Flinin gjatë ndërrimit të natës dhe nuk kryenin detyrat, Trepça largon përkohësisht katër punëtorë nga puna

Flinin gjatë ndërrimit të natës dhe nuk kryenin detyrat, Trepça largon përkohësisht katër punëtorë nga puna

Written by

in

Flinin gjatë ndërrimit të natës dhe nuk kryenin detyrat, Trepça largon përkohësisht katër punëtorë nga puna

Ndërmarrja Trepça Sh.A. ka marrë vendim për largimin e përkohshëm nga puna të katër punëtorëve, për shkak të shkeljeve të rënda disiplinore.

Sipas njoftimit të ndërmarrjes, tri nga shkeljet e evidentuara lidhen me fjetjen në vendin e punës gjatë ndërrimit të tretë.

“Me datën 18.11.2026, Kryeshefi Ekzekutiv i Trepça Sh.A. ka nxjerrë Vendimin për largimin e përkohshëm nga puna të: z. I. B., punonjës i Njësisë Biznesore Miniera me Flotacion Trepça-Stan Tërg; z. M. S., punonjës i Njësisë Biznesore Miniera me Flotacion Trepça-Stan Tërg; z. M. Sh., punonjës i Njësisë Biznesore Miniera me Flotacion Trepça-Stan Tërg; dhe z. P. M., punonjës i Njësisë Biznesore Miniera me Flotacion Trepça-Stan Tërg”, thuhet në njoftim.

Sipas ndërmarrjes, vendimi është marrë pas konstatimit të shkeljeve të rënda të disiplinës në punë gjatë ndërrimit të tretë.

Përveç fjetjes në vendin e punës, shkeljet e evidentuara përfshijnë edhe raportimin e pasaktë të gjendjes së punonjësve dhe moskryerjen e detyrave mbikëqyrëse.

Ndërkaq, çështja u është përcjellë Komisionit Disiplinor për shqyrtim dhe vendimmarrje, në përputhje me rregulloret e Trepça Sh.A.

Burimi: Insajderi