhë, atëherë nuk ka rëndësi nëse është bërë prej mishi, silici apo prej tullave LEGO. Në fakt, disa kanë sugjeruar se do të ishte një lloj i ri paragjykimi mendjengushtë po t’ia mohosh vetëdijen një krijese të tillë.

    Jam i gatshëm të rrezikoj dhe të them se, pavarësisht nga ajo që kanë sugjeruar drejtuesit e disa kompanive të IA-së, e di se LLM-të [modelet e mëdha gjuhësore] me të cilët bisedoj nuk janë të vetëdijshëm … jo për arsye empirike, por sepse nuk mendoj se ky koncept ka kuptim.

    Mendimi im nis me një eksperiment të famshëm mendor të quajtur Dhoma Kineze, propozuar nga filozofi John Searle (1932–2025) i cili, në vitin 1980, na kërkoi të përfytyronim veten në një dhomë me një të çarë dhe pa asnjë hapje tjetër. Në dhomë ka udhëzime të sakta në anglisht për lidhjen e “shkarravinave” me – në dukje – shkarravina të tjera, duke përdorur një libër gjigant me korrelacione të tilla. Pastaj, një shënim në gjuhën kineze futet në dhomë. Nuk flasim kinezisht dhe madje as nuk i njohim karakteret kineze si gjuhë, por i kërkojmë shenjat, shkruajmë shenjat që libri na thotë të shkruajmë dhe i kalojmë rezultatet përsëri përmes të çarës.

    Këto korrelacione ua mundësojnë folësve të kinezishtes jashtë dhomës të jenë të sigurt se po zhvillojnë një bisedë me kuptim me dikë që e kupton gjuhën kineze. Por, gjithçka që ne po bëjmë është manipulimi i shenjave të çuditshme në letër, të cilat për ne janë krejtësisht pa kuptim.

    Searle pohon se pikërisht këtë e bëjnë kompjuterët, përfshirë edhe ata që duken të vetëdijshëm: manipulojnë simbole pa pasur asnjë vetëdije për atë që nënkuptojnë simbolet, apo madje nëse ato janë simbole. Dhoma Kineze na tregon se manipulimi i simboleve nuk mjafton për të përbërë vetëdijen, sepse kuptimi i një simboli vjen nga një vetëdije e ndarë dhe e veçuar prej tij. Me fjalët e Searleit, kjo bën që kuptimi i një simboli të jetë i jashtëm për të: ai duhet t’i atribuohet nga një vetëdije e veçuar nga simboli.

    Nga ana tjetër, vetëdija si e jona është ndryshe. Kur digjni dorën te bishti i nxehtë i një tenxhereje, kafshoni një banane ose vendosni këmbën e majtë përpara së djathtës teksa shëtisni, nuk keni nevojë t’i përktheni këto në dhimbje, në shijen e bananes ose në ecje. Truri juaj është pjesë e një trupi të gjallë që e ndien drejtpërdrejt dhimbjen, e shijon ushqimin dhe di si të ecë pa shikuar poshtë. Nuk ka nevojë për simbole, nuk ka nevojë për përkthime. Në terminologjinë e Searleit, kjo do të thotë se vetëdija është e brendshme: nuk ka nevojë për një vetëdije tjetër që t’ia caktojë kuptimin.

    Por, prej nga vjen natyra e brendshme e vetëdijes? Searlei këtë nuk na e thotë.

    Gjysmë shekulli para Searleit, Martin Heideggeri (1889–1976) veçse e kishte bërë këtë. Në kryeveprën e tij të vitit 1927, Being and Time [Qenia dhe koha], ai e sheh botën jo ashtu siç ne e shpjegojmë, por ashtu siç e përjetojmë në rrethana të zakonshme të përditshme. Ai zbuloi se, me një rregullsi befasuese, të kuptuarit tonë nuk përputhet me përvojën tonë.

    Përkundrazi, vuri në dukje ai, në përvojën e përditshme të jetuar, gjërat pothuajse gjithmonë na shfaqen në dritën e projektit ose synimeve tona aktuale: Për shembull, nëse nuk keni gotë për të pirë, kavanozi bosh i reçelit mund të duket si filxhan. Me një projekt tjetër, ai mund të shfaqet si një vazo e mundshme e përkohshme për lule. Kështu, ne e përjetojmë botën njëkohësisht në dy drita: projektin tonë dhe mundësitë e sendit përkitazi me atë projekt. Të dyja këto na e tregojnë botën sipas asaj që ka rëndësi për ne në atë kohë dhe në ato rrethana.

    Por, pse gjërat kanë rëndësi?

    Heideggeri thotë se kjo ndodh meqë ne e dimë se jemi në rrezik. Por, as kjo nuk do të shpjegonte asgjë, pos nëse kujdesemi për faktin se jemi në rrezik. Dhe, kjo na fut në një rreth: Kujdesemi sepse e dimë se projektet tona dhe vetë jeta jonë janë gjithmonë në rrezik. Por, kujdesi është arsyeja pse ai rrezik ka rëndësi për ne. Dhe, kështu vazhdojmë rreth e rrotull.

    Heideggeri e sjell këtë rreth te dijenia jonë se një ditë do të vdesim – mbase edhe sot. Dhe, ne kujdesemi për këtë. Por, përsëri, pse? Edhe pse Heideggeri nuk flet drejtpërdrejt për këtë, mendoj se mund ta zgjerojmë mendimin e tij për të thënë se kjo përfundon te fakti se jemi të trupëzuar. Rrethi ndalet aty, sepse kujdesi është i brendshëm për trupat – pikërisht lloji i pikës së ndalimit të cilin Searlei e kërkonte. Kujdesi duhet të jetë i brendshëm për ne, sepse trupat duhet t’i shmangen dhimbjes, të hanë dhe të flenë dhe të udhëhiqen me kujdes nga kënaqësitë. Përgjumja, uria, dhimbja dhe kënaqësia janë të brendshme në kuptimin se nuk janë simbole që kanë nevojë për interpretim, pa përmendur faktin se edhe trupi juaj është në mënyrë të brendshme ju dhe ju jeni në mënyrë të brendshme trupi juaj.

    Kujdesi dhe trupëzimi janë thellë të ndërthurur.

    Kur një fetë keku me mollë ka shije të mirë, shija e saj e këndshme nuk është akt interpretimi. As dhimbja që ndieni kur goditni gishtin e këmbës. Dhe, kur fëmija juaj zvarritet në prehrin tuaj për t’u përqafuar, mund ta merrni këtë si shenjë dashurie, por kjo ndodh sepse trupi juaj tashmë e ka ndier atë dashuri; në asnjë çast ajo nuk ishte si një shenjë ngjyre në një gjuhë të cilën nuk e kuptoni. Trupat tanë janë burimi ynë i parë dhe kryesor i përvojës së brendshme. Dhe, ajo përvojë formësohet nga mënyrat e shumta se si mund të kujdesemi për gjërat.

    Tani, kujdesi mund të tingëllojë si përgjithësimi përfundimtar për vetëdijen njerëzore – si në “Gjithçka përfundon te kujdesi”. Megjithatë, në përvojën tonë të përditshme, kujdesi është gjithmonë specifik në të paktën tri mënyra.

    Së pari, kujdesi gjithmonë ka një objekt për të cilin kujdeset dhe një mënyrë specifike se si kujdeset për të. Ky mund të jetë partneri ose fëmija, por po aq mirë mund të jenë çorapet në tharëse, ai vend që të kruhet në shpinë ose peshku yt i artë që duhet ushqyer.

    Së dyti, edhe konteksti i kujdesit është gjithmonë specifik: Kujdesesh për çorapet sepse jashtë është ftohtë, për kruarjen sepse kërkon të kruhet, për peshkun e artë sepse fëmijët e tu do të trishtohen nëse e gjejnë duke pluskuar përmbys (pa e përmendur se edhe ti je lidhur me të).

    Së treti, kujdesi është gjithashtu i ndjeshëm ndaj detajeve. Një çast kujdesi intensiv për një person tjetër mund të jetë përgjigje ndaj mënyrës se si ai të shikon, ndaj një gjesti që mishëron një ndjenjë të cilën nuk arrin ta përcaktosh mirë, ose ndaj mënyrës se si ai përkulet përpara teksa dëgjon me vëmendje. Kujdesi shpesh e gjen të vërtetën te detajet.

    Specifika e kujdesit formësohet nga bota në të cilën kemi lindur. Për të theksuar karakterin brutal të këtij fakti, Heideggeri e quan atë hedhshmëri: Pa pëlqimin tonë, secili prej nesh lind në një kulturë, një gjuhë, një vend, një familje e kështu me radhë. Kjo është ajo që do të thotë të jesh i ndodhur – gjë që u ndodh qenieve të cilat, duke qenë të trupëzuara, nuk mund të jenë njëkohësisht në shumë vende ose kohë

    Hedhshmëria i formëson trupat tanë po aq sa edhe mendjet tona. Filozofja dhe feministja Iris Marion Young (1949–2006) e shqyrton shkëlqyeshëm këtë në esenë e saj të vitit 1980, Throwing Like a Girl [Të hedhësh si vajzë]. Ajo ofron një analizë përshkruese të mënyrës se si situata tipike e një vajze të rritur, në një vend si Amerika, ndikon madje edhe në veprimet e saj më të zakonshme trupore – si i mbajnë vajzat librat ose si ecin mbi gurë përmes një përroi – dhe imponon një “nuk mundem” mbi shumë prej projekteve që ato mendojnë.

    Kjo mund të ndodhë vetëm sepse, në përvojë, nuk jemi të ngujuar brenda një dhome duke marrë simbole të koduara që duhet t’i interpretojmë. Ne, qeniet e trupëzuara, jemi jashtë në botë, ku lagështia e trupave tanë në një stuhi të papritur nuk është simbol. Trupëzimi ynë është kjo hapje e brendshme dhe e drejtpërdrejtë ndaj botës. Pikërisht kjo është ajo që i mungon IA-së. /Telegrafi/