Category: Lajme

  • Artistja shqiptare Bebe Rexha mbetet jashtë nominimeve të Grammy 2027, albumi “Dirty Blonde” nuk merr vëmendjen e pritur

    Artistja shqiptare Bebe Rexha mbetet jashtë nominimeve të Grammy 2027, albumi “Dirty Blonde” nuk merr vëmendjen e pritur

    Këngëtarja shqiptare me famë ndërkombëtare, Bebe Rexha, nuk ka arritur të sigurojë asnjë nominim në edicionin e vitit 2027 të çmimeve prestigjioze Grammy Awards.

    Artistja kishte paraqitur albumin e saj më të ri “DIRTY BLONDE” për shqyrtim në disa kategori të Grammy Awards, duke përfshirë edhe këngët dhe materialet muzikore që janë pjesë e këtij projekti.

    Megjithatë, asnjë prej aplikimeve të saj nuk arriti të përfshihej në listën përfundimtare të nominimeve.

    Sipas listës së aplikimeve për shqyrtim, albumi dhe materialet e tij ishin paraqitur në nëntë kategori:

    Incizimi i Vitit: “New Religion” (me Faithless)

    Albumi i Vitit : “DIRTY BLONDE”

    Kënga e Vitit: “New Religion” (me Faithless)

    Albumi më mire Best Dance/Electronic: “DIRTY BLONDE”

    Incizimi më i Mirë Dance Pop: “New Religion” (me Faithless)

    Incizimi më i Mirë i Rirregulluar (Remiks): “Sad Girls” (me David Guetta) [DJs From Mars Remix]

    Paketa më e Mirë e Albumit: “DIRTY BLONDE”

    Kopertina më e Mirë e Albumit: “DIRTY BLONDE”

    Filmi më i Mirë Muzikor: “DIRTY BLONDE: The Super Dirty Cut”

    Pavarësisht aplikimeve në këto kategori, Bebe Rexha nuk arriti të sigurojë asnjë nominim për edicionin e sivjetmë të ceremonisë.

    Albumi “DIRTY BLONDE” u publikua më 12 qershor 2026 dhe shënon projektin e parë të këngëtares si artiste e pavarur, pas ndarjes nga kompania e saj e mëparshme diskografike. Projekti përmban 13 këngë, mes tyre edhe bashkëpunimet me Faithless dhe David Guetta.

    Kujtojmë se Bebe Rexha ka qenë më parë katër herë e nominuar në Grammy Awards, përfshirë kategorinë “Best New Artist” në vitin 2019.

    Në anën tjetër në kategorinë Albumi më i Mirë Dance/Elektronik në Grammy 2027 u nominuan pesë artistë:

    Madonna – Confessions II

    Robyn – Sexistential

    Skrillex – SOMA

    Slayyyter – WOR$T GIRL IN AMERICA

    Tame Impala – Deadbeat.

  • Arrestohet në Gjermani shqiptari me shtatë identitete

    Arrestohet në Gjermani shqiptari me shtatë identitete

    Policia Federale Gjermane ka arrestuar një 31-vjeçar shqiptar në Aachen, pasi dyshohet se kishte tentuar të vidhte artikuj në një farmaci së bashku me një grua 29-vjeçare nga Bullgaria.

    Gjatë verifikimit në stacionin policor, autoritetet zbuluan se shqiptari ishte i njohur për policinë, me shtatë pseudonime dhe dhjetë kërkesa për përcaktimin e vendndodhjes së tij të regjistruara në sistem.

    Sipas njoftimit të Policisë Federale, ngjarja ndodhi të dielën, rreth orës 11:00, kur zyrtarët u thirrën në një farmaci në stacionin kryesor të trenit në Aachen. Aty mbahej gruaja 29-vjeçare, pasi ajo dhe një burrë dyshohet se kishin tentuar të vidhnin produkte farmaceutike në vlerë prej rreth 28 eurosh, shkruan Telegrafi.

    Burri, i cili ishte me të, ishte larguar para mbërritjes së policisë. Pas kontrollit në zonën përreth, zyrtarët e gjetën atë në një garazh parkimi aty pranë, pasi kishte tentuar të largohej kur kishte vërejtur policët.

    Mallrat e dyshuara të vjedhura u gjetën në dysheme pranë tij. Kur policët i kërkuan ta shoqëronte në stacion, 31-vjeçari shqiptar kundërshtoi dhe përdori forcë fizike ndaj tyre. Megjithatë, zyrtarët arritën ta vënë nën kontroll dhe ta prangosnin.

    Verifikimet në stacion zbuluan se dhjetë kërkesat për përcaktimin e vendndodhjes së tij ishin iniciuar nga Prokuroria Publike e Bremenit, për vepra të ndryshme penale, përfshirë vjedhje, grabitje, kërcënime, sulme të rënda, vjedhje të rëndë dhe sulm seksual.

    Po ashtu, hetimet treguan se shqiptari ishte dëbuar nga Gjermania në vitin 2023 dhe ndaj tij ishte vendosur ndalim pesëvjeçar për hyrje dhe qëndrim në këtë shtet.

    Gjatë kontrollit fizik, në çantën e belit të 31-vjeçarit u gjet një thikë me një dorë, e cila ishte lehtësisht e arritshme. Për këtë arsye, ndaj tij u shtua edhe akuza për vjedhje me armë.

    Pas konsultimit me prokurorin në detyrë, shqiptari u dërgua në paraburgim në Aachen, me qëllim që të paraqitej para gjykatës të hënën për caktimin e masës së paraburgimit.

    Ndërkaq, gruaja 29-vjeçare nga Bullgaria u lirua pasi ndaj saj u ngrit kallëzim penal./Telegrafi/

  • FMN-ja sheh përparim për 1,6 miliardë dollarë për Ukrainën, por financimi ende nuk është miratuar

    FMN-ja sheh përparim për 1,6 miliardë dollarë për Ukrainën, por financimi ende nuk është miratuar

    FMN-ja sheh përparim për 1,6 miliardë dollarë për Ukrainën, por financimi ende nuk është miratuar

    Fondi Monetar Ndërkombëtar njoftoi se ka shënuar përparim në bisedimet me Kievin për një financim prej rreth 1,6 miliardë dollarësh amerikanë. Ekipi i FMN-së ende nuk ka arritur marrëveshje me autoritetet ukrainase. Para se çështja t’i kalojë Bordit Ekzekutiv për miratim, duhen siguruar edhe garancitë e financimit nga partnerët ndërkombëtarë.

    Bisedimet do të vazhdojnë në distancë. Shuma lidhet me dy rishikime të programit katërvjeçar të FMN-së për Ukrainën, me vlerë 8,1 miliardë dollarë amerikanë. Ajo nuk përbën një paketë të re dhe nuk është disbursuar.

    Në të njëjtin vlerësim, FMN-ja uli parashikimin për ekonominë e Ukrainës. Fondi pret tkurrje prej 0,5% këtë vit dhe 1% në vitin 2027, duke marrë për bazë vazhdimin e luftës dhe dëmet nga sulmet ndaj infrastrukturës. Sipas FMN-së, vetëm për vitin 2027 mbeten të pambuluara nga 32 deri në 34 miliardë dollarë amerikanë nevoja financimi.

    Burimi: Sinjali

  • IMF sees progress for $1.6 billion for Ukraine, but funding has not yet been approved

    The International Monetary Fund announced it has noted progress in talks with Kiev on a financing of about $1.6 billion. The IMF team has not reached agreement with Ukrainian authorities yet. Before the issue passes the Executive Board for approval, financing guarantees from international partners should also be provided.

    Talks will continue at a distance. The amount relates to two revisions of the IMF’s four-year programme for Ukraine, worth $8.1 billion. It does not constitute a new package and has not been disbursed.

    At the same assessment, the IMF lowered its forecast for Ukraine’s economy. The Fund expects contractions of 0.5% this year and 1% in 2027, taking on continued war and damage from infrastructure attacks. According to the IMF, only 2027 remain undiscovered from $32 billion to $34 billion in funding needs.

    Source Layer: Signal

  • Ndalohen tre shtetas të Serbisë në Kamenicë

    Ndalohen tre shtetas të Serbisë në Kamenicë

    Ndalohen tre shtetas të Serbisë në Kamenicë

    Policia e Kosovës ka ndaluar tre shtetas të Serbisë, dy femra dhe një mashkull, në fshatin Novosellë të Kamenicës.

    Sipas raportit 24-orësh të Policisë, ata dyshohet se kishin hyrë ilegalisht në territorin e Kosovës nga Serbia, jashtë vendkalimit kufitar.

    “Fsh. Novosellë, Kamenicë / 16.11.2026 – 12:35. Njësiti policor ka ndaluar veturën me targa të huaja në të cilën ndodheshin tre të dyshuar dy femra dhe një mashkull shtetas të Serbisë. Me veturë të dyshuarit dyshohet se në mënyrë ilegale jashtë vendkalimit kufitar nga territori i Serbisë kanë hyrë në territorin e Kosovës. Të dyshuarit pas intervistimit me urdhër të prokurorit pas inicimit të rastit janë liruar në procedurë të rregullt”, thuhet në raportin 24 orësh të PK.

    Burimi: Insajderi

  • Three Serbian citizens banned in Kamenica

    Kosovo police have detained three citizens of Serbia, two women and one male, in the village of Novoselle in Kamenica.

    According to the 24-hour police report, they were allegedly illegally entering Kosovo’s territory from Serbia, outside the border crossing.

    Shh. Novoselle, Camenice / 16,11,2026 – 12:35. The police unit has banned the car with foreign license plates, in which there were three suspects two women and one male citizen of Serbia. The car suspect allegedly illegally outside the border crossing from Serbia’s territory has entered Kosovo territory. The suspects following the investigation by the prosecutor’s order after the initialisation of the case have been released in regular procedure, the KB report said.

    Source Layer: Insander

  • Sot shpallet aktgjykimi ndaj Thaçit dhe të tjerëve për pengim të drejtësisë

    Sot shpallet aktgjykimi ndaj Thaçit dhe të tjerëve për pengim të drejtësisë

    Ish-presidenti i Kosovës, Hashim Thaçi, dhe katër të bashkëakuzuarit e tij do të përballen sot me vendimin e Gjykatës Speciale në Hagë, në rastin që lidhet me ndërhyrjen e pretenduar te dëshmitarët.

    Shpallja e aktgjykimit është caktuar për orën 10:00, ndërsa gjykatësi Christopher Gosnell ka urdhëruar praninë e të pesë të akuzuarve në seancë.

    Përveç Thaçit, vendimin do ta dëgjojnë edhe ish-drejtori i Agjencisë së Kosovës për Inteligjencë (AKI), Bashkim Smakaj, ish-kryetari i Malishevës, Isni Kilaj, ish-ministri Hajredin Kuçi dhe Fadil Fazliu.

  • “Dua t’ia ndez një qiri babait dhe t’i them sa më mungon”: Një tragjedi shqiptare nga Vukovari, qyteti që jeton me hijet e së kaluarës

    “Dua t’ia ndez një qiri babait dhe t’i them sa më mungon”: Një tragjedi shqiptare nga Vukovari, qyteti që jeton me hijet e së kaluarës

    Para 35 vjetësh, forcat serbe pushtuan Vukovarin, një qytet kroat me arkitekturë baroke pranë Danubit. Në mesin e mbrojtësve të qytetit kishte edhe shqiptarë – ashtu siç kishte edhe viktima civile shqiptare.

    Në vjeshtën e vitit 1991, qyteti i Vukovarit në Sllavoninë Lindore të Kroacisë, dikur një qendër industriale dhe kulturore me rreth 45’000 banorë, u shndërrua në fushëbetejën më të përgjakshme në Evropë pas Luftës së Dytë Botërore. Disa media ndërkombëtare e quajtën “Stalingradi kroat”.

    Ajo që komanda ushtarake në Beograd e kishte planifikuar si një operacion të shpejtë, disaditor, për të pushtuar Kroacinë, u kthye në një rrethim 87-ditor të Vukovarit. Përballë një force sulmuese prej rreth 30’000 ushtarësh, të pajisur me mbi 600 tanke, qindra gryka artilerie, aviacion dhe flotë lumore në Danub, qëndronin vetëm rreth 1800 mbrojtës kroatë me armatim të lehtë. Gjatë kësaj periudhe, mbi qytet u hodhën më shumë se 6,5 milionë predha – deri në 11’000 në ditë – duke mos lënë asnjë ndërtesë apo rrugë të paprekur. Ndërkaq, Kulla e Ujit, e lartë 50 metra, mbeti simbol i pathyeshmërisë, pasi nuk arritën ta rrëzonin as pas më shumë se 600 goditjeve të drejtpërdrejta.

    Pas tre muajsh rezistence mbinjerëzore, rrethimi u shtrëngua plotësisht në mesin e nëntorit 1991. Më 18 nëntor u thye mbrojtja në qendër të qytetit, ndërsa më 20 nëntor luftëtarët e fundit në Borovo Naselje dhe Mitnica dorëzuan armët për të shpëtuar mijëra civilë të strehuar në kombinatin “Borovo”.

    Rënia e Vukovarit u pasua nga krime masive, plaçkitje, dëbime dhe dërgimin e rreth 7000 mbrojtësve e civilëve në kampet serbe të përqendrimit në Serbi. Edhe pse Vukovari u mposht ushtarakisht, tridhjetë e pesë vjet më vonë ai mbetet një pikë kthese në historinë moderne kroate, pasi sakrifica e tij i dha vendit kohën e çmuar për t’u organizuar dhe për t’u mbrojtur.

    Vukovari është edhe një dramë shqiptare. Kur ushtarët dhe paramilitarët serbë u futën në qytet, ata arrestuan edhe pacientët e spitalit të Vukovarit, mbi 200 syresh, dhe i dërguan në një objekt të një kombinati bujqësor në periferi të qytetit. Aty i pushkatuan të gjithë. Sot aty gjendet një muze që kujton viktimat. Mes shumë emrave gjenden edhe emra shqiptarësh nga Vukovari, të vrarë nga soldateska e Beogradit. Në këtë qytet jetonin disa familje shqiptare, të cilat i kishin aty bizneset e tyre: furra buke, restorante, dyqane këpucësh, mishtore. Gjatë luftës, shumë prej tyre humbën pronat.

    Në tmerrin e Vukovarit, shqiptarët ishin gjithandej, në të gjitha frontet. Pra, kishte shqiptarë që banonin e jetonin në Vukovar dhe që u vranë nga ushtarët serbë. Kishte shqiptarë që iu bashkuan forcave kroate për të mbrojtur Vukovarin. Dhe kishte rekrutë shqiptarë që kishin mbetur në armatën e serbizuar jugosllave dhe që zhvillonin betejën e jetës së tyre: si të iknin nga kjo ushtri e urryer dhe të shpëtonin kokën? Oficerët serbë i kanë shitur për shuma të majme kokat e ushtarëve shqiptarë.

    Disa gjëra, mes shumë të tjerave, më kanë mbetur në kujtesë nga qëndrimet e mia në Vukovar: një shqiptar nga Gostivari që shiste hamburgerë në një kamp-shtëpizë dhe priste që autoritetet kroate t’ia lëshonin lejen për të ndërtuar shtëpinë e shkatërruar. Shtëpinë e kishte pasur në qendër, por autoritetet, sipas tij, e terrorizonin me burokraci. Një kujtim tjetër: Vukovari është vendlindja e Lavoslav Ružičkës, i cili, si profesor në ETH të Zürichut, mori Çmimin Nobel për Kimi. Në Vukovar, shtëpia e Ružičkës është muze.

    Kjo nuk është e tëra, natyrisht. Zëri më kumbues shqiptar në Vukovar padyshim është zëri i Klaudija Gojanit. Në gusht të vitit 1991, babai i saj, Jozo, vendosi që gruan dhe fëmijët t’i dërgonte në Gjermani, ndërsa vetë qëndroi në Vukovar për të mbrojtur qytetin. Kur forcat serbe u futën në qytet, bashkë me Jozon morën peng edhe qindra banorë të tjerë, mes tyre edhe gazetarin legjendar kroat Sinisha Gllavasheviq, kronikat e të cilit nga Vukovari i rrethuar kanë hyrë në historinë e Kroacisë.

    Kur iku me nënën në Gjermani më 1991, Klaudija ishte foshnje. Sot ajo është gazetare e Radios Kroate të Vukovarit, të cilës ia kishte dhënë famën Sinisha Gllavasheviq. Vite më parë, Klaudija Gojani i kishte deklaruar gazetës “Jutarnji list”: “Jemi shqiptarë, babai ka ardhur këtu nga Klina e Kosovës, atëbotë ishte 16-vjeçar. Në Vukovar ai kishte shumë familjarë. Kemi pasur mishtoren tonë dhe një dyqan këpucësh. Ata jetonin një jetë të lumtur dhe të qetë, askush nuk e ka pritur atë që ndodhi më 1991. E keqja ndihej, nëna e kishte ndier, andaj e luti babain t’i linte të gjitha dhe të niseshin për në Gjermani. Ai tha se Kroacia i ka dhënë çdo gjë, jo Gjermania, prandaj do të qëndronte këtu për të luftuar për Kroacinë”.

    Eshtrat e Jozo Gojanit nuk janë gjetur ende. Klaudija nuk e ka njohur kurrë babain e saj. Ende e kërkon. “Dua t’ia ndez një qiri dhe t’i them sa më mungon”, thotë ajo për mediat kroate.

    Pas pushtimit të Vukovarit forcat serbe organizuan një vizitë të gazetarëve të huaj në këtë qytet. Mes tyre atëbotë ishte edhe Cyrill Stieger nga gazeta “Neue Zürcher Zeitung”. Ai e ka përshkruar kështu situatën që e kishte parë në Vukovar: “Edhe tre ditë pas pushtimit të Vukovarit, gazetarëve të sjellë aty nga Armata Popullore Jugosllave u shfaqej një pamje tmerri. Lagje të tëra ishin shkatërruar dhe shumë shtëpi ishin djegur plotësisht. I gjithë qyteti ishte i mbushur me rrënoja dhe gërmadha. Në anë të rrugës qëndronin të shtrira kafshë të ngordhura, ndërsa para një shtëpie të shkatërruar nga plumbat ndodheshin dy kufoma. Në një oborr të brendshëm përballë spitalit, gazetarëve iu prezantuan rreth 20 kufoma, shumica prej tyre të karbonizuara dhe të gjymtuara. Disa kishin një etiketë me numër në këmbë. Me gjasë, ishin pacientë të spitalit. Këtë ia kishin bërë ‘fashistët kroatë’ popullsisë civile serbe, tha një oficer i armatës jugosllave. Kur u pyet se nga e dinte ai që viktimat ishin serbë dhe nëse kishte ende rëndësi kjo përballë atij mjerimi njerëzor, ai ktheu shpinën menjëherë. Në një shfaqje propagandistike të pashembullt, që nuk mund të tejkalohej për nga cinizmi, oficerët e armatës jugosllave u përpoqën t’ua shisnin gazetarëve pushtimin e qytetit si një ‘fitore të madhe’, ndërsa ata endeshin si të mpirë mes rrënojave.

    Sipas tyre, në Vukovar nuk ishte mbrojtur Kroacia, siç pretendonte Zagrebi; përkundrazi, qyteti ishte shndërruar në një kështjellë me qëllim që prej andej të përhapej fashizmi. Lufta u ishte imponuar serbëve dhe ushtria jugosllave e kishte ‘çliruar qytetin pas një lufte heroike nga duart e hordhive fashiste’. Të gjitha këto oficerët i thoshin me tonin e bindjes së plotë dhe me gjoksin të fryrë nga krenaria. Nën një shi të rrëmbyeshëm, gazetarët u ushqyen nga kuzhina fushore e ushtrisë jugosllave përpara rrënojave të zeza të hotelit ‘Dunav’, dhe si kujtim secili pjesëmarrës mori një stilolaps me mbishkrimin JNA”. Kështu dukeshin “fitoret serbe” më 1991./Telegrafi/