Deputetja e PDK-së, Blerta Deliu, ka reaguar në ditën kur në Gjykatën Speciale në Hagë pritet të shpallet aktgjykimi i dytë ndaj ish-presidentit Hashim Thaçi dhe katër të bashkëakuzuarve të tjerë.
Përmes një postimi në Facebook, Deliu ka ndarë një mesazh të shkurtër, duke kërkuar drejtësi.
“Drejtësi sot. Drejtësi deri në fund!”, ka shkruar ajo./Klankosova.tv
Diabeti nuk është vetëm një çështje e nivelit të sheqerit në gjak, por një sëmundje kronike që mund të ndikojë në zemër, veshka, sy dhe sistemin nervor.
Rëndësia e diagnostikimit të hershëm, ushqyerja e shëndetshme dhe trajtimet bashkëkohore ishin ndër temat kryesore të episodit të 96-të të podcastit “Shëndeti në rend të parë”, e mbështetur nga United Hospital dhe Qendra Laserike e Syrit “Kubati”, ku e ftuar është endokrinologia, Ariana Shaqiri.
Gjatë bisedës, Shaqiri shpjegoi se diabeti mund të zhvillohet gradualisht dhe, në disa raste, personat e prekur mund të jetojnë për një kohë të gjatë pa e ditur se kanë probleme me nivelin e glukozës në gjak.
Ajo theksoi se trashëgimia familjare është një faktor i rëndësishëm rreziku, por kjo nuk do të thotë se personat që kanë familjarë me diabet do ta zhvillojnë patjetër sëmundjen.
Sipas saj, sidomos te diabeti i tipit 2, mënyra e jetesës mund të ndikojë ndjeshëm në uljen e rrezikut ose shtyrjen e shfaqjes së sëmundjes.
Aktiviteti fizik, ushqyerja e ekuilibruar dhe ruajtja e një peshe të shëndetshme janë ndër masat që ajo rekomandon.
Një nga shqetësimet e ngritura gjatë intervistës ishte shfaqja e diabetit të tipit 2 edhe te fëmijët dhe adoleshentët.
Shaqiri e lidhi këtë fenomen me ndryshimet në mënyrën e jetesës, duke përmendur qëndrimin e gjatë para ekraneve, mungesën e aktivitetit fizik dhe konsumin e shpeshtë të ushqimeve të përpunuara.
Ajo shpjegoi se mbipesha, veçanërisht grumbullimi i yndyrës në zonën e barkut, mund të shoqërohet me ndryshime metabolike që rrisin rrezikun për diabet.
Endokrinologia paralajmëroi se diabeti i tipit 2, kur shfaqet në moshë të re, mund të ketë një ecuri më agresive dhe të shoqërohet me komplikime më të hershme.
Gjatë podcastit u diskutua edhe për prediabetin, një gjendje në të cilën niveli i glukozës në gjak është më i lartë se normalja, por ende nuk i përmbush kriteret për diabet.
Shaqiri e përshkroi këtë si një periudhë shumë të rëndësishme për ndërhyrje.
Sipas saj, ndryshimet në mënyrën e jetesës, përfshirë humbjen e peshës dhe aktivitetin e rregullt fizik, mund të ndihmojnë që vlerat e glukozës të rikthehen në intervalin normal.
Ajo përmendi ecjen e shpejtë, notin dhe çiklizmin si aktivitete që mund të ndihmojnë në përmirësimin e metabolizmit dhe ndjeshmërisë ndaj insulinës.
Endokrinologia shpjegoi edhe simptomat që mund të shfaqen te personat me diabet.
Ndër to përmendi etjen e vazhdueshme, urinimin e shpeshtë, lodhjen, urinë e shtuar dhe turbullimin e shikimit.
Megjithatë, ajo theksoi se mungesa e këtyre simptomave nuk e përjashton praninë e sëmundjes.
Për këtë arsye, personat me predispozitë familjare, mbipeshë ose faktorë të tjerë rreziku duhet të konsultohen me mjekun për kontrollet e nevojshme.
Një tjetër temë ishte frika që disa pacientë kanë kur mjeku u rekomandon trajtimin me insulinë.
Shaqiri shpjegoi se disa persona e interpretojnë fillimin e insulinës si shenjë se sëmundja ka arritur në një fazë shumë të rëndë.
Megjithatë, sipas saj, insulina mund të jetë e nevojshme për stabilizimin e glukozës dhe nuk nënkupton domosdoshmërisht se pacienti është në një gjendje terminale. /Telegrafi/
Boksieri irlandez Lee Reeves ka vdekur në moshën 31-vjeçare, tre muaj pasi pësoi lëndime të rënda gjatë një meçi në Dublin.
Lajmin e hidhur e ka konfirmuar kompania e tij promovuese, Queensberry, duke bërë të ditur se boksieri nuk ka arritur t’u mbijetojë pasojave të lëndimeve të marra në ring.
Reeves ishte përballur me bashkëkombësin Gary Cully më 1 gusht, në duelin për titullin vakant BUI Celtic në kategorinë light-welterweight, që u zhvillua në palestrën “3Arena” në Dublin.
31-vjeçari pësoi nokaut në raundin e dhjetë, ndërsa pas përfundimit të meçit u nxor nga ringut me barelë dhe u dërgua menjëherë në spital.
Irish boxer Lee Reeves has died at the age of 31, three months after suffering serious injuries during a bout. https://t.co/uNiYWuXbf8 — Sky Sports Boxing (@SkySportsBoxing) November 17, 2026
Gjendja e tij fillimisht ishte cilësuar si kritike, por stabile. Ai iu nënshtrua një ndërhyrjeje kirurgjikale dhe që nga ajo kohë kishte qëndruar në koma të induktuar nga ana mjekësore.
Trajneri dhe miku i tij, Jonathan O’Brien, ka publikuar një mesazh prekës në rrjetet sociale, duke kujtuar luftën e madhe të boksierit për jetën.
“Lamtumirë bir, pusho i qetë. Luftove aq shumë deri në fund. Të duam shumë. Pusho në paqe me nënën dhe vëllain tënd që të presin në portat e parajsës. Kujdesu për motrat dhe babanë tënd, jepu forcë për ta përballuar këtë dhimbje. Të duam, Lee”, ka shkruar O’Brien.
El boxeador irlandés Lee Reeves sufrió un brutal nocaut durante su combate contra Gary Cully en el 3Arena de Dublín. En los últimos segundos del décimo asalto https://t.co/ODdsoU80DZ — NoticiasGuatemala (@guatenoticiasx) August 3, 2026
Reeves, i njohur me nofkën “El Champo”, e kishte nisur karrierën si boksier profesionist në vitin 2018.
Gjatë karrierës së tij, ai zhvilloi 18 meçe, duke regjistruar 16 fitore. Një pjesë të madhe të fillimit të karrierës e kaloi duke boksuar në Kanada dhe Kolumbi, përpara se të fitonte vëmendje me paraqitjet e tij në Britani të Madhe dhe Irlandë.
Përballja me Gary Cully në gusht ishte një nga sfidat më të rëndësishme të karrierës së tij, por që fatkeqësisht përfundoi në tragjedi./Telegrafi/
Dy trena pasagjerësh u përplasën pranë stacionit kryesor hekurudhor të Pragës të martën në mëngjes.
Si pasojë, siç raportojnë mediat e huaja, përcjell Telegrafi, kanë mbetur të lënduar dhjetëra njerëz, përfshirë disa rëndë, dhe janë ndërprerë shërbimet në kryeqytetin e Republikës Çeke.
Aksidenti ndodhi rreth orës 7 të mëngjesit në urën hekurudhore mbi Rrugën Seifertova në Pragë 3.
Shërbimet e emergjencës thanë se trenat po udhëtonin me shpejtësi të ulët.
Shumica e lëndimeve u përshkruan si të lehta, por zëdhënësi i shërbimit të ambulancës së Pragës, Karel Kirs, tha se disa pacientë kishin pësuar lëndime serioze që kërcënonin funksionet e tyre jetësore.
Všechny složky IZS zasahují u srážky dvou vlaků u Hlavního nádraží na přemostění se Seifertovou ulicí v Praze 3. Na místě je několik zraněných osob. https://t.co/33NUSn7zjI — Policie ČR (@PolicieCZ) November 17, 2026
Ata po transportoheshin në spitalet e Pragës.
Dhjetë ekipe ambulancash dhe katër ekipe të udhëhequra nga mjekë u vendosën, së bashku me një automjet të specializuar evakuimi.
Zjarrfikësit shpallën një alarm të nivelit të dytë dhe thanë se përparësia e tyre e menjëhershme ishte vlerësimi i të lënduarve dhe ndarja e pacientëve sipas ashpërsisë së lëndimeve të tyre.
Na místě probíhají záchranářské práce. Předběžně je asi 15 zraněných. https://t.co/LPYajdIuj2 — Policie ČR (@PolicieCZ) November 17, 2026
Zëdhënësi i shërbimit të zjarrfikësve të Pragës, Miroslav Řezáč, e përshkroi përplasjen si jo shkatërruese, pavarësisht numrit të personave të lënduar.
Një numërim përfundimtar i të lënduarve dhe shkaku i përplasjes nuk është përcaktuar ende. /Telegrafi/
Vetëm shtatë punonjës të Agjencisë për Mbrojtjen e të Dhënave Personale janë përgjegjës direkt për zbatimin e Ligjit për Mbrojtjen e të Dhënave Personale. Agjencia nuk ka fonde të mjaftueshme, kapaciteti i saj për të mbikëqyrur përdorimin në rritje të inteligjencës artificiale dhe të dhënave biometrike është i kufizuar, dhe mekanizmat e mbrojtjes dixhitale në institucionet shtetërore janë të pamjaftueshëm, thonë sot nga RDM.
“Ky nuk është një vlerësim nga RDM, por një paralajmërim nga Raporti i Progresit i Komisionit Evropian për vitin 2026 për Maqedoninë. Komisioni gjithashtu thekson se mendimi i Agjencisë për Ligjin për Sigurinë e Sistemeve të Rrjetit dhe Informacionit u injorua, gjë që çoi në mosrespektimin e direktivës NIS2 në fushën e mbrojtjes së të dhënave personale.
Në rrethana të tilla, Qeveria ka njoftuar ndërtimin e një qendre kombëtare të të dhënave (Data Center) në vitin 2027. Por si do të garantohet siguria e të dhënave që do të ruhen dhe përpunohen në të, kur institucioni përgjegjës për mbrojtjen e tyre nuk ka mjaftueshëm njerëz dhe burime? Kush do të kryejë mbikëqyrje të pavarur dhe kush do të mbajë përgjegjësi në rast abuzimi ose një incidenti sigurie?
Çështja nëse ekziston një plan konkret për sigurimin e infrastrukturës së nevojshme – energji elektrike, ujë dhe lidhje komunikimi – është gjithashtu e hapur. Rregullat sipas të cilave do të funksionojnë objekte të tilla dhe mënyra se si do të kontrollohet funksionimi i tyre janë ende të paqarta për publikun”, thonë nga RDM./Telegrafi/
Only seven employees of the Agency for Personal Data Protection are directly responsible for implementing the Law for the Protection of Personal Data. The agency does not have sufficient funds, its capacity to monitor the increasing use of artificial intelligence and biometric data is limited, and digital protection mechanisms in state institutions are insufficient, said today by RDM.
This is not an assessment by RDM, but a warning from the European Commission’s Progress Report for 2026 for Macedonia. The Commission also stresses that the Agency for Network and Information Systems Security thought was ignored, which led to disrespecting the directive NIS2 in the field of personal data protection.
Under such circumstances, Government has announced the construction of a national data centre (Data Center) in 2027. But how would data security be guaranteed that will be stored and processed in it, when the institution responsible for their protection does not have enough people and resources? Who will conduct independent oversight, and who will be held responsible in case of abuse or a security incident?
The question of whether there is a concrete plan for providing needed infrastructure — electricity, water and communication links — is also open. The rules under which such objects will function and the way their operation will be controlled are still unclear to the public, the RDM says. /Telegraphy/
Organizata Botërore e Shëndetësisë u bëri thirrje vendeve të martën që kontrollet për kancerin e qafës së mitrës të arrijnë gratë që nuk janë kontrolluar asnjëherë dhe që rezultatet pozitive të ndiqen pa vonesë. Sipas vlerësimeve globale që citoi OBSH-ja, tri në pesë gra të moshës 30–49 vjeç nuk kishin bërë asnjë kontroll të tillë.
Vlerësimet pasqyrojnë gjendjen në vitin 2022. Për pesë vitet deri atëherë, vetëm 2% e grave në vendet me të ardhura të ulëta dhe të mesme ishin kontrolluar me test për virusin e papillomës njerëzore (HPV), krahasuar me 32% në vendet me të ardhura të larta. Këto përqindje i referohen testit HPV, jo të gjitha mënyrave të kontrollit.
Në Kosovë, mbi 20 mijë gra kanë bërë Pap-testin në kuadër të një programi që nga viti 2016, sipas të dhënave të publikuara nga Kombet e Bashkuara në gusht. Vaksina kundër HPV-së është pjesë e programit të rregullt të imunizimit në vend.
The World Health Organisation called on countries on Tuesday to see cervical cancer checks reach women who have never been controlled and to have positive results followed without delay. According to global estimates quoted by O The BSH, three out of five women aged 30,49, hadn’t had any such control.
The estimates reflect the situation in 2022. For five years until then, only 2% of women in low- and medium-income countries had been tested for the human papyrus virus ( HPV), compared to 32% in high-income countries. These percentages refer to the HPV test, not all manner of control.
In Kosovo, over 20 thousand women have made Pap-thest under a programme since 2016, according to data published by the United Nations in August. Vaccina vs. HPV is part of the country’s regular communication programme.
The signal where the truth speaks before the news!
Policia e Kosovës ka arrestuar dy persona të dyshuar për përfshirje në dy grabitjet e armatosura të argjendarive në Gjakovë, të ndodhura më 5 dhe 16 nëntor. Gjatë bastisjeve në Deçan janë gjetur dhe sekuestruar para të gatshme, ari, një veturë Golf 7, armë zjarri dhe prova të tjera materiale.
Raportohet se personat e arrestuar janë dy deçanas, Lirim Istrefaj dhe Arbenit Ukaj.
Sipas njoftimit të Policisë së Kosovës, grabitja e parë kishte ndodhur më 5 nëntor 2026, rreth orës 17:15, në rrugën “Nënë Tereza” në Gjakovë, ku dy persona të maskuar dhe të armatosur kishin grabitur një argjendari, duke marrë një sasi ari dhe para të gatshme.
Sipas pronarit të argjendarisë, vlera e arit të grabitur ishte rreth 30 mijë euro, ndërsa paratë e gatshme kapnin shumën prej rreth 2 mijë eurosh.
Një tjetër grabitje e armatosur ishte regjistruar më 16 nëntor, rreth orës 16:50, në rrugën “Izet Hima”, po ashtu në Gjakovë. Në këtë rast, dy persona të maskuar kishin hyrë në një argjendari, njëri i armatosur me një armë të gjatë, që dyshohet të jetë e tipit AK-47, ndërsa tjetri me një çekan.
Të dyshuarit kishin kanosur personat e pranishëm, ndërsa njëri prej tyre kishte thyer vitrinën e argjendarisë dhe kishte marrë një sasi stolish ari, kryesisht zinxhirë.
Gjatë grabitjes, njëri nga viktimat kishte tentuar t’ia marrë armën e gjatë njërit prej të dyshuarve, i cili më pas kishte shtënë me armë zjarri, duke e plagosur viktimën në këmbën e djathtë.
Pas hetimeve intensive, analizimit të pamjeve të kamerave të sigurisë dhe veprimeve operacionale, hetuesit kanë arritur të sigurojnë prova për identifikimin e personave të dyshuar dhe veturës që dyshohet se ishte përdorur në grabitje.
Më 17 nëntor 2026, Sektori Rajonal i Hetimeve në Gjakovë, në bashkëpunim me Njësinë e Reagimit të Shpejtë dhe patrullat policore, ka realizuar bastisje në pronën e të dyshuarit A.U., i lindur në Gjermani dhe me banim në komunën e Deçanit.
Gjatë bastisjes është gjetur vetura që dyshohet se ishte përdorur në grabitje, një armë zjarri dhe një sasi e konsiderueshme e parave të gatshme.
Kontroll është kryer edhe te personi tjetër i dyshuar, L.I., nga komuna e Deçanit, ku janë gjetur prova që ndërlidhen me rastin.
Në cilësi të provave materiale, deri më tani janë sekuestruar: 7 mijë e 330 euro dhe 100 dollarë amerikanë, një veturë Golf 7, një sasi ari, dy telefona mobilë dhe veshmbathje që dyshohet se janë përdorur gjatë grabitjeve.
Policia ka bërë të ditur se, bazuar në provat dhe dëshmitë e siguruara, dy personat dyshohen për përfshirje në të dy grabitjet e argjendarive në Gjakovë.
Operacioni policor është ende në zhvillim, ndërsa veprimet e mëtejme do të ndërmerren në bashkëpunim dhe koordinim me Prokurorinë kompetente.
Punimet e ndërprera për ndërtimin e kolektorit të kanalizimit në rrugën “Rexhep Krasniqi”, në lagjen Kalabria të Prishtinës, kanë lënë pas një kanal të hapur, të mbushur me ujëra të zeza dhe mbeturina, duke rrezikuar shëndetin e banorëve të zonës, shkruan Insajderi.
Për këtë gjendje ka alarmuar Avokati i Popullit, Naim Qelaj, i cili më 29 tetor ka nxjerrë një raport me rekomandime drejtuar kryetarit të Prishtinës, Përparim Rama, duke kërkuar ndërhyrje urgjente nga Komuna.
Raporti është hartuar pas ankesës së banorëve të kësaj lagjeje, të cilët kanë ngritur shqetësimin për gjendjen në të cilën ndodhet zona prej rreth dy vitesh.
Sipas ankesës së L.Gj., e mbështetur edhe nga një peticion me nënshkrimet e 17 banorëve, punimet për kolektorin kanë nisur, por janë ndërprerë për shkak të problemeve me procedurat e shpronësimit.
Ndërkohë, kanali ka mbetur i hapur dhe i pasiguruar, duke u shndërruar në vendgrumbullim të ujërave të zeza dhe mbeturinave.
Gjendjen në terren e ka vlerësuar edhe Instituti Kombëtar i Shëndetësisë Publike të Kosovës (IKShPK), pas kërkesës së Avokatit të Popullit për inspektim.
“Në raportin e datës 22 shtator 2026, IKShPK ka konstatuar se punimet e papërfunduara e kanë shndërruar zonën në një vatër të hapur infeksioni dhe ka evidentuar parregullsi serioze… kanali është plotësisht i zbuluar dhe shërben si pikë shkarkimi direkt për ujërat e zeza të objekteve banesore përreth; janë vërejtur gypa të improvizuar dhe infrastrukturë e dëmtuar, akumulim i mbeturinave urbane dhe mbetjeve të ngurta që bllokojnë rrjedhën… prani mushkonjash, prani e konsiderueshme e shpendëve dhe disa shpendë të ngordhur,” thuhet në dokument, përcjell Insajderi.
Në raportin e inspektimit përshkruhet edhe ndikimi i kësaj gjendjeje në jetën e përditshme të banorëve. Përveç ndotjes, kundërmimi i rëndë dhe prania e brejtësve e insekteve ua kanë vështirësuar shfrytëzimin normal të hapësirave të banimit.
“IKShPK ka evidentuar se gjendja ka degraduar cilësinë e jetesës së banorëve: janë raportuar prani masive e brejtësve, insekteve, sorrave dhe qenve endacakë, probleme shëndetësore që kanë kërkuar ndihmë mjekësore, pamundësi për shfrytëzimin normal të oborreve dhe madje hapjen e dritareve për shkak të erës së padurueshme. Në mesin e popullatës potencialisht të ekspozuar janë identifikuar fëmijë, përfshirë fëmijë nën moshën pesë vjeç, persona mbi 65 vjeç dhe persona me sëmundje kronike.”
Avokati i Popullit ka vlerësuar se Komuna e Prishtinës ka qenë e njoftuar për problemin që nga viti 2024, kur për të njëjtën çështje ishte nxjerrë edhe një raport me rekomandime, por që gjendja nuk është zgjidhur.
Në raportin e fundit, institucioni konstaton se mosveprimi i Komunës dhe mungesa e masave për mbrojtjen e banorëve cenojnë të drejtat e tyre për respektimin e jetës private e familjare, banesës dhe gëzimin e një mjedisi të shëndetshëm.
Për këtë arsye, Avokati i Popullit i ka kërkuar Komunës që të ndërhyjë pa vonesa, duke pastruar zonën nga mbeturinat, duke kryer dezinfektimin, deratizimin dhe dezinsektimin, si dhe duke mbyllur kyçjet ilegale të ujërave të zeza.
Po ashtu, Komuna duhet ta izolojë hapësirën ku janë ndërprerë punimet, për të garantuar sigurinë e banorëve dhe veçanërisht të fëmijëve, si dhe të përfundojë projektin e kolektorit përmes procedurave të përshpejtuara.
“Avokati i Popullit… i REKOMANDON Komunës së Prishtinës: të ndërmarrë masa për pastrimin e lumit [dhe] hapësirave përreth tij nga ndotja dhe mbetjet e grumbulluara… të sigurojë dezinfektimin, deratizimin dhe dezinsektimin e gjithë zonës përgjatë rrugës ‘Rexhep Krasniqi’, identifikimin dhe mbylljen e kyçjeve ilegale dhe derdhjeve të pakontrolluara të ujërave të zeza… të ndërmarrë masa shtesë për izolimin e zonës së punimeve me qëllim të krijimit të sigurisë së personave, veçanërisht të fëmijëve [dhe] të përfundojë me procedurë të përshpejtuar punimet e ndërprera për ndërtimin e kolektorit,” thuhet në dokument.
Komuna e Prishtinës ka afat prej 30 ditësh që ta njoftojë Avokatin e Popullit për veprimet e ndërmarra në zbatimin e këtyre rekomandimeve.