Një spektakël i pazakontë, që sfidon kufijtë e shpejtësisë dhe gravitetit, është realizuar në Slloveni, ku dy atletë të sporteve ekstreme janë katapultuar në ajër nga maja e oxhakut më të lartë industrial në Evropë.
Spanjolli Dani Román dhe francezi Fred Fugen e realizuan këtë sfidë më 5 nëntor, në qytetin e Trbovljes, duke përdorur një sistem të posaçëm katapultimi të ndërtuar brenda oxhakut industrial, i cili është 360 metra i lartë.
Katapulta, me gjatësi prej 60 metrash, i përshpejtoi atletët nga zero në 180 kilometra në orë për vetëm 2.15 sekonda, duke i hedhur vertikalisht në ajër.
Pas lëshimit, dy sportistët përjetuan për disa çaste ndjesinë e mungesës së peshës, përpara se të kalonin në rënie të lirë dhe të hapnin parashutat për t’u ulur në mënyrë të sigurt, raporton “News Bomb”.
Përtej spektaklit dhe sfidës fizike, kjo ngjarje shënoi edhe vendosjen e dy rekordeve të reja Guinness.
Gjatë provës individuale, Dani Román arriti të ngrihej në lartësinë prej 100.36 metrash mbi pikën e nisjes, duke vendosur rekord botëror për lartësinë më të madhe të arritur nga një person përmes një katapulte njerëzore.
Ndërkaq, në lëshimin e përbashkët, Román dhe Fugen arritën një lartësi të kombinuar prej 151 metrash mbi pikat e tyre përkatëse të nisjes, duke siguruar rekordin e dytë botëror.
Projekti u realizua nga ekipi slloven “Dunking Devils Squad”, i cili punoi për dy vjet e gjysmë në ndërtimin e këtij sistemi të veçantë, të pajisur me një mekanizëm gjigant sustash.
Record du monde : deux sportifs spécialistes du saut en parachute et équipés de wingsuits ont été éjectés de la plus grande catapulte du monde, située dans la plus haute cheminée d’Europe, en Slovénie, passant de 0 à 180km/h en seulement de deux secondes. #JT13H https://t.co/a13sCGJRKF
— franceinfo (@franceinfo) November 10, 2026
Sinjali – aty ku e vërteta flet para lajmit!
Burimi: Sinjali