Category: Lajme

  • Nis rrënimi i gjashtë objekteve pa leje në Ujman, katër veranda dhe dy shtëpi

    Nis rrënimi i gjashtë objekteve pa leje në Ujman, katër veranda dhe dy shtëpi

    Ministria e Mjedisit dhe Planifikimit Hapësinor ka nisur rrënimin e gjashtë objekteve pa leje në zonën përreth Liqenit të Ujmanit.

    Burimi: Dukagjini

  • Nis rrënimi i gjashtë objekteve pa leje në Ujman, katër veranda dhe dy shtëpi

    Nis rrënimi i gjashtë objekteve pa leje në Ujman, katër veranda dhe dy shtëpi

    Ministria e Mjedisit dhe Planifikimit Hapësinor ka nisur rrënimin e gjashtë objekteve pa leje në zonën përreth Liqenit të Ujmanit.

    Burimi: Dukagjini

  • The collapse of six facilities without permission in Weyman, four porches and two houses

    The Ministry of Environment and Spatial Planning has begun destroying six facilities without permission in the area around Weyman Lake.

    Source Layer: Dukeagini

  • The collapse of six facilities without permission in Weyman, four porches and two houses

    The Ministry of Environment and Spatial Planning has begun destroying six facilities without permission in the area around Weyman Lake.

    Source Layer: Dukeagini

  • Gentian Gjiknuri në Business Reset 2026: “Transformimi i një biznesi nuk fillon nga teknologjia, fillon nga vetë biznesi”

    Gentian Gjiknuri në Business Reset 2026: “Transformimi i një biznesi nuk fillon nga teknologjia, fillon nga vetë biznesi”

    String, kompania me 15 vite eksperiencë në zgjidhje softuerike për menaxhimin e biznesit, ishte një nga prezencat më të spikatura në edicionin e parë të Business Reset, eventit rajonal B2B që mblodhi në Hotel Marriott Tirana mbi 400 pjesëmarrës nga 176 kompani. Si Gold Sponsor i konferencës, String u përfaqësua nga CEO Gentian Gjiknuri, i cili mbajti një nga fjalimet kryesore të ditës dhe drejtoi dy workshop-e praktike për drejtuesit e bizneseve.

    Gjashtë muaj inventar, të kryer për tetë orë

    Gjiknuri e nisi fjalimin me një histori nga viti 2015, kur String implementoi për Agna Group sistemin e gjurmimit të produkteve të Nestlé. Në magazinë, inventari i nisur në tetor nuk kishte përfunduar pas gjashtë muajsh, ndërsa çifti që e drejtonte nuk kishte bërë pushime bashkë prej 12 vitesh, sepse njëri duhej të rrinte gjithmonë pranë mallit. Me sistemin e ri, i njëjti inventar u krye për tetë orë.

    Për ta, kjo nënkuptonte pushimet e para së bashku. Për kompaninë, nënkuptonte standarde ndërkombëtare të përmbushura, asnjë produkt të skaduar harruar në raft, trajnim të stafit të ri për 10 minuta në vend të tre muajve dhe procese që kryhen për gjysmën e kohës. Sot, String ka qindra histori të tilla suksesi në çdo industri, nga shitja me pakicë dhe farmaceutika te hoteleria dhe ndërtimi.

    Mesazhi kryesor për dëgjuesit ishte i qartë: “Transformimi i një biznesi nuk fillon nga teknologjia, fillon nga vetë biznesi”, – tha Gjiknuri. Sipas tij, ky transformimi nis me kuptimin e proceseve, të njerëzve, të klientëve dhe partnerëve, si dhe të pikave ku kompania humbet kohë, informacion apo kontroll.

    ERP-ja, automatizimi dhe inteligjenca artificiale janë mjete jashtëzakonisht të fuqishme, theksoi ai, por vetëm kur dihet qartë cili problem duhet zgjidhur me to. Gjiknuri ndau me sallën se një nga momentet më të vlefshme në marrëdhënien me një klient është kur biseda nuk sillet më rreth software-it, por rreth pyetjeve thelbësore: si merret një vendim më shpejt, si shihet i gjithë biznesi në një vend, si eliminohet puna që nuk krijon vlerë, si rritet kompania pa rritur në të njëjtën masë kompleksitetin dhe, mbi të gjitha, si u jepen njerëzve mjete më të mira për punën e tyre.

    Udhëzime të njëjta por rezultate të ndryshme

    Pjesëmarrësit u ftuan të bënin një ushtrim të shkurtër, ku me sytë mbyllur dhe një fletë A4 në duar, të gjithë ndoqën të njëjtat udhëzime. Kur ata hapën sytë, u vu re se rezultatet e fletës ishin të ndryshme. Por, si ndodhi kjo? Ushtrimi tregoi në mënyrë të thjeshtë atë që ndodh shpesh në biznes, mungesa e një pamje të përbashkët e rezultatit që duhet të arrijnë. Kur një kompani rritet më shpejt se strukturat që e mbështesin, njerëzit mund të punojnë fort dhe me qëllime të përbashkëta, por të arrijnë rezultate të ndryshme. Problemi, sipas tij, nuk qëndron te njerëzit, por te mungesa e proceseve të qarta, koordinimit dhe informacionit të përbashkët. Rritja e një biznesi matet jo vetëm me numrin e klientëve apo transaksioneve, por me aftësinë për ta menaxhuar kompleksitetin pa humbur kontrollin.

    Dy workshop-e mbi Odoo dhe automatizimi i proceseve të biznesit

    Krahas fjalimit, String drejtoi dy nga nëntë workshop-et e konferencës, të dyja në sallën Tech. Në sesionin e pasdites (15:00–16:25), Gentian Gjiknuri prezantoi “How to Adapt Odoo to Your Team’s Needs: From Hiring to Performance”, duke treguar si mund të përshtatet Odoo me nevojat e ekipit, nga rekrutimi deri te matja e performancës. Në sesionin e mbrëmjes (18:00–19:15), workshop-i “How to Adapt Your ERP to Your Business Processes: Auditing, Integration and Customization with Odoo” u ndal te auditimi i proceseve, integrimi dhe përshtatja e ERP-së sipas mënyrës si funksionon çdo biznes. Të dyja sesionet e kthyen mesazhin e fjalimit në hapa konkretë për pjesëmarrësit: së pari kuptohen proceset dhe njerëzit, pastaj teknologjia përshtatet me to.

    Business Reset u mendua për një gjë që drejtuesit e bizneseve rrallë e kanë: disa orë larg urgjencave të përditshme, për ta parë kompaninë e tyre nga një perspektivë tjetër dhe për të hedhur dritë mbi të ardhmen e biznesit dhe tregun të gjerë. Sipas Gentian Gjiknurit, suksesi i ditës nuk matet me numrin e prezantimeve, por me atë që ndodh të nesërmen në zyrë: një ide që sfidon mënyrën e vjetër të punës, një proces që vendos ta ndryshosh, një vendim që nis ta zbatosh menjëherë.

    Business Reset lindi nga një ide e thjeshtë, por e guximshme: t’u japë drejtuesve të bizneseve disa orë larg urgjencave të përditshme, për ta parë kompaninë e tyre nga një kënd tjetër. Që kjo ide të bëhej realitet, duhej një partner që ndante të njëjtin vizion. String, si mbështetësi kryesor i Business Reset 2026, besoi te ky vizion dhe te qëllimi i tij, dhe së bashku me organizatorët e ktheu atë në një ditë që mblodhi mbi 400 pjesëmarrës nga 176 kompani. String nuk erdhi në Business Reset për të folur për software, por për të nisur një bisedë më të rëndësishme: si ndërtohet kompania që do të na duhet nesër. Ose, siç e tha vetë Gjiknuri: “Një reset nuk është fundi i diçkaje. Është momenti kur vendos se si dëshiron të vazhdosh më mirë.”

  • Despotovski: Ka zhgënjim nga "Revolucioni Laraman", por ngjarjet në Serbi janë mesazh për elitat politike

    Despotovski: Ka zhgënjim nga “Revolucioni Laraman”, por ngjarjet në Serbi janë mesazh për elitat politike

    Anëtari i LSDM-së dhe ish-drejtori i ZZHTI-së, Jovan Despotovski, beson se ka zhgënjim tek njerëzit nga efekti i ndryshimit pas dhjetë vitesh të “Revolucionit Laramanë”.

    Ai thotë se edhe nëse ndodh përsëri, lind pyetja nëse do të përballemi me të njëjtin zhgënjim, për të cilin ai pendohet që ndodhi.
    “Nuk do të mbështetesha në faktin se aktivizmi civil nuk mund të ndodhë përsëri për shkak të kësaj, por nuk po bëj thirrje që të ndodhë si në Serbi. Nuk e di nëse kjo kaloi nga ne tek ata apo anasjelltas, është çështje e pulës dhe vezës, por në Serbi fitoi arsyeja e shëndoshë, mekanizmi ishte revolucioni, rrugët, protestat, por në thelb një segment i madh i shoqërisë kishte problem me mënyrën se si qeveriste ish-qeveria, gjë që përkthehej në pakënaqësi dhe vota kundër, pas së cilës erdhi ndryshimi”, tha Despotovski në”Click Plus”.

    Despotovski beson se ngjarjet në Serbi janë një mesazh i mirë për elitat politike kudo.

    Ai ka përshtypjen se elitat politike në Shqipëri veprojnë pak më ndryshe sipas këtij logjike të shëndoshë dhe beson se kryeministri shqiptar Edi Rama e kupton kompleksitetin, e kupton pakënaqësinë dhe nuk po përpiqet ta shtypë atë siç ndodhi në Serbi./Telegrafi/

  • Vjedhja e 700 mijë eurove nga pensionet, ish-drejtoresha e Postës kërkon tjetër masë sigurie

    Vjedhja e 700 mijë eurove nga pensionet, ish-drejtoresha e Postës kërkon tjetër masë sigurie

    Vjedhja e 700 mijë eurove nga pensionet, ish-drejtoresha e Postës kërkon tjetër masë sigurie

    Elisabeta Mataj, ish-drejtoresha e filialit të Postës Shqiptare në Durrës, ka kërkuar zëvëndësim mase sigurie në Gjykatën e Durrësit, për rastin e pensioneve

    Ajo dyshohet si e përfshirë në vjedhjen e gati 700 mijë eurove, fonde që duhet të shkonin për pensione dhe ndihmë sociale.

    Burime pranë SPAK bënë me dije se përveç veprës penale të “vjedhjes duke shpërdoruar detyrën” është shtuar edhe ajo e “grupit të strukturuar kriminal”, raporton A2CNN, transmeton Klankosova.tv

    Dosja ndaj ish-drejtoreshës, Mataj, ish-shefes së financës Valbona Duni dhe ish-arkëtares, Paola Dana, u përcoll në SPAK nga Prokuroria e Durrësit, e cila shpalli moskompetencë për hetimin e rastit.

    Pas gati 5 muajsh hetim, hetuesit ngritën dyshime për ekzistencën e një grupi kriminal dhe të një skeme vjedhjeje të shtrirë në kohë.

    Sipas tyre, shuma e parave të vjedhura mund të jetë më e madhe se 700 mijë euro të “avulluara” në prill-maj 2026.

    Zgjerimi i hetimit, mund të kërkojë verifikimin edhe të veprimeve të paraardhëses së Matajt, ish-drejtoreshës, Etleva Budini, aktualisht deputete e Kuvendit të Republikës.

    Të dyshuarit Mataj, Duni dhe Dani janë duke u hetuar nën masën e sigurisë “arrest në shtëpi”.

    Në ditët në vijim, ato pritet të dalin para Gjykatës së Posaçme për verifikimin e kësaj mase. /Klankosova.tv

  • “Tendencioze" – Tërshani dhe drejtoresha e Pejës replika në Komision për rastin e Arlindës

    “Tendencioze” – Tërshani dhe drejtoresha e Pejës replika në Komision për rastin e Arlindës

    “Tendencioze" – Tërshani dhe drejtoresha e Pejës replika në Komision për rastin e Arlindës

    Komisioni Hetimor Parlamentar, i cili po shqyrton rastin e vrasjes së Arlinda Zekajt, ka intervistuar drejtoreshën e Mirëqenies Sociale në Komunën e Pejës, Albulena Muja Bajraktarin.

    Gjatë intervistimit, anëtarja e Komisionit, Adelina Tërshani, pati disa pyetje për mënyrën se si ishin diskutuar nevojat për shtimin e kapaciteteve në institucionin përkatës.

    Tërshani e pyeti drejtoreshën se si e shpjegon faktin që, sipas saj, nevojat për më shumë kapacitete ishin diskutuar në mënyrë joformale dhe jo përmes kërkesave zyrtare të regjistruara.

    Më pas, ajo e pyeti nëse kjo nënkuptonte që diskutimet e tilla zhvilloheshin si në kafene brenda objektit.

    “Jo, takimet janë në sallën e takimeve”, u përgjigj Muja Bajraktari.

    Pas kësaj, Tërshani reagoi duke i thënë: “Veç të lutna, a e din që nuk jam duke të sulmu, veç jam t’u t’pyet”.

    Ndërkaq, drejtoresha tha se pyetjen e kishte perceptuar si tendencioze.

    “M’u duk tendencioze, se në kafe nuk diskutohen, është salla e takimeve”, u shpreh ajo.

    Shkëmbimi i replikave u zhvillua gjatë seancës së Komisionit Hetimor Parlamentar, në kuadër të intervistimit për rastin e vrasjes së Arlinda Zekajt.

  • Vazhdojnë rrënimet pa leje në zonat ujore të liqeneve akumulueses

    Vazhdojnë rrënimet pa leje në zonat ujore të liqeneve akumulueses

    Ministrja e Mjedisit, Fitore Pacolli ka bërë të ditur se po vazhdojnë rrënimet pa leje në zonat ujore të liqeneve akumuluese.

    Pacolli në një postim në Facebook bën të ditur se Inspektorati i Ministrisë së Mjedisit ka nisur rrënimin e 6 objekteve pa leje në zonën përreth Liqenit të Ujmanit, prej tyre 4 veranda dhe 2 shtëpi.

    Njoftimi i plotë i ministres:

    Mirëmëngjesi!

    Po vazhdojmë me rrënimin e ndërtimeve pa leje në zonat ujore të liqeneve akumuluese.

    Pas rrënimit të të gjitha ndërtimeve ilegale dhe pastrimit të zonës përreth Liqenit të Radoniqit, po i kthehemi Ujmanit.

    Inspektorati i Ministrisë së Mjedisit ka nisur rrënimin e 6 objekteve pa leje në zonën përreth Liqenit të Ujmanit, prej tyre 4 veranda dhe 2 shtëpi.

    Pastaj, vazhdojmë edhe në Batllavë dhe Badovc.

    Mbrojtja e liqeneve dhe burimeve tona ujore është përgjegjësi e përbashkët dhe nuk do të lejojmë ndërtime që cenojnë pasuritë tona natyrore. Asnjë ndërtim i paligjshëm në zonat përreth liqeneve nuk do të tolerohet. Ligji do të zbatohet pa përjashtim. /Telegrafi/

  • Bayerni e kërkon Brajan Grudën, Leipzigu ia vendos çmimin afro 100 milionë euro

    Bayerni e kërkon Brajan Grudën, Leipzigu ia vendos çmimin afro 100 milionë euro

    Bayerni e kërkon Brajan Grudën, Leipzigu ia vendos çmimin afro 100 milionë euro

    Brajan Gruda po kalon një periudhë të shkëlqyer te RB Leipzig, ndërsa paraqitjet e tij të mira kanë zgjuar interesimin e disa klubeve të mëdha evropiane, përfshirë Bayern Munichun.

    Sipas gazetës gjermane “Bild”, Leipzigu nuk ka ndërmend ta shesë 21-vjeçarin gjatë verës së ardhshme, përveç nëse merr një ofertë jashtëzakonisht të lartë, që mund t’i afrohet shifrës prej 100 milionë eurosh.

    Bayerni po e përcjell nga afër zhvillimin e futbollistit dhe vlerëson veçanërisht aftësinë e tij për të luajtur në disa pozita në repartin ofensiv, si në të dy krahët, ashtu edhe pas sulmuesit.

    Megjithatë, Leipzigu ka një pozitë të favorshme në negociata për shkak të marrëveshjes me Brighton & Hove Albion, klubin që aktualisht e ka në pronësi Grudën.

    Futbollisti është i huazuar te skuadra gjermane, por detyrimi për blerjen e tij mund të aktivizohet në fillim të vitit 2027, nëse ai regjistron të paktën tri paraqitje në Bundesligë gjatë atij viti.

    Leipzigu kishte paguar një milion euro për huazimin në shkurt të vitit 2026, ndërsa për transferimin përfundimtar do t’i paguajë Brightonit edhe 25 milionë euro.

    Pas aktivizimit të marrëveshjes, Gruda pritet të nënshkruajë kontratë me Leipzigun deri në vitin 2031. Kontrata nuk përmban klauzolë lirimi, çka i jep klubit gjerman kontroll të plotë mbi të ardhmen e tij.

    Në këto rrethana, nëse Bayerni dëshiron ta transferojë talentin gjerman, mund të duhet të përgatitet për një ofertë që i afrohet 100 milionë eurove.

    Sinjali – aty ku e vërteta flet para lajmit!

    /GazetaSinjali/

    Burimi: Sinjali